Maharashtra Live: बीड नगरपालिकेबाहेर भाजपा आणि एमआयएम कार्यकर्ते आमनेसामने, धार्मिक घोषणाबाजी

19/11/2025 06:36:04

Gadchiroli Politics: गडचिरोलीच्या प्रभाग 11 मधून काँग्रेसचे दोन उमेदवार बाद

गडचिरोली नगर परिषदेत भाजपकडून उमेदवारी घोषित करण्यात झालेला हायव्होल्टेज ड्रामा चर्चेचा विषय ठरला असतानाच, प्रभाग 11 अ आणि ब मधील काँग्रेसच्या दोन उमेदवारांचे उमेदवारी अर्ज आज छाननी दरम्यान रद्द झाले. त्यामुळे काँग्रेसला मोठा धक्का बसला असून या प्रभागात राष्ट्रवादी काँग्रेस अजित पवार गट आणि भाजपच्या उमेदवारांमध्ये थेट लढत होणार आहे. प्रभाग क्रमांक 11 अ मधून काँग्रेसच्या सुश्मिता उसेंडी यांनी उमेदवारी अर्ज भरला होता. मात्र त्यांनी उमेदवारी अर्ज सोबत जात वैधता प्रमाणपत्र किंवा पोच पावती न जोडल्याने त्यांचा अर्ज बाद ठरला आहे. तर प्रभाग क्रमांक 11 ब मध्ये किशोर आरेकर यांनी उमेदवारी अर्जावर 5 सूचकाच्या स्वाक्षरी आवश्यक असतानाही त्यांनी कमी सुचकाच्या स्वाक्षरी केल्याने त्यांचा अर्जही बाद ठरवण्यात आला आहे. या प्रभागातून दोन काँग्रेस उमेदवारांचे अर्ज बाद झाल्याने आता थेट लढत भाजप आणि राष्ट्रवादी काँग्रेस अजित पवार गटात होणार आहे.

19/11/2025 06:35:25

Parbhani news: परभणीच्या पुर्णेत ३० लाखांची रोकड जप्त

परभणीच्या पूर्णा शहरात आज ३० लाखांची रोकड निवडणूक स्थिर तपासणी पथकाने एका चारचाकी वाहनातून पकडली.पुर्णेतून ह्युंदाई कंपनीची औरा ही MH 26 BX 6596 क्रमांकाची गाडी जात असताना पुर्णेत नगर परिषद निवडणुकीच्या अनुषंगाने कार्यरत असलेल्या पथकाने राजमुद्रा चौकात अडवली आणि तपासणी केली असता गाडीत एका बॅगेत ३० लाखांची रोकड होती या रकमेबाबत गाडी चालकाला याबाबत योग्य उत्तर देता आले नसल्याने पोलीस आणि निवडणूक विभागाच्या पथकाने हे पैसे जप्त केले आहेत.प्राथमिक माहितीनुसार ही रक्कम एका बँकेची असून नेमक कुठे आणि कशासाठी हे पैसे जात होते याची चौकशी केली जात आहे.

19/11/2025 06:34:42

Nagpur News: नागपूरमध्ये काँग्रेस पक्षात राजीनामा सत्र

नागपूर जिल्ह्यातील काँग्रेसची गटबाजी थांबण्याचे नाव घेत नाही. वाडी नगरपरिषदेत शहर अध्यक्ष शैलेश थोराने यांना पक्षाकडून नगराध्यक्ष पदाची तिकीट नाकारताच शैलेश थोराने सहा एकशे वीस कार्यकर्त्यांनी काँग्रेस पक्षाचा राजीनामा दिला. यात नागपूर तालुका अध्यक्ष प्रकार कोकाटे, जिल्हा काँग्रेसचे महासचिव काँग्रेसचे अनिल पाटील यांचा समावेश आहे. आपण सुनील केदार यांच्या हुकूमशाही धोरणाला कंटाळून राजीनामा देत असल्याचे या पदाधिकाऱ्यांनी प्रदेश काँग्रेसला पाठवलेल्या पत्रात सांगितले. सध्या नागपूर ग्रामीण काँग्रेस मद्ये मोठया प्रमाणात राजीनामा सत्र व पक्षांतर सत्र सुरु असून याला काँग्रेस नेते सुनील केदार मनमर्जी कारभाराला जबाबदार धरले जात आहे. धक्कादायक म्हणजे काँग्रेस ने राष्ट्रवादी काँग्रेस शरद पवार पक्षातून घेत ज्या प्रेम झाडे यांना नगराध्यक्ष पदाची उमेदवारी दिली, त्याच प्रेम झाडे यांनी राष्ट्रवादी काँग्रेस शरद पवार पक्षाकडून देखील वाडीच्या नगराध्यक्ष पदाचा अर्ज भरला आहे.

19/11/2025 06:33:40

Beed News: बीडमध्ये भाजप-एमआयएमध्ये राडा

बीड नगरपालिके बाहेर भाजपा आणि एमआयएममध्ये मंगळवारी रात्री हायव्होल्टेज ड्रामा पहायला मिळाला. आज उमेदवारी अर्जाची छाननी होती आणि याच दरम्यान रात्री उशिरा भाजपा नेते योगेश क्षीरसागर नगरपालिके बाहेर आले असता त्यांच्यासमोरच एमआयएमच्या कार्यकर्त्यांनी जोरदार घोषणाबाजी केली. या घोषणाबाजीमुळे काही काळ तणाव निर्माण झाला होता. मात्र पोलिसांनी वेळीच हस्तक्षेप केल्याने पुढील अनर्थ टळला. एमआयएम आणि भाजपा कार्यकर्ते आमने-सामने आल्याचं यादरम्यान पाहायला मिळालं. आणि दोन्ही समर्थकांनी यावेळी जोरदार घोषणाबाजी केली. एमआयएमच्या कार्यकर्त्यांनी काही धार्मिक घोषणाबाजी केली. आणि वातावरण बिघडविण्याचा प्रयत्न केला. आणि याला जशाच तसे उत्तर भाजपा कार्यकर्त्यांनी दिल्याचं योगेश क्षीरसागर यांनी म्हटलं.

Maharashtra Live: बीड नगरपालिकेबाहेर भाजपा आणि एमआयएम कार्यकर्ते आमनेसामने, धार्मिक घोषणाबाजी

पार्श्वभूमी