Ganesh Chaturthi 2022 LIVE Updates : सुखकर्ता... दुखहर्ता... दोन वर्षांनी निर्बंधमुक्त गणेशोत्सव, घराघरांत बाप्पाच्या आगमनाची लगबग

Ganesh Chaturthi 2022 LIVE Updates : दोन वर्षांनी निर्बंधमुक्त गणेशोत्सव (Ganeshotsav 2022) साजरा करताना भक्तांचा उत्साह शिगेला, चांद्यापासून बांद्यापर्यंत गणपती बाप्पाच्या आगमनाची लगबग

पार्श्वभूमी

Ganesh Chaturthi 2022 : गणपती बाप्पा मोरया....मंगलमूर्ती मोरया....अशा जयघोष आज सगळीकडे ऐकायला मिळत आहे. आज 31 ऑगस्ट... आज श्री गणेश चतुर्थी... (Ganesh Chaturthi) ज्या दिवसाची अनेकांनी आतुरतेने वाट पाहिली आणि तो दिवस अखेर उजाडला आहे. आबालवृद्धांच्या लाडक्या गणपती बाप्पाचं आज घरोघरी आगमन होत आहे. सार्वजनिक मंडळांपासून घराघरात आकर्षक देखाव्यात आणि मखरात गणराज आज विराजमान होतील. बाप्पाची आज विधिवत प्राणप्रतिष्ठा करुन दहा दिवसांच्या उत्साहपर्वाला (Ganesh Utsav 2022) प्रारंभ होईल. बाप्पाच्या आगमनाने घराघरात मंगलमय वातावरण आहे. पुढील दहा दिवस बाप्पाची सजावट, आरत्यांचे स्वर, गौराईचे आगमन, गणपती बाप्पा मोरया...मंगलमूर्ती मोरयाचा जयघोष ऐकायला मिळणार आहे.गणेशाच्या प्राणप्रतिष्ठेचा मुहूर्त बाप्पाचं आगमन हा अत्यंत आनंदाचा दिवस असतो. आजपासून गणेशोत्सवाला सुरुवात होणार आहे. आज प्रत्येकाच्या घरी गणपती बाप्पा विराजमान होणार आहे. पंचांगाप्रमाणे गणपती प्रतिष्ठापना करण्याचा मुहूर्त पहाटे पावणे पाचपासून मध्यानकाळ संपेपर्यंत म्हणजे दुपारी दोनपर्यंत आहे, असं प्रसिद्ध दाते पंचांगचे प्रमुख मोहन दाते यांनी दिली आहे. "ही स्थापना करताना आपण साधारणतः ब्राह्म मुहूर्तापासून म्हणजे पहाटे पावणे पाचपासून मध्यानकाळ संपेपर्यंत म्हणजे दुपारी दोनपर्यंत आपल्या सोयीने कोणत्याही वेळी करु शकता. त्यासाठी वेगळे विशेष कोणतेही मुहूर्त पाहण्याची गरज नाही. घरातली सकाळची पूजा झाली की, त्यानंतर गणरायची उत्साहात स्थापना करावी. ज्यांच्याकडे जितक्या दिवसचा गणपती आहे त्यांनी त्याप्रमाणे सकाळी पूजा आणि संध्याकाळी आरती करावी," असं मोहन दाते यांनी सांगितलं. इतर दिवशीही गजबजलेली मुंबई आजपासून सुरु होणाऱ्या गणेशोत्सवाच्या निमित्ताने रोषणाईने आणखी उजळून निघाली आहे. सार्वजनिक गणेशोत्सवात गणपतींच्या दर्शनासाठी रात्रीपासूनच रांगा सुरु होतील. तर गौरी आणि सात दिवसाच्या गणपतीचं विसर्जन झाल्यानंतर इतर सार्वजनिक गणेशोत्सव मंडाळांतील देखावे पाहण्यासाठी भाविकांची गर्दी आणखी वाढेल. लालबागच्या राजाच्या दर्शनासाठी रात्रीपासूनच भाविकांची रांगलालबागच्या राजाचं दर्शन घेण्यासाठी भाविकांची मोठी गर्दी रात्रभर पाहायला मिळाली. गणेश भक्त रात्रभर रांगेत उभे असल्याचे दिसून आले. केवळ मुंबईतीलच नव्हे तर पुणे, कोल्हापूर आणि अगदी राजस्थान राज्यातूनही भाविक रांगेत उभे असल्याचे दिसून आले. भाविकांच्या दोन वेगवेगळ्या रांगा आहेत. एक रांग मुख दर्शनासाठी तर दुसरी रांग चरणस्पर्शासाठी आहे. सिद्धिविनायकाच्या दर्शनासाठी गर्दी तर मुंबईतील प्रसिद्ध सिद्धिविनायक मंदिरात पहाटे पावणे पाचच्या सुमारास काकड आरती पार पडली. सिद्धिविनायकाच्या दर्शनासाठीही भाविकांची मोठी गर्दी पाहायला मिळत आहे. सिद्धिविनायकाच्या गाभाऱ्यात भक्तिमय वातावरणात झाले आहे. दोन वर्षांनंतर कोरोनाच्या निर्बंधामधून मुक्त झाल्यानंतर गणेशभक्तांमध्ये जल्लोषाचं वातावरण दिसत आहे.शिंदे गटातील आमदार आपापल्या विभागातील गणेश मंडळांना भेट देणारदरम्यान शिवसेनेतून बंडखोरी केलेल्या शिंदे गटातला प्रत्येक आमदार आपल्या विभागातल्या गणपती मंडळांना भेट देणार आहे. मुख्यमंत्री एकनाथ शिंदे हे देखील या गणेशोत्सवात अनेक सार्वजनिक गणेश मंडळांना भेट देणार आहेत. शिंदे गटाच्या झालेल्या बैठकीत या गणेशोत्सवानिमित्त हा निर्णय घेण्यात आला आहे.

