LIVE: निवडणुकीत ठाकरे बंधूंसोबत लढणार नाही, भाई जगताप यांचा दावा

22/10/2025 13:16:46

किल्ल्यावर छत्रपतींच्या वेशातील युवकास सुरक्षारक्षकांचा विरोध; मराठीबद्दल प्रश्न उपस्थित

वसई : सध्या सोशल मीडियावर वसई किल्ल्याचा एक व्हिडिओ चांगलाच व्हायरल होत आहे. या व्हिडिओमध्ये छत्रपती शिवाजी महाराजांचा पोशाख घालून आलेल्या एका युवकास किल्ल्यावरील सुरक्षारक्षकाने फोटो काढण्यास मज्जाव केल्याची घटना समोर आली आहे.

या वेळी सुरक्षा रक्षकाने त्या युवकास हिंदीत प्रश्न विचारल्याने युवक भडकला. “मराठी येत नाही का तुला? मराठी आलीच पाहिजे, मराठी न येत असल्याचा माज दाखवला नाही पाहिजे,” अशा शब्दांत त्या युवकाने आपली भूमिका स्पष्ट करत भाषेच्या सन्मानाचा मुद्दा उपस्थित केला. तसेच “छत्रपतींच्या वेशात आल्यावर फोटो काढण्यास मज्जाव का करता? महाराजांच्या गड-किल्ल्यांवर अशी मनाई आम्ही खपवून घेणार नाही,” असा सवालही त्याने उपस्थित केला.

ही घटना लक्ष्मीपूजनाच्या पवित्र दिवशी घडली, ज्या दिवशी वसईच्या ऐतिहासिक जंजिरे वसई किल्ल्यावर दीपोत्सव कार्यक्रम आयोजित करण्यात आला होता.
किल्ले वसई मोहीम परिवार आणि अनाम प्रेम महाराष्ट्र यांच्या संयुक्त विद्यमाने हा उपक्रम राबविण्यात आला. या कार्यक्रमात शेकडो दीप प्रज्वलित करून ज्ञात-अज्ञात वीरांना भावपूर्ण श्रद्धांजली अर्पण करण्यात आली.

कार्यक्रमादरम्यान स्थानिक नागरिक, इतिहासप्रेमी, सामाजिक कार्यकर्ते आणि विविध सांस्कृतिक संस्थांचा उत्स्फूर्त सहभाग पाहायला मिळाला. काही तरुणांनी छत्रपती शिवाजी महाराज आणि मावळ्यांचा वेश परिधान करून सहभाग घेतला होता.

या घटनेनंतर सोशल मीडियावर युवकाच्या धाडसी प्रतिक्रियेचे कौतुक होत असून, “महाराष्ट्रात असताना मराठी न समजणे ही लाजिरवाणी गोष्ट आहे” अशी भावना अनेकांनी व्यक्त केली आहे.
वसई किल्ल्यावर घडलेला हा प्रसंग सध्या स्थानिक पातळीवर चर्चेचा विषय ठरला आहे.

22/10/2025 11:57:12

पद्माविभुषण एकनाथ चिटणीस यांचे पुण्यात निधन

पद्माविभुषण एकनाथ चिटणीस यांचे पुण्यात निधन

इस्रोच्या स्थापनेत चिटणीस यांचा मोठा वाटा

22/10/2025 10:59:53

आमदार सुरेश धस यांची वंचित आणि गरजू लोकांसमवेत दिवाळी साजरी

भाजपा आमदार सुरेश धस यांनी बीडच्या आष्टीतील आपल्या निवासस्थानी वंचित आणि गरजू लोकांसमवेत दिवाळी साजरी केली. सुरेश धस यांच्या आजोबांपासून सुरू असलेली परंपरा आजतागायत त्यांनी कायम ठेवली आहे. आष्टी मतदार संघातील वंचित कुटुंबाला मदतीचा हात देत धस यांची निवासस्थानी ही दिवाळी साजरी होतेय. अतिवृष्टीने शेतकरी संकटात सापडला मात्र त्यांच्या धैर्याला सलाम करावा लागेल. दिवाळीच्या आधी काही शेतकऱ्यांना सरकारी मदत मिळाली. मात्र बँकांना सुट्टी असल्यामुळे शेतकरी वंचित राहिले असल्याचे धस म्हटले..

