Aurangabad: विधानसभा निवडणुकीनंतर भाजप-शिवसेनेच्या सत्तासंघर्षात महत्वाची भूमिका निभावणारे आणि त्यांनतर महाविकास आघाडीची सत्ता राज्यात आणण्यासाठी पुढाकार घेणारे संजय राऊत याची वेगळी ओळख सांगण्याची गरज नाही. असे असताना एका संजयने शिवसेनेची सत्ता आणली तर दुसरीकडे पक्षातील तीन संजय नावाचे आमदार मात्र सत्ता पाडण्याची भूमिका निभावतांना पाहायला मिळत असल्याची चर्चा आहे. कारण औरंगाबादचे आमदार संजय शिरसाट, बुलडाण्याचे संजय रायमुलकर आणि संजय गायकवाड हे तीनही 'संजय' एकनाथ शिंदेंच्या गटात असल्याची चर्चा आहे.

शिवसेना आणि संजय नावाचे जरा हटके कनेक्शन आहे. कारण शिवसेनेची मदार सांभाळणारे खासदार राऊत यांचे नाव संजय असून, पक्षात आणखी चार आमदार सुद्धा संजय नावाचे आहेत. एकीकडे संकटात सापडलेल्या पक्षाला वाचवण्यासाठी एक संजय धरपड करत असताना दुसरीकडे तीन संजय एकनाथ शिंदेंच्या नाराज गटात सहभागी झाले आहेत. त्यामुळे शिवसेनेचा 'संजय पॅटर्न' आधी सत्तास्थापनेसाठी आणि आता पाडण्यासाठी सुरु असल्याची चर्चा रंगत आहे. विशेष म्हणजे आणखी एक आमदार असलेले संजय राठोड सुद्धा शिवसेनेच्या बैठकीत नव्हते.

राज्यसभेत सुध्दा 'संजय'नांचा संधी...  

शिवसेनेचा संजय पॅटर्न राज्यसभा निवडणुकीत सुद्धा पाहायला मिळाला होता. कारण राज्यसभा निवडणुकीत शिवसेनेने ज्या दोन उमदेवारीची घोषणा केली होती त्यात एक संजय राऊत तर दुसरे संजय पवार यांचे नाव होते. त्यामुळे शिवसेना आणि संजय कनेक्शन आता चर्चेचा विषय बनला आहे.

एकनाथ शिंदेंसोबत सूरतमध्ये कोणते आमदार? एबीपी माझाच्या हाती यादी 

मुंबई

1. मागाठाणे आमदार प्रकाश सुर्वे

मराठवाडा 

1. सिल्लोडचे आमदार आणि राज्यमंत्री अब्दुल सत्तार.2. पैठणचे आमदार आणि राज्यमंत्री संदिपान भुमरे3. औरंगाबाद पश्चिमचे आमदार संजय शिरसाट4. कन्नडचे आमदार उदयसिंग राजपूत5. वैजापूरचे आमदार प्रा. रमेश बोरनारे6. नांदेडचे बालाजी कल्याणकर

कोकण 

1. अलिबागचे आमदार महेंद्र दळवी2. कर्जतचे आमदार महेंद्र थोरवे3. महाडचे आमदार भरतशेठ गोगावले

पश्चिम महाराष्ट्र 

1. आटपाडीचे आमदार अनिल बाबर2. भुदरगडचे आमदार प्रकाश अबिटकर3. पाटणचे आमदार आणि गृहराज्यमंत्री शंभुराज देसाई4. सांगोल्याचे आमदार शहाजी पाटील5. साताऱ्यातील कोरेगावचे आमदार महेश शिंदे

ठाणे  

1. अंबरनाथचे आमदार बालाजी किणीकर2. पालघरचे आमदार श्रीनिवास वनगा3. भिवंडी ग्रामिणचे आमदार शांताराम मोरे4. कल्याण पश्चिमचे आमदार विश्वनाथ भोईरउत्तर महाराष्ट्र  1. पाचोराचे आमदार किशोर आप्पा पाटील

विदर्भ  

1. मेहकरचे आमदार संजय रायमुलकर2. बुलढाण्याचे आमदार संजय गायकवाड