Maharashtra assembly budget session 2021 live updates : सुधीर मुनगुंटीवार यांचा उपमुख्यमंत्री अजित पवार यांच्या विरोधात हक्कभंग

Maharashtra assembly budget session 2021 live updates : विधिमंडळाचं अर्थसंकल्पीय अधिवेशन 1 मार्चपासून सुरु झालं आहे.या अधिवेशनातील महत्वाच्या घडामोडींसाठी फॉलो करा हा लाईव्ह ब्लॉग...

पार्श्वभूमी

मुंबई : विधिमंडळाचं अर्थसंकल्पीय अधिवेशन (Maharashtra assembly Budget Session 2021 Live) 1 मार्चपासून सुरु झालं आहे. या अधिवेशनात महाविकास आघाडी सरकार समोर अडचणींचा डोंगर दिसून येत आहे. कारण सत्ताधारी मंत्र्यांवर लागलेल्या आरोपांवरुन विरोधक सरकारला धारेवर धरणार असल्याचं चित्र आहे. विरोधकांकडे या अर्थसंकल्पीय अधिवेशनात महाविकास आघाडी सरकारला घेरण्याचे अनेक मुद्दे आहेत. शिवसेनेचे काल मंत्रीपदाचा राजीनामा दिलेले संजय राठोड, मंत्री धनंजय मुंडे यांच्यावरील आरोप, वीज बिल, कोरोना रुग्णांची वाढती संख्या अशा अनेक मुद्द्यांवरुन विरोधक सरकारला अडचणीत आणू शकतात. अधिवेशनात पहिल्या दोन दिवसांमध्ये वैधानिक विकास महामंडळं, वीज कनेक्शन तोडणी या मुद्द्यांवरुन देखील विरोधकांनी आवाज उठवला. विरोधकांच्या मागणीनंतर उपमुख्यमंत्री अजित पवारांनी वीज कनेक्शन तोडणी तात्काळ थांबवण्याचे आदेश देखील काल दिले आहेत. यंदा दहा दिवस होणार आहे. 1 ते 10 मार्च असे दहा दिवस अर्थसंकल्पीय अधिवेशनाचा कालावधी असेल. 8 मार्च रोजी राज्याचा अर्थसंकल्प सादर होणार असून 9 आणि 10 मार्च रोजी बजेटवर चर्चा होणार आहे. त्यानंतर अधिवेशन समाप्त होईल. यंदाच्या अधिवेशनात अशासकीय ठराव तसंच लक्षवेधी होणार नाही. Maharashtra Assembly Budget Session | 1 ते 10 मार्च दरम्यान यंदाचं अर्थसंकल्पीय अधिवेशन, विधानसभा अध्यक्षपदाची निवडणूकही होणार नाही! वर्ष 2020 च्या अर्थसंकल्पीय अधिवेशनात पहिल्यांदा कोरोनाचे रुग्ण महाराष्ट्रात आढळायला लागले. त्यामुळे अर्थसंकल्प मांडल्यानंतर ते अधिवेशन गुंडाळण्यात आले होतं. एक वर्षांनी पुन्हा कोरोनाच्या संकटामुळे अधिवेशनाचा कार्यकाळ कमी करावा लागला आहे. विधानसभा अध्यक्ष निवडीसाठी सरकारचा प्लॅन; तर घाबरट सरकार, फडणवीसांची टीका अधिवेशनात नेमके किती दिवस कामकाज होणार?- पहिला दिवस (1 मार्च) - राज्यपालांचं अभिभाषण, अभिभाषणाबद्दल आभार प्रदर्शन प्रस्ताव- दुसरा, तिसरा दिवस (2 मार्च, 3 मार्च) - राज्यपालांच्या अभिभाषणावर चर्चा- चौथा, पाचवा दिवस - (4 मार्च, 5 मार्च) - पुरवणी मागण्यांवर चर्चा आणि मतदान- सहावा, सातवा दिवस (6 मार्च, 7 मार्च) - शनिवार, रविवारची सुट्टी- आठवा दिवस (8 मार्च) - अर्थसंकल्प सादर होणार- नववा दिवस (9 मार्च) - शासकीय कामकाज- दहावा दिवस (10 मार्च) - अर्थसंकल्पावर चर्चा, अधिवेशनाची सांगता

04/03/2021 13:41:16

सुधीर मुनगुंटीवार यांचा उपमुख्यमंत्री अजित पवार यांच्या विरोधात हक्कभंग*
- हक्कभंगाचा प्रस्ताव हक्कभंग समितीकडे पाठवण्याचे अध्यक्षांचे निर्देश
- अजित पवार यांनी वैधानिक विकास मंडळ लवकरात लवकर देण्यात येईल असं १५ डिसेंबर २०२० रोजी आश्वासन दिले होते
- सभागृहात दिलेल्या आश्वासनांची पूर्तता न करणे हा सभागृहाचा अवमान आहे

04/03/2021 12:15:09

विधानसभा अध्यक्ष पद तीस पेक्षा जास्त दिवस खाली आहे.
50 वर्ष राज्य करा पण घटनेतील तरतुदींची पायमल्ली बहुमताच्या जोरावर करू नका, ही लोकशाहीची गुन्हेगारी आहे
अशा पद्धतीने विधान सभा नियमांची संविधानाची थट्टा करत आहे. तीस दिवस गॅप झाली आहे. ही गॅप मोठी आहे
राष्ट्रपती राजवट लागल्यास रडू नका असा इशारा सुधीर मुनगंटीवारांनी दिला.