22/10/2025 10:59:53

आमदार सुरेश धस यांची वंचित आणि गरजू लोकांसमवेत दिवाळी साजरी

भाजपा आमदार सुरेश धस यांनी बीडच्या आष्टीतील आपल्या निवासस्थानी वंचित आणि गरजू लोकांसमवेत दिवाळी साजरी केली. सुरेश धस यांच्या आजोबांपासून सुरू असलेली परंपरा आजतागायत त्यांनी कायम ठेवली आहे. आष्टी मतदार संघातील वंचित कुटुंबाला मदतीचा हात देत धस यांची निवासस्थानी ही दिवाळी साजरी होतेय. अतिवृष्टीने शेतकरी संकटात सापडला मात्र त्यांच्या धैर्याला सलाम करावा लागेल. दिवाळीच्या आधी काही शेतकऱ्यांना सरकारी मदत मिळाली. मात्र बँकांना सुट्टी असल्यामुळे शेतकरी वंचित राहिले असल्याचे धस म्हटले..

22/10/2025 10:58:25

बीडच्या माजलगाव शहरातून रागाच्या भरात घरातून गेलेल्या तरुणाचा मृतदेह धरणात आढळला

बीडच्या माजलगाव शहर शहरातून धक्कादायक बातमी समोर आलीय.. फुलेनगर परिसरातील तरुण मंदार वीरभद्र वाकळे दोन दिवसांपूर्वी रागाच्या भरात घरातून निघून गेला होता. मोबाईलसुद्धा घरीच ठेवून निघालेल्या मंदारचा दोन दिवसांपासून काहीच पत्ता लागला नाही. अखेर आज त्याचा मृतदेह माजलगाव धरणात आढळून आला. या घटनेमुळे परिसरात हळहळ व्यक्त केली जात आहे. मंदार नेमक्या कोणत्या कारणामुळे घरातून रागाने बाहेर पडला आणि त्याचा मृत्यू कसा झाला, हे अद्याप स्पष्ट झालेले नाही. पोलीसांनी घटनास्थळी धाव घेत मृतदेह ताब्यात घेतला असून पुढील तपास सुरू आहे. तरुणाचा असा मृत्यू झाल्याने माजलगाव शहरात शोककळा पसरली आहे.

22/10/2025 09:57:43

भिवंडी तालुक्यात कपड्याच्या गोदामाला भीषण आग ; एक कामगार जखमी

भिवंडी तालुक्यातील राहणाल ग्रामपंचायत हद्दीतील मनीसुरत कॉम्प्लेक्समधील महावीर मढवी कंपाउंड येथे रात्री उशिरा कपड्याच्या गोदामात भीषण आग लागल्याची घटना घडली. रात्री लक्ष्मीपूजन उरकल्यानंतर अचानक सिलेंडरचा प्रचंड स्फोट झाला आणि काही क्षणांतच आगीने रौद्ररूप धारण केले. या स्फोटामुळे दुसऱ्या मजल्या वरील गोदामाची भिंत कोसळली आहे. ही आग इतकी विक्राळ होती की पाहता पाहता लागोपाठ तीन कपड्यांची गोदामे जळून खाक झाली. घटनेत विजय जाधव (वय 43) हा कामगार जखमी झाला असून त्याच्यावर खाजगी रुग्णालयात उपचार सुरू आहेत. आग विझवण्यासाठी भिवंडी अग्निशमन दलाच्या तीन गाड्या तत्काळ घटनास्थळी दाखल होऊन जोरदार प्रयत्न सुरू आहेत. आग नियंत्रणात आणण्यासाठी अजूनही शर्तीचे प्रयत्न सुरू असून परिसरात धुराचे प्रचंड लोट पसरले असून सुदैवाने मोठी जीवितहानी टळल्याची प्राथमिक माहिती मिळत आहे. सिलेंडर ब्लास्टमुळे ही दुर्घटना घडल्याचा प्राथमिक माहिती समोर आले असून या घटनेमुळे परिसरात एकच खळबळ उडाली आहे. या आगीवर अग्निशमनदालाकडून तब्बल पाच तासानंतर नियंत्रण मिळवण्यात यश आले आहे सध्या घटनास्थळी कुलींगचे काम सुरू आहे.

