Maharashtra Budget Session LIVE: अर्थसंकल्पीय अधिवेशनाच्या प्रत्येक घडामोडी एका क्लिकवर

25/03/2022 17:00:17

Maharashtra Budget Session : विधानपरिषद काम संपले

Maharashtra Budget Session : विधानपरिषद काम संपले, पुढील पावसाळी अधिवेशन 18 जुलै रोजी होणार आहे.

25/03/2022 10:37:12

महाराष्ट्र राज्य सहकारी बँकेवरचं प्रशासक, तातडीनं हटवा, शिवसेनेची मागणी

महाराष्ट्र राज्य सहकारी बँकेवरचं प्रशासक, तातडीनं हटवा, शिवसेनेची मागणी

बॅंकेवर सलग दहा वर्ष एकच प्रशासक असल्यानं तातडीनं निवडणूक जाहीर करावी, शिवसेना आमदार प्रकाश आबिटकर यांची मागणी

बँकेच्या कामकाजामध्ये झालेल्या अनियमिततेमुळे रिजर्व्ह बँकेच्या सुचनेनुसार शासनाच्या सहकार विभागानं मे, 2011 रोजी बँकेचे तत्कालिन संचालक मंडळ बरखास्त करून बँकेवर प्रशासकीय मंडळाची नियुक्ती
केली होती

त्यानंतर आतापर्यॅत हे प्रशासकीय मंडळ कार्यरत असल्यानं शिवसेनेची नाराजी

मुख्यमंत्री उद्धव ठाकरे यांना निवेदन करून विनंती केली आहे

मुख्यमंत्री न्याय देतील प्रकाश आबिटकरांना विश्वास

24/03/2022 16:47:11

आज आनंदाची गोष्ट आहे की छोटं का होईना मुख्यमंत्र्यांनी भाषण केलं- देवेंद्र फडणवीस

आज आनंदाची गोष्ट आहे की छोटं का होईना मुख्यमंत्री उद्धव ठाकरे यांनी भाषण केलं आहे. त्यांच भाषण आम्हाला ऐकायला मिळालं, अशी खोचक टीका देवेंद्र फडणवीस यांनी केली.

24/03/2022 16:45:27

कोरोना संकट होतं तरी आम्ही मदत दिली - वडे्टीवार

आम्ही मदत वाढवून दिली आहे. आम्ही 10 हजार मदत शेतकऱ्यांना दिली आहे. कोरोना संकट होतं तरी आम्ही मदत दिली. कोकणाला सरकारी मदत मिळते हे माहिती नव्हतं माञ आम्ही त्यांना मदत दिली. जर अजूनही मदत कमी पडत असेल तरी आम्ही मदत करु. विरोधी पक्षनेते यांना सोबत घेऊन दौरा केला जाईल.

24/03/2022 16:35:58

CM Live : सर्व कष्टकऱ्यांना घर मिळालचं पाहिजे : उद्धव ठाकरे

मुंबईत राहणारे कष्टकरी आहेत, ते दुसऱ्याचं घर बांधतात मात्र त्यांना पाठ टेकायला घर नसतं त्यामुळे सर्व कष्टकऱ्यांना घर मिळालंच पाहिजे, असं विधान मुख्यमंत्री उद्धव ठाकरे यांनी विधानसभेत नुकतंच केलं आहे.

24/03/2022 14:01:00

हळदीच्या भावात मोठी घसरण; पुढील दहा दिवस हळदीचा लिलाव बंद असल्याने आवक जास्त

आज हिंगोलीच्या कृषी उत्पन्न बाजार समितीमध्ये हळदीच्या भावात मोठी घसरण झाल्याचे जाणवत आहे. गेल्या आठ दिवसांच्या तुलनेत 1हजार ते दीड हजाराच्या फरकाने हळदीचे भाव घसरले आहेत. गेल्या आठवड्यात हळदीचे भाव 8 हजार चारशे पर्यंत होते. परंतु आज ह्या हळदीच्या भागात मोठी घसरण झाली आहे आज हळदीचे भाव 6 हजार चारशे ते 7 हजार पर्यंत घसरले आहेत. मार्च एंड मुळे पुढील दहा दिवस हळदीचा लिलाव बंद असल्याने आज मोठ्या प्रमाणत हळद आवक झाली आहे. त्यामुळे हळदीचे भाव सुध्धा घसरले आहेत. त्यामुळे ऐन सणासुदीच्या काळात शेतकऱ्यांना मोठा आर्थिक फटका बसला आहे. याच सणासुदीच्या काळात मोठ्या प्रमाणात शेतकरी हळद विक्रीसाठी बाजारात आणतात.