31/08/2022 16:31:19

ढोल ताशाच्या गजरात बाप्पाचं स्वागत

गणपती बाप्पाची मिरवणूक म्हटलं की आपल्याला तरुण मुलांचा उत्साह नेहमीच पाहायला मिळतो. जणू काही गणपती उत्सव म्हणजे पुरुषांची मक्तेदारी आहे, मात्र बाप्पाचा उत्सव ही काही पुरुषांची मक्तेदारी नव्हे तरुणही या मध्ये मागे नाहीत. याचा प्रत्यय जळगावच्या मुळजी जेठा महविद्याल्याच्या तरुणींनी दाखऊन दिला आहे. मुळजी जेठा महाविद्यालयाच्या वस्ती गृहात मुलींच्या वतीने दर वर्षी बाप्पाची स्थापना केली जात असते. यंदाही ती करण्यात आली आहे. या बाप्पाच्या स्थापनेच्या निमित्ताने वसतिगृहातील मुली या बाप्पाच्या मिरवणुकीत सहभागी होत असतात. आज झालेल्या मिरवणुकीत शेकडो मुलींनी सहभाग घेत ढोल ताशाच्या आणि लेझिमच्या तालावर एक सुरात नृत्य करून मिरवणुकीचा आनंद घेतला असल्याचं पाहायला मिळालं आहे. 

31/08/2022 15:18:29

शिंदे गटात सहभागी होतानाचा जो निर्णय घेतला त्यावेळी गणपती बाप्पाच नव्हे तर सर्व देव आठवले - मंत्री गुलाबराव पाटील

शिंदे गटात सहभागी होतानाचा जो निर्णय घेतला त्यावेळी गणपती बाप्पाचं नव्हे तर सर्व देव आठवले होते, असं मंत्री गुलाबराव पाटील यांनी सांगितलं आहे. उद्धव ठाकरेंचे साथ सोडून शिवसेनेची मुलुख मैदान तोफ म्हणून ओळख असलेल्या गुलाबराव पाटील हे शिंदे गटात सहभागी झाले.  परंपरेनुसार मंत्री गुलाबराव पाटील यांच्या गणेशोत्सव साजरा केला जातो. मोठ्या भक्ती भावाने मंत्री पाटील यांच्या घरी दहा दिवस बाप्पांची स्थापना केली जाते. आजही मंत्री पाटील त्यांच्या घरी भक्तीपूर्ण वातावरणात बाप्पाची स्थापना केली

 

 

31/08/2022 15:11:57

95 वर्ष पर्यावरण संवर्धनाचा संदेश देणारं मंडळ म्हणजे मुंबईतील गिरगावचा राजाचं मंडळ

