खासगी मालकीच्या प्रस्तावित साखर कारखान्यासाठी जमीन हडपल्याप्रकरणी मुंडेंवर गुन्हा दाखल करण्याचे आदेश देण्यात आले होते. त्यानंतर आज अंबाजोगाई येथील बर्दापूर पोलीस ठाण्यात मुंडे यांच्याविरोधात फसवणुकीचा गुन्हा दाखल करण्यात आला आहे. दरम्यान खंडपीठाच्या निर्णयाला स्थगिती देण्याची मागणी करणारी याचिका धनंजय मुंडेंनी सुप्रीम कोर्टात दाखल केली आहे. त्यावर आज सुनावणी होणार आहे.
मुंडे यंच्यासह एकूण 14 जणांवर आयपीसीच्या कलम 420, 468, 465, 464, 471 अन्वये गुन्हा दाखल करण्यात आला आहे. मुंडे यामध्ये दहाव्या क्रमांकाचे आरोपी आहेत.
औरंगाबाद खंडपीठाने निर्णय दिल्यानंतरही तब्बल चार दिवस धनंजय मुंडे यांच्यावर गुन्हा दाखल झाला नव्हता. त्यामुळे तक्रारदार राजाभाऊ फड हे स्वतः रात्रभर बर्दापूर पोलीस ठाण्यात बसून होते. अखेर आज सकाळी 7.30 वाजता पोलिसांनी मुंडेंविरोधात गुन्हा दाखल केला आहे.