03/03/2021 16:06:56

पाठ थोपटून घ्यायलाही काम करणारी छाती हवी; मुख्यमंत्र्यांचा भाजपला आणखी एक टोला

03/03/2021 16:04:13

बंद दाराआड आम्ही कधी खोटेपणा केलेला नाही, मुख्यमंत्र्यांचा भाजपला टोला

03/03/2021 16:03:22

खोटेपणा करणं हे आमच्या रक्तात नाही : मुख्यमंत्री

03/03/2021 16:01:11

महाराष्ट्रात कोरोनाचा एकही रुग्ण लपवलेला नाही, एकही मृत्यू लपवलेला नाही : मुख्यमंत्री

03/03/2021 15:58:03

सावरकरांना भारतरत्न द्या, दोन वेळा 2018, 2019 ला पत्र दिले
कोण देतं भारतरत्न?, तो अधिकार देशात केंद्राला आहे : मुख्यमंत्री

03/03/2021 15:52:55

आम्ही पाच रुपयात पोटभर जेवणाची थाळी देतो, रिकामी थाळी वाजवायला देत नाही, भाषणाच्या सुरुवातीला मुख्यमंत्र्यांचा केंद्र सरकारला टोला

03/03/2021 15:52:32

विरोधकांची चर्चा पाहून नटसम्राट पाहिल्याचा भास : मुख्यमंत्री उद्धव ठाकरे

03/03/2021 15:52:13

विधानसभेतून मुख्यमंत्री उद्धव ठाकरे लाईव्ह

03/03/2021 12:16:51

नागपूर येथील डॉ. बाबासाहेब आंबेडकर समता प्रतिष्ठानमधील भ्रष्टाचार प्रकरणी दोषी अधिकाऱ्यांवर निलंबनाची कारवाई, सामाजिक न्यायमंत्री धनंजय मुंडे यांची विधानसभेत घोषणा

03/03/2021 12:31:45

नागपूर येथील डॉ. बाबासाहेब आंबेडकर समता प्रतिष्ठानमधील भ्रष्टाचार प्रकरणी दोषी अधिकाऱ्यांवर निलंबनाची कारवाई,
- सामाजिक न्यायमंत्री धनंजय मुंडे यांची विधानसभेत घोषणा
,- या संस्थांतील भ्रष्टाचाराची सखोल चौकशी करण्यासाठी SIT नेमण्याचीही मुंडे यांची घोषणा

03/03/2021 11:50:49

राज्यातील ३३ कोटी वृक्ष लागवडीची चौकशी करण्याची विधानसभेत घोषणा
- चौकशीसाठी विधिमंडळाची समिती स्थापन करण्याची वन राज्यमंत्री दत्ता भरणे यांची विधानसभेत घोषणा

03/03/2021 11:54:48

राज्यातील ३३ कोटी वृक्ष लागवडीची चौकशी करण्याची विधानसभेत घोषणा,
चौकशीसाठी विधिमंडळाची समिती स्थापन करण्याची वन राज्यमंत्री दत्ता भरणे यांची विधानसभेत घोषणा,
तर ही चौकशी सहा महिन्यात पूर्ण केली जाईल अशी अजित पवार यांची विधानसभेत माहिती ,
वृक्ष लागवडीची विधिमंडळाच्या समितीतर्फे चौकशी करण्याची काँग्रेस आमदार नाना पटोले यांनी मागणी केली होती
, त्या मागणीवर वन राज्यमंत्री भरणे यांची विधिमंडळाची चौकशी समिती स्थापन करण्याची घोषणा
, राज्यात ३३ कोटी वृक्ष लागवडीसाठी २०१४ ते २०१९ या कालावधीत २ हजार ४२९ कोटी रुपये खर्च करण्यात आले आहेत
,वृक्ष लागवड हा देवेंद्र फडणवीस यांचा ड्रीम प्रोजेक्ट होता, यात भ्रष्टाचार झाला आहे का? याची चौकशी करण्यासाठी विधिमंडळाची चौकशी समिती नेमावी अशी मागणी नाना पटोले यांनी विधानसभेत केली
,एक झाड किती किंमतीला खरेदी केले, कोणत्या नर्सरीमधून खरेदी केली गेली याची माहिती समोर आली पाहिजे, अशी नाना पटोले यांनी मागणी केली

03/03/2021 11:28:33

विरोधकांकडे या अर्थसंकल्पीय अधिवेशनात महाविकास आघाडी सरकारला घेरण्याचे अनेक मुद्दे आहेत. संजय राठोड, मंत्री धनंजय मुंडे यांच्यावरील आरोप, वीज बिल, कोरोना रुग्णांची वाढती संख्या अशा अनेक मुद्द्यांवरुन विरोधक सरकारला अडचणीत आणू शकतात.

03/03/2021 10:56:19

विधिमंडळाचं अर्थसंकल्पीय अधिवेशन (Maharashtra assembly Budget Session 2021 Live) 1 मार्चपासून सुरु झालं आहे. या अधिवेशनात महाविकास आघाडी सरकार समोर अडचणींचा डोंगर दिसून येत आहे. कारण सत्ताधारी मंत्र्यांवर लागलेल्या आरोपांवरुन विरोधक सरकारला धारेवर धरणार असल्याचं चित्र आहे.

03/03/2021 10:57:29

अधिवेशनात पहिल्या दोन दिवसांमध्ये वैधानिक विकास महामंडळं, वीज कनेक्शन तोडणी या मुद्द्यांवरुन देखील विरोधकांनी आवाज उठवला. विरोधकांच्या मागणीनंतर उपमुख्यमंत्री अजित पवारांनी वीज कनेक्शन तोडणी तात्काळ थांबवण्याचे आदेश देखील काल दिले आहेत.