देशातील सर्वात मोठी शाडूची मूर्ती आणि गेली 95 वर्ष पर्यावरण संवर्धनाचा संदेश देणारं मंडळ म्हणजे मुंबईतील गिरगावचा राजाचं मंडळ. 25 फूट उंच आणि साडे तीन टन वजनाची भव्य मूर्ती पाहताच क्षणी नजरेचं पारणं फेडते. यंदा गिरगावचा राजा पेशवाई अवतारात आहे. या मंडळाच्या या पूर्णपणे पर्यावरण स्नेही उपक्रमाचं पंतप्रधान नरेंद्र मोदी यांनी आपल्या 'मन की बात' मध्ये कौतुक केलं होतं. गिरगावाताली मोहन बिल्डिंग गणेशोत्सव मंडळाचं यंदाचं हे 100 वं वर्ष आहे. शकतपूर्ती वर्षातही या मंडळानं आपली शाडूची छोटीशी मूर्ती कायम ठेवली आहे. यंदाचं शतकपूर्ती वर्ष असल्यानं मंडळानं संपूर्ण मंडप वातानुकुलित बनवत कच्छ येथीळ 'मयूर महल'चा मनमोहक देखावा उभा केला आहे. या मंडळाला मोठा ऐतिहासिक वासरा लाभला आहे. ज्यांनी सार्वजनिक गणेशोत्सव सुरू केला त्या लोकमान्य बाळगंगाधर टिळक यांनी भेट दिली होती. तसेच स्वातंत्र्यवीर विनायक दामोजर सावरकर, चाफेकर बंधू यांच्यासारखे स्वातंत्रसैनिक येऊन गेले आहेत. तसेच 1983 मध्ये बाळासाहेब ठाकरे यांचं गिरगावातील पहिलं भाषणही याच मोहन बिल्डिंगमध्ये झालं होतं. 

लोकमान्य टिळकांनी ज्या गणपतीची स्थापना करून सार्वजनिक गणेशोत्सवाची सुरूवात केली तो गणपती म्हणजे केशवजी नाईक चाळीचा गणपती. गिरगावातील या मंडळाचं यंदाचं हे 130 वं वर्ष आहे. इतका मोठा ऐतिहासिक वारसा असूनही मुंबईच्या चाळ संस्कृतीत आजही या मंडळानं आपलं पारंपारिक साधेपण जपलंय हेच या मंडळाचं सर्वात मोठ वैशिष्ठ्य आहे.

 

 

 

31/08/2022 15:09:09

Kalyan News : कल्याणमधील विजय तरुण मंडळाच्या चलचित्र देखाव्यावर पोलिसांकडून कारवाई

Kalyan News : सार्वजनिक गणेश मंडळांचं आकर्षण म्हणजे गणपतीची मूर्ती आणि देखावा. मुंबई आणि उपनगरातील प्रसिद्ध गणेश मंडळांपासून गल्लोगल्ली असलेल्या सार्वजनिक गणेश मंडळांमध्ये विविध विषयावरचे देखावे साकारले जातात. परंतु कल्याणमधील (Kalyan) विजय तरुण मंडळाने तयार केलेला देखावा चांगलाच चर्चेत होता. पोलिसांनी या देखाव्यावर आक्षेप घेत आज पहाटेच्या सुमारास त्यावर कारवाई करत सामुग्री जप्त केली. शिवसेनेतील (Shiv Sena) बंडखोरीबाबतचा चलचित्र देखावा या गणेश मंडळाने तयार केला होता. पोलिसांनी केलेल्या या कारवाईचा विजय तरुण मंडळाने निषेध केला आहे. देखाव्यात काहीच आक्षेपार्ह नव्हतं. या कारवाईविरोधात आम्ही न्यायालयात दाद मागणार असून निषेध म्हणून यंदा गणेश मूर्तीची स्थापना करणार नाही, असं मंडळाचे विश्वस्त विजय साळवी यांनी सांगितलं.

सविस्तर बातमीसाठी क्लिक करा....

31/08/2022 15:08:12

माजी मंत्री अशोक चव्हाण यांच्या घरी वाजतगाजत विधिवत बाप्पाची प्राणप्रतिष्ठा

महाराष्ट्र राज्याचे माजी मुख्यमंत्री अशोक चव्हाण यांच्या निवासस्थानी त्यांची पत्नी, दोन मुली व सर्व कुटुंबासह वाजतगाजत विधिवत पूजा अर्चना करून आज गणपती बाप्पाची प्राणप्रतिष्ठा करण्यात आलीय. दरम्यान कोरोनाच्या दोन  वर्षांच्या कालावधी नंतर पहिल्यांदाच यावर्षी  निर्बंधामुक्त गणेश उत्सव साजरा करण्यात येत आहे. आज गणेशचतुर्थी गणेश उत्सवा निमित्त विद्येची देवता श्री गजाननाची टाळ मृदंगाच्या गजरात गणरायाची आरती करत स्थापना करण्यात आलीय.यावेळी गणपती बाप्पा चरणी माजीमंत्री अशोक चव्हाण यांनी या देशात व राज्यात सुख समृद्धी नांदू दे, या देशातील राज्यातील शेतकरी ,सर्वसामान्य माणूस यांच्यावरील विघ्न दूर होऊन घराघरात समृद्धी येऊ दे अशी कामना व्यक्त केलीय.