24/03/2022 13:59:22

गडचिरोली पोलीस दलातील 416 रिक्त पदं भरण्यासाठी गृह विभागाची मंजुरी

Gadchiroli News : गडचिरोली जिल्हा पोलीस दलातील (Gadchiroli Police Force) 416 रिक्त पदं तातडीनं भरण्यासाठी गृह विभागानं मंजुरी दिली आहे. गृह विभागाकडून तसे आदेश जारी करण्यात आले असून थेट पोलीस (Police) घटक स्तरावरून ही पदं भरण्याचे निर्देश गडचिरोलीच्या पोलीस अधिक्षकांना देण्यात आले आहेत. या निर्णयामुळं जिल्ह्यातील पोलीस भरतीसाठी इच्छुक असलेल्या अनेक तरुण आणि तरुणींना मोठा दिलासा मिळाला आहे. जिल्ह्याचे पालकमंत्री एकनाथ शिंदे यांनी केलेल्या पाठपुराव्याला मोठं यश मिळालं आहे.

गडचिरोली जिल्ह्यात अनेक पोलीस पदं रिक्त असूनही ती भरण्याची प्रक्रिया सुरू केली जात नव्हती, नुकत्याच केलेल्या गडचिरोली दौऱ्यात पालकमंत्री एकनाथ शिंदे यांना पोलीस भरतीसाठी इच्छुक असलेल्या काही तरुण तरुणींनी ही बाब लक्षात आणून दिली होती. त्यावेळी त्यांनी ही बाब राज्याचे गृहमंत्री दिलीप वळसे पाटील यांच्या निदर्शनास आणून देऊन हा प्रश्न तातडीने सोडवण्याचे अशवस्त केलं होतं.

सविस्तर वृत्त वाचण्यासाठी येथे क्लिक करा

24/03/2022 13:43:27

14 गावांचा समावेश नवी मुंबई महानगरपालिका क्षेत्रात करणार, नगरविकास मंत्री एकनाथ शिंदे यांची घोषणा

Navi Mumbai News : 14 गावांचा समावेश नवी मुंबई महानगरपालिका क्षेत्रात करणार, लवकरच प्रशासन कायदेशीर प्रक्रिया सुरू करेल, नगरविकास मंत्री एकनाथ शिंदे यांनी सभागृहात घोषित केलं, ठाणे जिल्ह्यातील 14 गाव महापालिका क्षेत्राबाहेर असल्याने गावांचा मूलभूत विकास रखडला असल्यानेआमदार प्रमोद पाटील यांनी लक्षवेधी मांडली

24/03/2022 13:18:51

Mumbai : मुंबईत मालमत्ता कर वसूली दरम्यान महापालिका अधिकाऱ्याला मारहाण

ए विभागातील अधिक्षक दशरथ घरवाडे यांना मालमत्ता तर वसूली करण्यास गेले असता आश्विनकुमार शहा यांच्याकडून मारहाण करण्यात आली आहे. महापालिकेकडून माता रमाबाई अांबेडकर पोलिस स्थानकात गुन्हा दाखल करण्यात आला आहे. ए-विभागातील 1 अधिक्षक, 2 उपअधीक्षक, तीन निरिक्षक आणि शिपाई कलम 202, 203, 204 अन्वये जप्ती अटकावणी कारवाईसाठी फोर्ट परिसरात गेले असता मालमत्ता धारकाकडून टिमवर हल्ला करण्यात आला. त्या झटापटीत 58 वय वर्षे असलेल्या अधीक्षक घरवाडे यांच्या उजव्या डोळ्याजवळ मार लागला. मारहाण करणाऱ्या तिघांपैकी एकजण पसार झाला. मुख्य एकाला पकडून माता रमाबाई आंबेडकर पोलीस स्थानकात आणण्यात आलं.

