नरेंद्र मोदींनी स्वयंघोषित गोरक्षांना वचक बसावा म्हणून अशा गोरक्षकांना धारेवर धरलं होतं. तरीही या गोरक्षकांचा उन्माद काही थांबायला तयार नाही. शिरपूरमध्ये तीन व्यापारी गावात गोमांस विकत असल्याची माहिती मिळाल्यानंतर तथाकथित 9 गोरक्षकांनी या व्यापाऱ्यांना मारहाण केली आहे. या मारहाणीचा व्हिडिओ सध्या व्हायरल होत आहे.
दरम्यान या 9 गोरक्षकांसमवेत तीनही व्यापाऱ्यांविरोधात गुन्हा दाखल करण्यात आला आहे. या गोरक्षकांना कोर्टात हजर केल्यानंतर त्यांची जामिनावर सुटकादेखील करण्यात आली आहे.