31/08/2022 11:57:12

मंत्री चंद्रकांत पाटील यांनी घेतलं कसबा गणपतीचे दर्शन

मंत्री चंद्रकांत पाटील यांनी पुण्याचे ग्रामदैवत असलेल्या कसबा गणपतीचे दर्शन घेतलं. त्यानंतर भाऊ रंगारी गणपतीच्या प्रतिष्ठापणेसाठी ते निघाले आहेत. मात्र, रस्त्यावरील गर्दी लक्षात घेता त्यांना वाहनांचा ताफा टाळून एका ट्रॅफिक कॉन्स्टेबलच्या मोटरसायकलवर बसून प्रवास केला.

31/08/2022 11:52:55

जेष्ठ समाजसेवक आणा हजारे यांच्या हस्ते अॅड.सतीश तळेकर यांच्या घरी गणपतीची प्राणप्रतिष्ठापना

जेष्ठ समाजसेवक आणा हजारे यांच्या हस्ते अॅड.सतीश तळेकर यांच्या घरी गणपतीची प्राणप्रतिष्ठापना करण्यात आली आहे. यावेळी अण्णा हजारे यांनी आरती देखील केली.

31/08/2022 11:47:11

Pandharpur Ganesh Utsav: पंढरपुरात विठ्ठल मंदिरात बाप्पाची विधिवत प्राणप्रतिष्ठापना

 आज सर्व देशभर बाप्पांचे मोठ्या जल्लोषात आगमन होत असताना विठ्ठल मंदिरात बाप्पांची प्राणप्रतिष्ठापना करण्यात आली . मंदिर समितीचे कार्यकारी अधिकारी गजानन गुरव यांच्या हस्ते विठ्ठल सभामंडपात बाप्पांची प्राणप्रतिष्ठापना करण्यात आली . यावेळी मंदिर समितीचे सदस्य ज्ञानेश्वर महाराज जळगावकर , व्यवस्थापक बालाजी पुदलवाड यांचेसह मोठ्या संख्येने विठ्ठल भक्त मंदिरात उपस्थित होते . यावेळी बाप्पाची विधिवत पूजन करून मंत्रोचारात प्राणप्रतिष्ठापना करण्यात आली . 

31/08/2022 11:33:40

Sangli Ganesh Utsav: मिरजेमध्ये आज 350 सार्वजनिक मंडळांच्या गणेशाची प्रतिष्ठापना

मिरज शहरात 350 सार्वजनिक मंडळाच्या श्रींची प्रतिष्ठापना आज सहवाद्य मिरवणूक होत आहे. कोरोनाच्या पार्श्वभूमीवर दोन वर्षानंतर गणेश उत्सव पहिल्यांदाच मोठ्या उत्साहात साजरा होत आहे. यावर्षी गणेशोत्सव साजरा करताना शासनाने निर्बंध शिथिल केल्याने अनेक मंडळ उंच गणेश मूर्तीची प्रतिष्ठापना करत आहेत. मिरज शहरामध्ये गणेश चतुर्थीच्या पूर्वसंध्येला अनेक मंडळांच्या उंच गणेशमूर्तींच आगमन सह वाद्य मिरवणुका सहित झाले आहे. मिरज शहरात सुमारे ३५० सार्वजनिक मंडळांच्या 'श्री'ची प्रतिष्ठापना सवाद्य मिरवणुकांनी होत आहे. कोरोनाच्या पार्श्वभूमीवर दोन वर्षांनंतर गणेशोत्सव उत्साहात साजरा होत असून, गणेशोत्सवाचे वैशिष्ट्य असलेल्या शहरातील स्वागत कमानीच्या उभारणीचे कामही गतीने सुरू आहे.

31/08/2022 11:22:09

Sindhudurg : सिंधुदुर्ग जिल्ह्यातील कणकवली मधील चित्रकार सुमन दाभोलकर यांनी लाडक्या बाप्पाचं स्टोन आर्ट साकारलं

Sindhudurg :  गणेश चतुर्थीचं औचित्य साधत सिंधुदुर्ग जिल्ह्यातील कणकवली मधील चित्रकार सुमन दाभोलकर यांनी लाडक्या बाप्पाचं स्टोन आर्ट साकारलं आहे. ओंकाराचं चराचरात रूप असतं तेच रूप दगडावर साकारलं आहे. दगडाला कोणत्याही प्रकारचा आकार न देता रंगांची उधळण करत बाप्पाचं हे देखणं स्टोन आर्ट सुमन दाभोलकर यांनी साकारलं आहे.