22/10/2025 08:40:00

Rain : महाराष्ट्राची चेरापुंजी म्हणून ओळखल्या जाणाऱ्या आंबोलीमध्ये यंदा सरासरीपेक्षा 5000 मी.मी. कमी पावसाची नोंद

महाराष्ट्राची चेरापुंजी म्हणून ओळखल्या जाणाऱ्या आंबोली मध्ये यंदा सरासरीपेक्षा ५००० मी.मी. कमी पावसाची नोंद झाली आहे. आंबोलीत दरवर्षी सरासरी ८००० ते ८५०० मी.मी. पावसाची नोंद होते. मात्र यंदा २७५४.७ मिमी. पावसाची नोंद झाली आहे. ब्रिटिशांनी सुमारे १५० वर्षांपूर्वी आंबोलीतील सनसेट पॉईट येथे पर्जन्यमापक यंत्र बसवले होते. त्यावरून दरवर्षी पावसाची नोंद घेतली जात होती. मात्र ब्रिटिशकालीन पर्जन्यमापक यंत्र काढण्यात आले आहे. त्यानंतर प्रशासनाकडून गतवर्षी सौर ऊर्जेवर चालणारे पर्जन्यमापक यंत्र बसवले. त्या पर्जन्यमापक यंत्रावरून मोजण्यात आलेल्या पावसाची नोंद ही सरासरी २७५४.७ मि.मी. नोंद झाली आहे. नवीन सोलार आधारित पर्जन्यमापक यंत्रावर झालेली ही नोंद गोंधळात टाकणारी आहे. प्रशासनाच्या आकडेवारीनुसार आंबोलीतील सरासरी पावसाची नीचांकी नोंद झाली. आंबोलीत पडणाऱ्या पावसाचा आनंद लुटण्यासाठी मोठ्या संख्येने पर्यटक राज्यासह परराज्यातून देखील येत असतात.

22/10/2025 08:36:01

आदिवासी नागरिकांना कपडे, फटाके, फराळ वाटप करत पोलिसांनी साजरी केली दिवाळी

गडचिरोली : राज्यातला सर्वाधिक मागास आणि सदैव माओवादी हिंसेसह बंदुकीच्या आवाजाने हादरणारा गडचिरोली जिल्हयाच्या अनेक गावात अजुनही विकासाची किरणे पोहचलेली नाहीत. त्यामुळे आर्थिक स्थिती बेताची असलेल्या गावासाठी तसेच वीजेचा प्रकाश न पोहचलेल्या गावासाठी दिवाळी हा सण अजुनही दुर्मिळच आहे. अशाच एका आदीवासीबहुल दुर्गम गावात आज गडचिरोली पोलीसांनी फराळ, फटाके, नवे कपडे वाटप करत आदीवासी नागरीकासोबत दिवाळीचा आनंद साजरा केला. तब्बल पाच किलोमीटरचा जगलातला पायी प्रवास करुन सिरोंचा तालुक्यात मरीगुडम या गावात पोलिसांनी पोहचुन वेगळया पध्दतीने दिवाळी साजरी केली. यावेळी पोलिसांनी स्थानिक आदिवासी नागरिकांशी संवाद साधून त्यांच्या समस्या समजून घेतल्या. या गावात मूलभूत सोयी सुविधांची गरज समजून घेऊन त्या समस्या सोडवण्याचा आश्वासन त्यांनी नागरिकांना दिलं.. लहान मुले, तरुण वयोवृद्ध आणि स्त्रिया या सगळ्यांना कपडे, फटाके, फराळाचे वाटप पोलिसांकडून यावेळी करण्यात आले.