24/03/2022 13:10:11

Maharashtra Budget Session LIVE: राज्यात शिक्षक आणि पोलिस भरतीमध्ये घोटाळ्यांची मालिका सुरु असताना बनावट क्रीडा प्रमाणपत्र मिळवून नोकऱ्या मिळवल्याचा प्रकार उघडकीस

राज्यात शिक्षक आणि पोलिस भरतीमध्ये घोटाळ्यांची मालिका सुरु असताना बनावट क्रीडा प्रमाणपत्र मिळवून नोकऱ्या मिळवल्याचा प्रकार उघडकीस, तलवारबाजीत चॅम्पियन असल्याच सांगत 14 जण पोलिस आणि कर विभागात नोकरी मिळवुन सातजण फौजदार पदावर आहेत तर सातजण कर निरीक्षक पदावर आहेत. बोगस प्रमाणात देणाऱ्यांच्या विरोधात गुन्हे दाखल करण्याचे आदेश दिल्याचे सुनिल केदार यांचं लेखी उत्तर...

24/03/2022 12:56:22

Shakti Act : शक्ती कायद्याखालील महिला व बालकांच्याविरुद्ध अपराधांविरोधातील विधेयक विधानपरिषदेत संमत

महिला व लहान मुलांवरील अत्याचाराच्या खटल्यांसंदर्भातील महाराष्ट्र अनन्य विशेष न्यायालय विधेयक विधानपरिषदेत मंजुर, शक्ती कायद्याखालील महिला व बालकांच्याविरुद्ध अपराधांविरोधातील विधेयक विधानपरिषदेत संमत

24/03/2022 11:25:43

विधानसभेत राजभाषा विधेयक मंजूर; महाराष्ट्रात स्थानिक प्राधिकरण राजभाषा विधेयक सर्वसंमतीनं मंजूर

24/03/2022 11:22:58

मोबाईल टॉवर कंपन्यांना विद्युत शुल्क माफ करण्याचं काही कारण नाही- अजित पवार

मोबाईल टॉवर कंपन्यांना विद्युत शुल्क माफ करण्याचं काही कारण नाही, याच्या खोलाशी जाऊन चौकशी करणार- अजित पवार

24/03/2022 11:21:47

विधानपरिषदेत भाजप सदस्यांना पुरेसा वेळ न दिल्यानं भाजप आक्रमक

विधानपरिषदेत भाजप सदस्यांना पुरेसा वेळ न दिल्यानं भाजप आक्रमक, सभापतींची खुर्ची आहे राजकारणासाठी नका वापरु, उपसभापती निलम गोऱ्हेंना उद्देशून गोपीचंद पडळकर यांचं वक्तव्य

24/03/2022 10:55:21

मुंबई बँक भ्रष्टाचार प्रकरणी प्रवीण दरेकर यांना अपात्र करण्याची मागणी; विधानपरिषदेत शिवसेना आमदार मनिषा कायंदे आक्रमक

विधानपरिषदेत शिवसेना आमदार मनिषा कायंदे यांनी मुंबई बँक भ्रष्टाचारावरून विरोधी पक्षनेते प्रविण दरेकर यांना अपात्र करण्याची मागणी केली. दरोडेखोर फाईल्स हा शब्द वापरून त्यांनी मुंबई बँक भ्रष्टाचार आणि मजूर म्हणून फसवणूक केल्याचा मुद्दा त्यांनी मांडला. यावर प्रविण दरेकरांनी हस्तक्षेप घेत कायदेशीर बाब असल्यानं इथं हा प्रश्न उपस्थित करता येणार नसल्याचे सांगितले.

24/03/2022 10:25:38

महावितरणच्या सुरक्षा व अंमलबजावणी विभागाचे उपसंचालक सुमित कुमार निलंबित,ऊर्जा मंत्री डॉ. नितीन राऊत यांची विधानसभेत घोषणा

महावितरणमधील भ्रष्ट अधिकाऱ्यांविरुद्ध ऊर्जा मंत्री डॉ. नितीन राऊत यांनी उगारला बडगा, महावितरणच्या सुरक्षा व अंमलबजावणी विभागाचे उपसंचालक सुमित कुमार यांना केले निलंबित, निलंबित करून चौकशी करण्याचे दिले आदेश, विधानसभेत लक्षवेधी सूचनेला उत्तर देताना केली महत्वपूर्ण घोषणा, भ्रष्ट अधिकाऱ्यांची गय केली जाणार नाही, डॉ. राऊत यांनी दिला कठोर संदेश

21/03/2022 15:54:05

Kolhapur Election : राजेश क्षीरसागर विधानभवनात दाखल, मुख्यमंत्र्यांची भेट घेणार

कोल्हापूर उत्तर विधानसभेचे शिवसेनेचे माजी आमदार राजेश क्षीरसागर आणि शिवसेना खासदार विनायक राऊत विधान भवनात दाखल झाले आहेत. थोड्याच वेळात ते मुख्यमंत्री उद्धव ठाकरे यांची घेणार भेट घेणार आहेत.