31/08/2022 11:19:00

बुलढाण्यात गणेशोत्सवाच्या पार्श्वभूमीवर कुठलाही अनुचित प्रकार घडू नये यासाठी तगडा पोलीस बंदोबस्त; जिल्ह्यातील संवेदनशील भागात 3541 पोलीस तैनात

बुलढाणा जिल्ह्यात 1 हजारावर सार्वजनिक गणेश मंडळात श्रीं ची प्रतिष्ठापना झाली आहे. उत्सव काळात 10 दिवस पोलिसांचा तगडा बंदोबस्त राहणार आहे. गर्दीचे नियोजन, संभाव्य अनुचित प्रकार टाळण्यासाठी जिल्हा पोलीस अधीक्षक अरविंद चावरिया यांनी विशेष खबरदारी घेऊन अतिरिक्त फौज फाटा बोलावला आहे. जिल्हा पोलीस अधीक्षक 1, अप्पर पोलीस अधीक्षक1, उपविभागीय पोलीस अधिकारी 6, पोलीस निरीक्षक 23, सहाय्यक पोलीस निरीक्षक 45, पोलीस उपनिरीक्षक 65, होमगार्ड 1200, पोलीस कर्मचारी 2200 असा तगडा बंदोबस्त राहणार आहे.

31/08/2022 11:18:30

Dhule Ganesh Utsav: शहरासह जिल्ह्यात गणेशोत्सवाचा उत्साह शिगेला बाजारपेठेत लाखोंची उलाढाल

धुळे शहरासह जिल्ह्यात गणेशोत्सवाला मोठ्या भक्तीमय वातावरणात सुरुवात झाली असून शहरातील मुख्य बाजारपेठ असलेल्या आग्रा रोड येथे नागरिकांनी गणेश मूर्ती सह पूजेचे साहित्य खरेदी करण्यासाठी गर्दी केली होती. कोरोनाच्या तब्बल दोन वर्षांच्या कालखंडानंतर यंदा गणेशोत्सव मोठ्या स्वरूपात साजरा होत आहे यानिमित्त संपूर्ण राज्यभरात गणेशोत्सवाचा उत्साह शिगेला पोहोचला असून यंदाचा गणेशोत्सव धुमधडाक्यात साजरा होणार आहे धुळे शहरासह जिल्ह्यात देखील गणेशोत्सवाचा उत्साह शिगेला पोहोचल्याचे चित्र पाहायला मिळाले शहरातील मुख्य बाजारपेठ असलेल्या आग्रा रोड येथे सकाळपासून नागरिकांनी गणेश मूर्ती सह पूजेचे साहित्य खरेदी करण्यासाठी गर्दी केली होती यंदा शासनाने प्लास्टर ऑफ पॅरिसच्या मुर्त्यांवर बंदी घातली असली तरी दुसरीकडे मात्र शाडू मातीच्या मुर्त्यांची किंमत महागल्याने घरगुती गणेशोत्सवासाठी नागरिकांकडून प्लास्टर ऑफ पॅरिसच्या मुर्त्यांना पसंती देण्यात आली, ढोल ताशांच्या गजरात यावेळी नागरिकांनी वाजत गाजत गणेश मूर्ती आपल्या घरी नेल्या या माध्यमातून बाजारपेठेत लाखो रुपयांची उलाढाल झाल्याचे चित्र पाहायला मिळाले.  

31/08/2022 11:17:54

नाशिकमध्ये सकाळपासूनच गणेशभक्तांचा उत्साह, गणपती बाप्पा मोरयाचा जयघोष

Nashik Ganeshotsav :  घरगुती गणेशोत्सव साजरा करण्यासाठी नाशिकमध्ये अगदी सकाळपासूनच गणेशभक्तांचा उत्साह पाहायला मिळत आहे. गणपती बाप्पा मोरयाचा जयघोष करत बाप्पाला आपल्या घरी घेऊन जात आहेत. विशेष म्हणजे यंदा देखील पर्यावरणपूरक गणेशोत्सव साजरा करण्याकडे त्यांचा अधिक कल दिसून येत आहे. नाशिकमधील शाडू मातीचे मूर्तिकार मयूर मोरे यांच्याकडील मूर्तीच्या बुकिंग फुल झाल्या असून, सकाळी सकाळी त्यांच्या घरी गणेशभक्तांची चांगलीच गर्दी झाली होती. विशेष म्हणजे दरवर्षी मोरे हे गणेशमूर्ती निर्यात करतात. यंदा त्यांचे 700 गणपती हे सातासमुद्रापार जाऊन पोहोचले आहेत. निर्बंधमुक्त गणेशोत्सव साजरा होत असल्यानं जवळपास 25 टक्के विक्रीत वाढ झाली आहे. 