22/10/2025 08:22:41

माणुसकीला निवृत्ती नाही! पूरग्रस्तांना पतीच्या पेन्शनमधून आजींकडून पाच लाखांची मदत

पूरग्रस्तांना मदतीसाठी अनेक संवेदनशील हात पुढे येत आहेत. पुण्यातील भारती अरविंद मांढरे या आजीने स्वतःची वैयक्तिक बचत आणि पतीचे निवृत्तीवेतन यातून धाराशिव मध्ये येत पूरग्रस्तांना पाच लाखांची रोख आर्थिक मदत केली. तसेच उबदार कपडे भेट दिले. ज्या घरामध्ये पाणी शिरलं त्या कुटुंबांना भेटत थेट मदत त्यांनी दिली. स्वतःची तब्येत बरी नसताना मुलीला सोबत घेत पुणे ते धाराशिव असा प्रवास करत त्या पूरग्रस्तांच्या मदतीला पोहोचल्या. पतीच्या पेन्शन मधून मदतीचा हात देत 69 वर्षीय भारती आजीनी माणुसकीला निवृत्ती नसते हेच दाखवून दिले.

22/10/2025 08:18:09

गजबजलेल्या वस्तीतील घराच्या बाथरूममध्ये शिरली अस्वल; भंडाऱ्याच्या पवनी शहरातील घटना

जंगलातून भरकटलेलं एक अस्वल थेट पवनी शहरात शिरलं. रात्रीच्या सुमारास गावातील नागरिक दिवाळी साजरी करण्यात व्यस्त असताना अचानक अस्वल दिसल्यानं त्यांनी आरडाओरड केल्यानं अस्वलनं एका पडक्या घरातील बाथरूममध्ये आश्रय घेतला. यावेळी पवनी वन विभाग आणि RRT पथकानं मोठ्या शिताफीनं अस्वलाला जेरबंद करून वन विभागाच्या अधिवासात सोडलं. हा संपूर्ण प्रकार पवनी शहरातील बेलघाटा वार्डात रात्रीच्या सुमारास घडला. वन विभागाची टीम तातडीनं दाखल झाल्यानं कुठलीही अनुचित घटना घडली नाही, हे विशेष.

22/10/2025 08:16:26

Akola: अकोला-अमरावती मार्गावरील काटेपूर्णा गावाजवळ अज्ञात ट्रकची कारला धडक; अपघातात तीन लोकांचा जागीच मृत्यू

Akola: अकोला-अमरावती मार्गावरील काटेपूर्णा गावाजवळ रात्री अज्ञात ट्रकने कारला धडक दिली. अपघातात बोरगावमंजूमधील तीन लोकांचा जागीच मृत्यू. एकजण गंभीर जखमी. अपघातानंतर ट्रक चालक ट्रकसह फरार. मृतक एका यात्रेत सामान विकून घरी परतत असतांना झाला अपघात. एका गंभीर जखमीवर अकोल्यात उपचार सुरू.

22/10/2025 07:53:38

Jalgaon News: माजी आमदार राजीव देशमुखांच्या पार्थिवावर आज होणार अंत्यसंस्कार

राष्ट्रवादी शरद पवार गटाचे चाळीसगाव येथील माजी आमदार राजीव देशमुख यांचं काल हृदय विकाराच्या झटक्याने निधन झाले होते.
आज सकाळी दहा वाजता चाळीसगाव येथे त्यांच्यावर अंत्य संस्कार केले जात आहेत. यावेळी मंत्री गुलाबराव पाटील,मंत्री गिरीश महाजन,एकनाथ खडसे,शंभूराज देसाई यांच्या सह जिल्ह्यातील आजी, माजी आमदार खासदार आणि विविध पदाधिकारी उपस्थित राहणार आहेत

22/10/2025 07:37:33

Anna Hazare & Eknath Shinde: दिवाळीच्या मुहूर्तावर उपमुख्यमंत्री एकनाथ शिंदे यांचा ज्येष्ठ समाजसेवक अण्णा हजारे यांच्याशी संवाद

उपमुख्यमंत्री एकनाथ शिंदे यांनी व्हिडिओ कॉल द्वारे ज्येष्ठ समाजसेवक अण्णा हजारे यांना दिल्या दिवाळीच्या शुभेच्छा...उपमुख्यमंत्री एकनाथ शिंदे यांचे विश्वासू मंगेश चिवटे यांनी ज्येष्ठ समाजसेवक अण्णा हजारे यांची राळेगणसिद्धी या ठिकाणी भेट घेतली यावेळी त्यांनी उपमुख्यमंत्री एकनाथ शिंदे यांना व्हिडिओ कॉल द्वारे अण्णांचं बोलणं करून दिलं...उपमुख्यमंत्री शिंदे यांनी आण्णाना शुभेच्छा दिल्या