21/03/2022 13:41:56

Beed News : बीड न.प.मध्ये अनागोंदी कारभार, 6 अधिकारी, कर्मचारी निलंबित, आ.विनायक मेटेंच्या लक्षवेधीनंतर शासनाची घोषणा

बीड नगरपालिकेतील अनागोंदी कारभार हा अधिकारी, कर्मचाऱ्यांना चांगलाच भोवला आहे. कर्तव्यात कसूर करणे, नगरपालिकेतील अनियमिततेचा ठपका ठेवून ६ अधिकारी व कर्मचाऱ्यांना निलंबित करण्यात आले आहे.

हे कर्मचारी झाले निलंबित

बीड नगर पालिकेचे मुख्याधिकारी डॉ.उत्कर्ष गुट्टे, जिल्हा प्रशासन अधिकारी नीता अंधारे, पाणी पुरवठा अभियंता राहुल टाकळे, बांधकाम अभियंता योगेश हाडे, कर अधीक्षक सुधीर जाधव, कनिष्ठ रचना सहायक सलीम याकूब अशी निलंबित करण्यात आलेल्या अधिकारी, कर्मचाऱ्यांची नावे आहेत.

21/03/2022 13:07:19

राज्यात एप्रिल 2019 ते 10 फेब्रुवारीपर्यंत 955 नागरिकांचा विजेचा धक्का लागून मृत्यू

राज्यात एप्रिल 2019 ते 10 फेब्रुवारीपर्यंत 955 नागरिकांचा विजेचा धक्का लागून मृत्यू, एकूण 932 घटनांत 955 मृत्यू, आतापर्यंत अवघ्या 302 मृतांच्या वारसास नुकसानभरपाई अदा

तर 55 जणांच्या नुकसानभरपाईची प्रक्रिया सुरू आहे, नागपूर दक्षिणचे आमदार मोहन मते यांनी विचारलेल्या तारांकित प्रश्नाला ऊर्जा मंत्री यांनी दिलेलं उत्तर

21/03/2022 12:52:08

धान उत्पादक शेतकऱ्यांना 600 कोटींची तातडीची मदत राज्य सरकार करणार, उपमुख्यमंत्री अजित पवार यांची विधानसभेत घोषणा

धान उत्पादक शेतकऱ्यांना 600 कोटींची तातडीची मदत राज्य सरकार करणार, उपमुख्यमंत्री अजित पवार यांची विधानसभेत घोषणा, धान उत्पादक शेतकरी अडचणीत असल्याने त्यांना बोनस देण्याची सुधीर मुनगंटीवार यांनी केली होती मागणी

मात्र बोनसचा फायदा दलालांना होऊ नये म्हणून जमिनीचे क्षेत्रफळ लक्षात घेऊन मदत करणार असल्याची अजित पवार यांची माहिती

21/03/2022 12:23:11

Sudhir mungantiwar on shivjayanti : शिवाजी महाराजांच्या जयंतीबद्दल सरकारची भूमिका काय? सभागृहात सुधीर मुनंगटीवार यांचा सरकारला सवाल

Sudhir mungantiwar on shivjayanti : सभागृहात सुधीर मुनंगटीवार यांचा सरकारला सवाल. शिवाजी महाराजांची जयंती बद्दल सरकारची भूमिका काय आहे. मुख्यमंत्री जयंती साजरी करत आहेत. अधिकारी त्याला तयार नाहीत,सामान्य प्रशासन विभागाची भूमिका काय आहे, मुनगंटीवारांचा सवाल

21/03/2022 11:33:15

Maharashtra Budget Session LIVE: सर्व शिष्यवृत्ती योजना विद्यार्थ्यांच्या आधारशी लिंक करणार,विद्यार्थ्यांच्या शिष्यवृत्तीत गैरव्यवहार टाळण्यासाठी राज्य सरकराचा मोठा निर्णय

विद्यार्थ्यांच्या शिष्यवृत्तीत गैरव्यवहार टाळण्यासाठी राज्य सरकराचा मोठा निर्णय; सर्व शिष्यवृत्ती योजना विद्यार्थ्यांच्या आधारशी लिंक करणार; 1 जून 2022 पर्यंत ही कार्यवाही पुर्ण करणारं

