दोन जिप्सींच्या मध्ये ही वाघीण अडकली आणि त्यामुळे चवताळून जिप्सीच्या मागे लागली, असा खुलासा या क्षेत्राचे RFO राघवेंद्र मून यांनी केला आहे. दुसऱ्या व्हिडीओमध्ये या वाघिणीच्या आक्रमक होण्याचं कारण समोर आलं.
दुसरीकडे जिप्सी चालक मात्र हे आरोप फेटाळून लावत आहेत. मधू ही बछडी असल्याने ती खेळत असल्याची आधी सबब सांगण्यात आली. पण मधू आता तीन वर्षांची झाली आहे. त्यामुळे हा एक हल्लाच होता.
ताडोबा व्याघ्र प्रकल्प हा जगभरातील पर्यटकांचे आवडते ठिकाण आहे. त्यामुळे वाघ अगदी जवळून पाहण्यासाठी पर्यटक बऱ्याचदा गाईड आणि जिप्सी चालकांवर दबाव टाकतात. वाघांची वाट अडवून त्यांचे फोटो काढतात. मात्र या साऱ्या प्रकारांवर वेळीच आवर घालणं आवश्यक असल्याचे जाणकारांचे मत आहे.
पर्यटकांना थरारक अनुभव देण्याच्या नादात इथे कधीही दुर्घटना घडण्याची शक्यता आहे. त्यामुळे जंगलात गेल्यानंतर जंगलाचे नियम पाळा, अन्यथा त्या जंगलाचा कायदा तुम्हाला धडा शिकवेल.