22/10/2025 07:33:57

Beed News: कपिलधारवाडी अपडेट; 50 घरांना तडे, ऐन दिवाळीत ग्रामस्थांचा मंदिरात आश्रय

मागील 20 दिवसांमध्ये बीड तालुक्यातील कपिलधारवाडी गावातील परिस्थिती अधिक गंभीर बनली आहे. 100 घरं असलेल्या गावात भूस्खलन होऊ लागल्याने 50 पेक्षा अधिक घरांना तडे गेलेत. गाव भूस्खलनात कधी गडप होईल हे सांगता येत नाही. गावातील रस्ते आणि घरे खचल्याने 500 ग्रामस्थांचे आजही ऐन दिवाळीत मंदिरामध्ये स्थलांतर आहे. दहा दिवसांपूर्वी केंद्राच्या जीएसआय पथकाने पाहणी केली. मात्र अद्याप त्याचा अहवाल आलेला नाही. त्यामुळे गावाचा पुनर्वसनाचा प्रश्न प्रलंबित आहे.

22/10/2025 07:23:58

Bhandara news: गजबजलेल्या वस्तीतील घराच्या बाथरूममध्ये शिरले अस्वल

जंगलातून भरकटलेलं एक अस्वल थेट पवनी शहरात शिरलं. रात्रीच्या सुमारास गावातील नागरिक दिवाळी साजरी करण्यात व्यस्त असताना अचानक अस्वल दिसल्यानं त्यांनी आरडाओरड केल्यानं अस्वलनं एका पडक्या घरातील बाथरूममध्ये आश्रय घेतला. यावेळी पवनी वन विभाग आणि RRT पथकानं मोठ्या शिताफीनं अस्वलाला जेरबंद करून वन विभागाच्या अधिवासात सोडलं. हा संपूर्ण प्रकार पवनी शहरातील बेलघाटा वार्डात रात्रीच्या सुमारास घडला. वन विभागाची टीम तातडीनं दाखल झाल्यानं कुठलीही अनुचित घटना घडली नाही.

22/10/2025 06:47:39

Nagpur Fire: नागपूरमध्ये सहा ठिकाणी आग लागल्याची घटना

नागपूर शहरामध्ये गेल्या रात्रभरात फटाक्यांनी सहा ठिकाणी आग लागल्याच्या घटना घडल्या ...यात मोठी आग हि आठ रस्ता चौक येथील रिलायन्स स्मार्ट स्टोरलाला लागली. रात्री 9 वाजताच्या सुमारास लागलेल्या या आगीत स्मार्ट स्टोर मधील संपूर्ण साहित्य जळून राख झाले.... तीन तासाच्या अथक प्रयत्नांनंतर अग्निशाम दलाला आग यश आले .. या आगीत लाखो रुपयाच्या मालमत्तेचे नुकसान झाले ..

या व्यतिरक्त छोट्या छोट्या आगीच्या पाच घटना शहराच्या वेगवेगळ्या भागातून पुढे आल्या ... ज्यात कचऱ्याला आग लागणे , झाडाला आग लागणे अशा घटना घटनांची अग्निशमन दलाकडे नोंद झाली ..

22/10/2025 06:43:25

Maharashtra Politics: महाराष्ट्राची अवदसा निर्माण करण्यात केंद्र आणि राज्यातील सरकारचा वाटा

महाराष्ट्राची अवदसा निर्माण करण्यात केंद्र आणि राज्यातील सरकारचा वाटा

सरकारनं सत्तेचा दुरुपयोग करून माजगाव क्रिकेट क्लबचं नाव रद्द केल्यास आम्ही कोर्टात जाऊ