21/03/2022 10:02:38

Vidhan sabha live : अर्थसंकल्पीय अधिवेशनाचा शेवटचा आठवडा, विधानसभा कामकाजाला सुरवात, लक्षवेधी सुरु

21/03/2022 08:06:12

निधी वाटपाबाबत नाराजी मुख्यमंत्र्यांनी दूर केली

विधानसभाध्यक्षपद आणि निधी वाटपाबाबत नाराजी होती, मात्र मुख्यमंत्र्यांनी ती दूर केल्याचा दावा काँग्रेस आमदार कैलास गोरंट्याल यांनी केला आहे. विधानसभाध्यक्षपदासाठी काँग्रेस आमदार राज्यपालांना भेटणार होते. मात्र मुख्यमंत्र्यांच्या आश्वासनानंतर ती भेट थांबल्याचा दावा गोरंट्याल यांनी केलाय. तसंच निधीबाबत वरिष्ठांकडून हमी मिळाल्याचंही त्यांनी म्हटलं आहे.

21/03/2022 08:06:01

अधिवेशनाच्या शेवटच्या 5 दिवसांत तरी विधानसभा अध्यक्षपदाचा तिढा सुटणार का?

आज पुन्हा महाविकास आघाडीतील नेत्यांमध्ये विधानसभा अध्यक्षपदाच्या तिढ्याबाबत चर्चा होणार आहे. याबाबत काँग्रेस प्रदेशाध्यक्ष नाना पटोले मुख्यमंत्र्यांशी चर्चा करणार आहेत. तसेच सरकारनं आता नेमकी काय भूमिका घ्यावी याबाबत चर्चा होण्याची दाट शक्यता आहे. तसेच, महाविकास आघाडीचे नेते पुन्हा एकदा याविषयावर राज्यपालांची भेट घेतात का याकडे लक्ष लागून आहे. भाजपच्या गिरीश महाजनांची याबाबतची याचिका हायकोर्टानं फेटाळल्यानंतर सुप्रीम कोर्टात याबाबत याचिका अर्ज दाखल झालाय. यावर काय निर्णय होतो याकडेही लक्ष लागलेले आहे.

21/03/2022 08:05:45

शिवसेना मेळाव्यात बोलणारे मुख्यमंत्री सभागृहात कधी बोलणार?

काल मुख्यमंत्री उद्धव ठाकरे शिवसेनेच्या शिवसंपर्क अभियानात बोलले. यावेळी ठाकरे यांनी शिवसेना खासदार आणि पदाधिकारी यांच्याशी व्हिडीओ कॉन्फरन्सिंगच्या माध्यमातून संवाद साधला. त्यामुळं अर्थ संकल्पीय अधिवेशनाच्या शेवटच्या आठवड्यात ते सभागृहात बोलतात की नाही हे पाहणे महत्त्वाचे आहे. विशेष म्हणजे नवाब मलिक प्रकरणावर मुख्यमंत्र्यांची अद्याप कोणतीही प्रतिक्रिया नाही.

21/03/2022 08:05:23

Maharashtra Budget Session 2022 : राज्याच्या अर्थसंकल्पीय अधिवेशनाचा शेवटचा आठवडा आजपासून सुरू

Maharashtra Budget Session 2022 : राज्याच्या अर्थसंकल्पीय अधिवेशनाचा शेवटचा आठवडा आजपासून सुरू होत आहे. विधानसभा अध्यक्षपदाचा तिढाही अद्याप सुटलेला नाही. गिरीश महाजन यांनी याबाबत हायकोर्टात दाखल केलेली याचिका फेटाळल्यानंतर आता सुप्रीम कोर्टात याचिका दाखल करण्यात आली आहे. त्यामुळे आता सरकार काय भूमिका घेतं तेही पाहावं लागणार आहे. तसंच काल झालेल्या शिवसेनेच्या मेळाव्यात बोलणारे मुख्यमंत्री उद्धव ठाकरे विधिमंडळाच्या सभागृहात या अखेरच्या आठवड्यात तरी बोलणार का हा प्रश्न आहे. नवाब मलिक यांच्या राजीनाम्याच्या मुद्द्यावरून विरोधकांनी गेलेल दोन आठवडे सभागृह डोक्यावर घेतलं होतं. त्यावर अद्याप मुख्यमंत्र्यांची कोणतीही प्रतिक्रिया आलेली नाही. त्यामुळे भाजप आमदार आक्रमक होण्याची शक्यता आहे.

