Solapur Accident : अक्कलकोटवरुन सोलापूरला जाणाऱ्या जीपला अपघात, पाच जणांचा मृत्यू

Accident on Akkalkot solapur road : अक्कलकोटवरुन सोलापूरला जाणाऱ्या जीपचा टायर फुटल्यामुळे भीषण अपघात झालाय. या अपघातांमध्ये पाच जणांचा मृत्यू झालाय. तर पाच ते सहा जण जखमी झाले आहेत.

Solapur Accident News :  अक्कलकोटवरुन सोलापूरला जाणाऱ्या जीपचा टायर फुटल्यामुळे भीषण अपघात झालाय. या अपघातांमध्ये पाच जणांचा मृत्यू झालाय. तर पाच ते सहा जण जखमी झाले आहेत. जखमींना सोलापूरच्या शासकीय रुग्णालयात आणण्यात आले आहे. त्यांच्यावर उपचार सुरु आहेत. कुंभारी जवळील गंगाप्रसाद पेट्रोलपंप समोर ही घटना घडली. एसटी बंद असल्याने सर्वजण सोलापूरकडे खासगी जीपने प्रवास करत होते, अशी प्राथमिक माहिती मिळाली आहे. वळसंग पोलिस घटनास्थळी दाखल झाले असून मदत पोहचवली जात आहे. 

सोलापुरातील कुंभारी जवळील गंगाप्रसाद पेट्रोलपंप समोर सकाळी साडे दहाच्या सुमारास हा अपघात झाला. मृतांपैकी 3 जण पुरुष आणि 2 महिला आहेत. कट्ट्यावा यल्लप्पा बनसोडे (वय 55), बसवराज यल्लप्पा बनसोडे (वय 42), आनंद इर्राप्पा गायकवाड ( वय 25 रा. ब्यागेहाळी, ता.अक्कलकोट), लक्ष्मण मुरलीधर शिंदे, (42, बनजगोळ तालुका अक्कलकोट) आणि एक अनोळखी महिला (अंदाजे वय 35)  अशी  मृत झालेल्या व्यक्तीचे नाव आहे. तर निसार अमरोद्दीन पिरजादे  (वय 50), अक्षय लक्ष्मण शिंदे (वय 19),  आनंद युवराज लोणारी (वय 28),  समर्थ प्रशांत अनंत (वय 20), विशाल दगडू गोरसे (वय 24),  गुरुराज राजेंद्र वंजारे (वय 28), सैपन इब्राहिम वाडीकर (वय 60) अशी जखमींची नावे आहे. 

 

 एसटीचा संप सुरू असल्याने अनेक प्रवासी खासगी वाहतुकीचा मार्ग निवडत आहेत. त्यातच अक्कलकोट स्वामी समर्थांच्या दर्शनासाठी देखील भाविक मोठ्या प्रमाणात येत असतात. एसटी बंद असल्याने पर्यायी वाहतूक म्हणून जीपचा वापर करण्यात आला होता. मात्र जीपचा समोरचा चाक फुटल्याने गाडी पलटी झाली. त्यामुळे हा अपघात झाल्याची माहिती समोर येत आहे. या अपघातातील जखमींना सोलापूरच्या शासकीय रुग्णालयात हलविण्यात आले असून त्यांच्यावर उपचार सुरू असल्याची माहिती सहाय्यक पोलीस निरीक्षक अतुल भोसले यांनी दिली. 

नुकत्याच झालेल्या कार्तिक एकादशीनिमित्त पंढरपूर, अक्कलकोट व गाणगापूर असा प्रवास करणाऱ्यांचा समावेश होता. अक्कलकोटवरुन परतत असताना काळानं घाला घातला. जखमींवर जवळलील रुग्णालयात उपचार केले जात आहेत. अपघातातील लोकांची अद्याप ओळख पटलेली नाही. कुंभारी गावातील स्थानिकांनी दिलेल्या माहितीनुसार, हा परिसर अपघातप्रवण क्षेत्र झालाय. या ठिकाणी आतापर्यंत पंधरा ते वीस मोटारसायकलचे अपघात झाले आहेत.

संबधित बातम्या :