काँग्रेस नेते नाना पटोले यांचा केंद्र आणि राज्य सरकारला इशारा

22/10/2025 06:42:45

Virar Fire: विरारमध्ये गाडीला आग लागली

विरार जकात नाका परिसरात आज रात्री सुमारे १०.२० वाजता एका चारचाकी वाहनाला अचानक आग लागल्याची घटना घडली. सुदैवाने, गाडीमध्ये त्यावेळी कोणीही प्रवासी नव्हते, त्यामुळे कोणतीही जीवितहानी झाली नाही. प्रत्यक्षदर्शींच्या माहितीनुसार, गाडी काही वेळापासून रस्त्याच्या कडेला उभी होती. अचानक धुराचे लोट निघू लागल्याने स्थानिकांनी तत्काळ अग्निशमन दलाला कळवले. विरार अग्निशमन दलाच्या जवानांनी घटनास्थळी धाव घेऊन आग नियंत्रणात आणली. आगीचे नेमके कारण अद्याप समजू शकलेले नाही.

22/10/2025 06:41:55

Mumbai News: मुंबईत एमआयएमची महत्त्वाची बैठक

आज मुंबई वगळता इतर जिल्ह्यातील महत्वाच्या पदाधिकारी बैठक बोलवण्यात आली होती. आम्ही आगामी सर्व निवडणूक लढणार आहे, त्यानुसार सर्व जिल्ह्यांचा आढावा घेण्यात आला. आमच्या महाराष्ट्र टीमने आज आढावा घेतला आहे, त्यानुसार कुठे किती जागा लढवली जाईल याचा आम्ही निर्णय घेणार आहे. कुणासोबत युती करावी याबाबत स्थानिक पदाधिकारी निर्णय घेतील...आम्ही ज्यांना उमेदवारी देणार अहोत त्यांना महत्वाचे नियम असणार आहे, जर दारुण पराभव झाला तर तेथील जबाबदार व्यक्तीला घरचा रस्ता दाखवला जाणार आहे.

22/10/2025 06:40:55

Nagpur news: नागपूर शहरामध्ये गेल्या रात्रभरात फटाक्यांनी सहा ठिकाणी आग लागल्याच्या घटना घडल्या

नागपूर शहरामध्ये गेल्या रात्रभरात फटाक्यांनी सहा ठिकाणी आग लागल्याच्या घटना घडल्या. यात मोठी आग हि आठ रस्ता चौक येथील रिलायन्स स्मार्ट स्टोरलाला लागली. रात्री 9 वाजताच्या सुमारास लागलेल्या या आगीत स्मार्ट स्टोर मधील संपूर्ण साहित्य जळून राख झाले. तीन तासाच्या अथक प्रयत्नांनंतर अग्निशाम दलाला आग यश आले. या आगीत लाखो रुपयाच्या मालमत्तेचे नुकसान झाले. या व्यतिरक्त छोट्या छोट्या आगीच्या पाच घटना शहराच्या वेगवेगळ्या भागातून पुढे आल्या. ज्यात कचऱ्याला आग लागणे , झाडाला आग लागणे अशा घटना घटनांची अग्निशमन दलाकडे नोंद झाली .

22/10/2025 06:39:38

Pune News: पुण्यातील सारसबागेत पाडवा पहाट

पुण्यात दिवाळी पाडवा पहाटचा उत्सव. पुण्यातील सारसबागेत दिवाळी पहाट पाडवा. पुण्यातील सारसबागमध्ये यंदाही पार पडणार पाडवा पहाटचा कार्यक्रम. गेल्या 28 वर्षांपासून सारसबागेत होतो दिवाळी पहाटचा कार्यक्रम. सारसबागेत होणाऱ्या या पाडवा पहाट कार्यक्रमाला काही हिंदुत्ववादी संघटनांनी केला होता विरोध. धमक्यांना कंटाळून कार्यक्रम रद्द करण्याचा आयोजकांनी केला होता विचार. पोलिसांकडून सतर्कता बाळगण्याचे आश्वासन दिल्यानंतर आयोजकांकडून कार्यक्रम घेण्याचा निर्णय. तर सारसबागेच्याबाहेर पोलीस बंदोबस्त देखील पोलिसांनी मोठ्या प्रमाणात वाढवण्यात आला आहे.

Maharashtra Live blog: निवडणुकीत ठाकरे बंधूंसोबत लढणार नाही, भाई जगताप यांचा दावा

पार्श्वभूमी