16/03/2022 11:19:26

Gopichand Padalkar in Vidhimandal :धनगर समाजाने एकत्र यावं आणि या सरकारच्या विरोधात रणशिंग फुंकावं

Gopichand Padalkar in Vidhimandal : गोपीचंद पडळकर म्हणाले की, मल्हार होळकर यांची जयंती आहे. होळकर यांच्या जयंतीच्या सर्वांना शुभेच्छा. विधानसभेत सरकारच्या वतीने जयंती साजरी होणे गरचेचं होतं परंतु ते झाली नाही म्हणुन मला आज ही जयंती विधानभवनात साजरी करावी लागली. अपेक्षा आहे आता इथूनपुढे ते दरवर्षी साजरी करतील. होळकर शाहीची पताका मी आज विधानभवनात आलो आहे. काका पुतण्या धार्जिणा सरकारला मला इशारा द्यायचा आहे की बहुजन समाज आज होळकरांच्या जयंती निम्मित आम्ही शपथ घेत आहोत की या सरकारला टाचेखाली घेणार आहोत. धनगर समाजाला एसटी मध्ये यांना सहभागी करून घ्यायचं नाही असा यांचा डाव आहे. त्यानी केवळ 3 योजनांना थोडीफार मदत केली आहे… येत्या काळात धनगर समाजाने एकत्र यावं आणि या सरकारच्या विरोधात रणशिंग फुंकावं असं मी आवाहन करत आहे…

16/03/2022 11:17:47

Maharashtra Budget Session News : बारामतीला हलवलेली बिबट्या सफारी पुन्हा जुन्नरला आणा, अतुल बेनकेंची मागणी

Maharashtra Budget Session News : बारामतीला हलवलेली बिबट्या सफारी पुन्हा जुन्नरला आणा, अतुल बेनकेंची मागणी, पुणे पर्यटन जिल्हा जाहिर झाल्यानंतर जुन्नरला बिबट्या सफारीचा प्रकल्प जाहिर झाला होता

पण कालांतरांनं तो प्रकल्प बारामतीला जात असल्याचं वन खात्याकडून जाहिर , अतुल बेनके अजित पवार आणि मुख्यमंत्र्यांकडे मागणी करणार

14/03/2022 20:34:59

Buldhana News Update : शेगाव तालुक्यातील पूर्णा नदीकाठावरील कठोरा गावाजवळ महसूल पथकावर वाळू माफियांचा हल्ला

Buldhana News Update : शेगाव तालुक्यातील पूर्णा नदीकाठावरील कठोरा गावाजवळ महसूल पथकावर वाळू माफियांनी हल्ला केला आहे. तहसीलदारांची गाडी अडवून महसूल पथकाच्या चालकास मारहाण करण्यात आली आहे. जलंब पोलीस ठाण्याच्या हद्दीती हा धक्कादायक प्रकार घडला आहे.

14/03/2022 18:41:27

Solapur News Update : वीज तोडणी विरोधात सांगोल्यात शेकापचा विराट मोर्चा

Solapur News Update : वीज तोडणीमुळे संतप्त झालेल्या शेतकऱ्यांनी आज सांगोला येथे शेकापच्या झेंड्याखाली विराट मोर्चा काढला. शेकापचे दिवंगत नेते गणपतराव देशमुख यांचे नातू डॉ. बाबासाहेब देशमुख आणि डॉ. अनिकेत देशमुख यांनी या मोर्चाचे नेतृत्व केले. या मोर्चात शेकापचे नानासाहेब लिगाडे , बाळासाहेब एरंडे , बाबासाहेब करेंडे , मारुती आबा बनकर , बाळासाहेब काटकर , विजय शिंदे यांच्यासह हजारो समर्थक सहभागी झाले होते. पुढील सात दिवसात शेतकऱ्यांना आलेली चुकीची वीज बिले दुरुस्त करून वीज जोडणी करण्याचे आश्वासन प्रशासनाने दिल्यानंतर हा मोर्चा मागे घेण्यात आला.

14/03/2022 17:34:16

प्रविण चव्हाण यांचा राजीनामा

देवेंद्र फडणवीसांच्या आरोपानंतर प्रविण चव्हाण यांचा राजीनामा घेण्यात आला असून गृहमंत्री दिलीप वळसे पाटील यांनी विधानसभेत ही माहिती दिली आहे.