 

31/08/2022 11:15:02

जिल्हाधिकाऱ्यांच्या हस्ते विशाल गणपती मंदिरात गणेश स्थापना

अहमदनगरचे ग्रामदैवत श्री विशाल गणपती मंदिरात जिल्हाधिकारी डॉ.राजेंद्र भोसले यांच्या हस्ते गणेश स्थापना करण्यात आली. यावेळी जिल्हाधिकारी भोसले यांनी सपत्नीक विधिवत पूजा करून गणेशाची स्थापना केली.. कोरोनानंतर प्रथमच निर्बंधमुक्त गणेशोत्सव साजरा होत असल्याने गणेशभक्तांमध्ये उत्साहाच वातावरण पाहायला मिळत आहे. दरम्यान आज ढोल पथकांने विशाल गणपतीला सलामी दिली.गणेशोत्सवाच्या काळात दहा दिवस विविध धार्मिक कार्यक्रम होणार असल्याचे श्री विशाल गणपती ट्रस्टचे अध्यक्ष अभय आगरकर यांनी सांगितले आहे.

31/08/2022 11:13:24

Morgaon Ganesh : मोरगाव येथील मयुरेश्वराची भाद्रपद यात्रा उत्सव

बारामती तालुक्यातील अष्टविनायकातील प्रथम स्थान असलेल्या तीर्थक्षेत्र मोरगाव येथील मयुरेश्वराची भाद्रपद यात्रा उत्सव सुरू आहे. आज भाद्रपद यात्रेचा चौथा दिवस आहे. आज गणेश चतुर्थी व द्वार यात्रा या निमित्ताने राज्यभरातून हजारोंच्या संख्येने भक्तगण मोरगाव येथे आलेले आहे. पहाटे पाच वाजल्यापासून मुक्तद्वार दर्शनाच्या निमीत्ताने जलस्नान वअभिषेक पूजा करण्याचा लाभ भाविकांनी घेतला. . मोरया गोसावी प्राप्त मंगलमूर्ती सोहळ्याचे काल चिंचवड येथून आगमन रात्री नऊ वाजता झाले आहे. यानंतर काल मयुरेश्वर व मंगलमूर्ती भेट सोहळा संपन्न झाला .आज एक वाजेपर्यंत मुक्तद्वार दर्शन सुरू होणार असून दिवसभरात विविध धार्मिक कार्यक्रमाचे आयोजन केले आहे.

 

31/08/2022 10:29:38

कोकणात गणेश भक्तांचा उत्साह शिगेला, गुलालाची उधळण करत आणि ढोल ताशांच्या गजरात बाप्पाचं आगमन

Konkan Ganpati : कोकणात गणेश भक्तांचा उत्साह शिगेला पोहोचला आहे. गुलालाची उधळण करत आणि ढोल ताशांच्या गजरात बाप्पाचं आगमन जल्लोषात केलं जात आहे. पारंपरिक वाद्यांच्या साथीला, भजन आणि बँजो यांची साथ देत रत्नागिरी शहरातील गोखले नाक्यापासून कर्ला आणि आंबेशेत या गावांतील गणपतीची मिरवणूक काढण्यात आली. दीडशेपेक्षा देखील जास्त गणपती या मिरवणुकीमध्ये सहभागी झालेले असतात. मागील अनेक वर्षांची परंपरा असून अगदी दुपारपर्यंत बाप्पाच्या नामाचा जयघोष करत मोठ्या जल्लोषात बाप्पाची ही मिरवणूक असणार आहे. चार ते पाच किलोमीटरच्या मिरवणुकीत लहान थोर आबालवृद्धांपासून प्रत्येक जण मोठ्या उत्साहाने सहभागी झाला आहे.

31/08/2022 10:27:52

अमरावतीकरांची गणपतीच्या मातीच्या मूर्तींना पसंती

Amravati Ganpati : विघ्नहर्ता गणपती बाप्पाचं आज घराघरात आगमन होत आहे. बाप्पाच्या आगमनाच्या तयारीसाठी बाजारपेठाही सजल्या आहेत. अमरावती महानगरपालिकेकडून नेहरु मैदानात मूर्तिकारांसाठी दुकानं तयार करुन दिली असून याठिकाणी फक्त मातीने साकारलेल्या बाप्पाची मूर्ती मिळणार आहेत. आज सकाळपासूनच भाविकांची या ठिकाणी खरेदीसाठी गर्दी दिसून आली. यंदा मातीच्या मूर्तीच्या किंमतीमध्ये काहीशी वाढ झाली असली तरीही नागरिकांची पसंती मातीच्या मूर्तींनाच असल्याचे चित्र आहे. दोन वर्षानंतर निर्बंधमुक्त गणेशोत्सव साजरा करता येत असल्याने नागरिकांमधेही उत्साहाचं वातावरण पाहायला मिळत आहे.

