मुंबई : मनसे अध्यक्ष राज ठाकरे यांनी लोकसभा निवडणुकीच्या प्रचारादरम्यान पंतप्रधान नरेंद्र मोदी आणि अमित शाह यांच्यावर जोरदार टीका केली. राज ठाकरेंनी नरेंद्र मोदी आणि अमित शाहांविरोधात विविध ठिकाणी अनेक सभा घेतल्या. मात्र या सभांचा काहीच फायदा न झाल्याचं चित्र आता पाहायला मिळत आहे. यामुळे सोशल मीडियावर राज ठाकरेंना ट्रोल केलं जात आहे. ट्विटरवर अनेक ट्वीट्स व्हायरल होत आहेत.
राज ठाकरेंच्या 'लाव रे तो व्हिडीओ'चे अनेक मीम्स लोकसभा निवडणुकीच्या प्रचारादरम्यान व्हायरल झाले होते. मात्र आता परिस्थिती उलट झाली आहे. युतीला मिळालेल्या घवघवीत यशानंतर आता ट्विटरवर राज ठाकरेंना टार्गेट केलं जात आहे.