14/03/2022 16:54:38

Ajit Pawar in Vidhan Sabha : 'दूध का दूध, पानी का पानी' होऊन जाऊद्या आणि समाजाला वस्तुस्थिती काय आहे हे कळू द्या - अजित पवार

राज्यात सहकारी साखर कारखान्यांच्या विक्रीमध्ये झालेला गैरव्यवहाराचा मुद्दा अण्णा हजारे यांनी उपस्थित केला आहे तो अगोदरही केला होता त्यामुळे सहकार मंत्र्यांनी अण्णा हजारे यांना जाऊन भेटावे व यंत्रणामार्फत कोणकोणत्या चौकशा सरकारने केल्या याची माहिती देऊन 'दूध का दूध, पानी का पानी' होऊन जाऊद्या आणि समाजाला वस्तुस्थिती काय आहे हे कळू द्या अशी भूमिका उपमुख्यमंत्री अजित पवार यांनी तारांकित प्रश्नाच्या तासाला उत्तर देताना मांडली. दरम्यान यावर सहकारमंत्री बाळासाहेब पाटील यांनी लवकरच अण्णा हजारे यांची भेट घेऊन त्यांना चौकशीच्या अहवालाबाबत अवगत करु, असे सांगितले.

14/03/2022 16:23:33

Devendra Fadnavis Live Vidhan Sabha : देवेंद्र फडणवीसांकडून आणखी एक पेनड्राईव्ह बॉम्ब, महाविकास आघाडीवर वक्फ बोर्डावरुन नवे आरोप

14/03/2022 15:07:44

Devendra Fadnavis Live Vidhan Sabha : देवेंद्र फडणवीस म्हणाले, तेव्हा माझ्यावर टीका केली, आता त्यातच अनुकरण केलं जातंय

Devendra Fadnavis Live Vidhan Sabha : देवेंद्र फडणवीस म्हणाले, अर्थमंत्र्यांनी राज्याला ट्रेलियन डॉलर अर्थसंकल्प करण्याचं सूतोवाच केलं. मी जेव्हा ट्रेलियन डॉलर इकॉनॉमी करणार असल्याचं म्हणलं तेव्हा माझ्यावर टीका केली. आता त्यातच अनुकरण केलं जातंय. 22 हजार कोटी रुपयांनी तुटीची वाढ झालेली आहे. पुरवणी मागणी मनमानी सुरु आहे

14/03/2022 12:39:00

Dilip Walse Patil Live : आज साडे चार वाजता व्हिडीओ बॉम्ब प्रश्नी गृहमंत्री दिलीप वळसे पाटील उत्तर देणार

Dilip Walse Patil Live : आज साडे चार वाजता व्हिडीओ बॉम्ब प्रश्नी गृहमंत्री दिलीप वळसे पाटील उत्तर देणार असल्याची माहिती

14/03/2022 12:37:07

Devendra Fadnavis Live : प्रश्नावलीमध्ये विचारलेले प्रश्न हे साक्षीदारासाठीचे होते, काल विचारलेले प्रश्न हे आरोपी म्हणून - देवेंद्र फडणवीस

Devendra Fadnavis Live In VidhanSabha : प्रश्नावलीमध्ये विचारलेले प्रश्न हे साक्षीदारासाठीचे होते. काल विचारलेले प्रश्न हे आरोपी म्हणून होते. केंद्रीय गृहसचिवांना मी तो पेन ड्राईव्ह दिला- देवेंद्र फडणवीस

14/03/2022 12:35:49

Dilip Walse Patil LIVE: फोन टॅपिंग घटना घडली, सदस्यांनी यावर तक्रार केली, मात्र आधीच कमिटी नेमली होती, अज्ञातांच्या विरोधात गुन्हा दाखल झाला - गृहमंत्री दिलीप वळसे-पाटील

Maharashtra Budget Session LIVE: फोन टॅपिंग घटना घडली, सदस्यांनी यावर तक्रार केली, मात्र आधीच कमिटी नेमली होती, अज्ञातांच्या विरोधात गुन्हा दाखल झाला - गृहमंत्री दिलीप वळसे-पाटील

Maharashtra Budget Session LIVE: महाराष्ट्र राज्य सहकारी बँकेवरील प्रशासक तातडीनं हटवा, शिवसेनेची मागणी

पार्श्वभूमी