31/08/2022 10:25:33

आले रे आले, गणपती बाप्पा आले, जयघोषात सांगली शहरासह जिल्ह्यात गणरायाचे आगमन

Sangli Ganpati : आले रे आले, गणपती बाप्पा आले, अशा जयघोषात सांगली शहरासह जिल्ह्यात गणरायाचे आगमन झाले. जिल्ह्यातील दूरच्या गावांतून आलेल्या गणेश मंडळांनी पूर्वसंध्येलाच चतुर्थीच्या मंगळवारी सायंकाळपासून स्वागत मिरवणुकांना सुरुवात केली. सार्वजनिक आणि घरगुती गणेशोत्सवाचा थाट आता अकरा दिवस सुरु राहणार आहे. सांगलीत गणेश चतुर्थीच्या पूर्वसंध्येला मंगळवारी सांगलीच्या मुख्य बाजारपेठा गर्दीने, साहित्यासह फुलून गेल्या. आरास साहित्याच्या खरेदीसाठी सांगलीच्या मारुती रोड, हरभट रोड, रिसाला रोड, शिवाजी मंडई, बालाजी चौक, गणपती पेठ या परिसरात भाविकांनी गर्दी केली होती. 

31/08/2022 09:51:53

नागपुरातील तुळशीबाग परिसरात नागपूरचा राजाची प्रतिष्ठापना, यंदा चार फुटांची मूर्ती

Nagpurcha Raja : नागपुरातील तुळशीबाग परिसरात नागपूरचा राजा गणपतीची प्रतिष्ठापना करण्यात आली आहे. सकाळी शुभ मुहूर्तावर विधिवत पूजन करुन श्री गणरायाची स्थापना करण्यात आली. नागपूरचा राजा गणपती उत्सव चॅरिटेबल ट्रस्टच्या वतीने गेले 26 वर्ष नागपूरचा राजाची स्थापना केली जात आहे. दरवर्षी मंडळाची मूर्ती सुमारे पंधरा फूट उंचीची असते. मात्र गेले दोन वर्ष कोरोनाचं संकट आणि विविध निर्बंध पाहता मंडळाने चार फुटांची मूर्ती स्थापन केली आहे. यंदाही छोटी मूर्ती बसवण्यात आली असल्याने नागपूरच्या राजाच्या अंगावर दरवर्षी भाविकांना जे सोन्याचे आणि हिऱ्याचे दागिने पाहायला मिळायचे, ते यंदा पाहायला मिळणार नाहीत. मात्र भाविकांसाठी सकाळपासून रात्री नऊ वाजेपर्यंत दर्शन खुले राहणार आहे. स्वातंत्र्याच्या अमृत महोत्सवाच्या निमित्ताने मंडळाने यंदा राष्ट्रीय ध्वजाच्या रंगात मंडपाची रचना केली आहे.

31/08/2022 09:12:12

सोलापुरातील प्रसिद्ध मश्रूम गणपतीच्या सोन्याचा कळस पुन्हा एकदा चोरीला, कळस दुसऱ्यांदा चोरीला गेल्याने भक्तांमध्ये संताप

सोलापूर : सोलापुरातील प्रसिध्द मश्रूम गणपतीच्या सोन्याचा कळस पुन्हा एकदा चोरीला , ऐन गणेशोत्सवाच्या काळात मध्यरात्र मंदिराचा सोन्याचा कळस चोरीला, सोलापूर-तुळजापूर महामार्गावरील हिप्परगा गावात आहे मश्रूम गणपतीचे मंदिर, सोलापूरचे ग्रामदैवत श्री. सिध्दरामेश्वरांनी स्थापन केला आहे मश्रूम गणपती, यापूर्वी 2017 साली देखील मश्रूम गणपतीच्या मंदिरावरील कळस चोरीला गेला होता, सोन्याचा कळस दुसऱ्यांदा चोरीला गेल्याने भक्तगण संतप्त,  

31/08/2022 08:12:36

गणपतीपुळे मंदिरात भाविकांची गर्दी, गणेशोत्सवाच्या पहिल्या दिवशी गाभारा खुला केल्याने हजारो भक्तांची श्रींचे चरणस्पर्श करण्यासाठी रीघ

