गांधी जयंतीनिमित्त नुकतंच पुण्यात स्वच्छ भारत अभियान राबवण्यात आलं. त्यातंच आज एकाच दिवशी दोन व्हीव्हीआयपींचे दौरे असल्यामुळे प्रशासनाकडून रस्त्यालगतचा कचरा झाकण्यासाठी दोन्ही बाजूंना हिरव्या रंगाचे पडदे लावण्यात आल्याच चित्र समोर आलं आहे.
पुण्यात राबवण्यात आलेल्या स्वच्छ भारत अभियानात खासदार अनिल शिरोळे आणि संरक्षणमंत्री मनोहर पर्रिकरही सहभागी झाले होते. स्वच्छता अभियानानंतर दोनच दिवसात पुण्यातील रस्त्यांवर कचऱ्याचे ढीग दिसू लागल्याने स्वच्छ भारत मोहिम एका दिवसापुरतीच होती का असा सवालही नागरिकांकडून विचारला जात आहे.