Ganpatipule Temple : रत्नागिरीच्या गणपतीपुळे मंदिरात गणेशभक्तांनी गर्दी झाली आहे. भाद्रपद चतुर्थीला गेली कित्येक वर्ष ही अनोखी परंपरा सुरु आहे. आजही हजारो भक्तांनी थेट गाभाऱ्यात जात गणरायाचे आशीर्वाद घेतले. नवसाला पावणारा गणपती म्हणून गणपतीपुळेचा गणपती प्रसिद्ध आहे. देशाच्या कानाकोपऱ्यातून या गणपतीचे दर्शन घेण्यासाठी अनेक भाविक येतात. गणपती उत्सवात तर भाविकांची इथे दर्शनासाठी मोठी गर्दी होते. भक्तांनी या गणपती बाप्पाकडे मनापासून मागितल्यास ते मिळते, अशी धारणा असल्यामुळे कानाकोपऱ्यातून आलेल्या भाविकांची या गणपतीवर श्रद्धा आहे. देशातील अष्टविनायकपैकी एक असलेल्या श्रीक्षेत्र गणपतीपुळ्याच्या निसर्गरम्य वातावरणात रंगून तन मन आणि श्रद्धेनी इथे येणारा भाविक समृद्ध होतो. गणेश उत्सव काळात गणपतीपुळे पंचक्रोशीत एक गाव एक गणपती प्रथा आहे आणि त्यामुळेच गणपती उत्सवाच्या पहिल्या दिवशी गणपतीपुळे मंदिरात भाविकांसाठी इथला गाभारा हा खुला केला जातो. वर्षातून एकदाच श्रींचे पदस्पर्श करण्याची संधी भाविकांना मिळते. त्यामुळे इथले गावकरी अगदी पहाटेपासून या ठिकाणी गर्दी करतात. मालगुंड, नेवरे, गणपतीपुळे, भंडारपुळे आणि निवेंडी या ठिकाणचे ग्रामस्थ श्रीं च्या दर्शनासाठी येत असतात.

31/08/2022 07:38:17

Ganpati Festival 2022 : आजपासून महाराष्ट्रात ठिकठिकाणी बाप्पाची प्राणप्रतिष्ठापना, गणेशोत्सवास सुरुवात

Ganpati Festival 2022 : गेली दोन वर्षे कोरोना (Covid-19) संसर्ग निर्बंधांमुळे गणेशोत्सवावर मर्यादा होती, मात्र सर्व निर्बंध हटवल्यानं गेल्यामुळे पुन्हा एकदा मोठ्या जल्लोषात लाडक्या बाप्पांचे वाजत गाजत आगमन होत आहे.  

गणेशोत्सवात जगभरातील गणेशभक्तांचे अराध्य दैवत बनलेल्या लालबागच्या राजाच्या दर्शनाकडे सर्वांचे लक्ष लागलेलं असतं. यंदा लालबागच्या राजाचा दरबार अयोध्येतील प्रभू श्रीराम मंदिराच्या देखाव्याने सजला आहे. 

पहाटे 5 वाजता लालबागच्या राजाची विधिवत पूजा पार पडलीय. त्यानंतर पहाटे 6 वाजता लालबागच्या राजाचे दर्शन गणेशभक्तांसाठी सुरू करण्यात आलं आहे.

31/08/2022 07:37:12

Ganpati Festival : गणेश चतुर्थी निमित्त दादरच्या फुल मार्केटमध्ये लगबग

Ganpati Festival 2022 :  आज गणेश चतुर्थी निमित्त दादरच्या फुल मार्केटमध्येही लगबग पाहायला मिळत आहे. यावेळेस फुलांची विक्री  गेल्यावर्षी पेक्षा 40 टक्के वाढ झाल्याचं पाहायला मिळत आहे. गेल्यावर्षी पेक्षा या वर्षी चांगला प्रतिसाद मिळाला आहे. बाजारात सध्या फुलांचे दर काही या प्रमाणात आहेत. झेंडू 40 ते 100 तर शेवंती 60 ते 200 कानेर 600 प्रति किलो.

31/08/2022 07:35:50

Ganeshotsav 2022 : कोकणातील लाडक्या बाप्पाच्या महाउत्सवाला आजपासून प्रारंभ

Ganeshotsav 2022 : अवघ्या कोकणवासीयांचा लाडका बाप्पाचं आज घरोघरी आगमन होत आहे. गणेशाच्या आगमनाला कोकणं सज्ज असून सिंधुदुर्ग जिल्ह्यातील काही ठिकाणी होड्यातुन तर काही ठिकाणी डोक्यावरून, डोहीमधून लाडक्या बाप्पाचं कोकणात घरोघरी आगमन होत आहे. सिंधुदुर्ग जिल्ह्यात 67 हजार 952 घरामध्ये गणपती बाप्पाचं आगमन होत आहे. तर जिल्हात 32 ठिकाणी सार्वजनिक गणेशोत्सवाच्या ठिकाणी गणेश मूर्तीची प्रतिष्ठापणा केली जाणार आहे. घराघरात बाप्पाचं आगमन होत असल्याने कोकणात उत्साहाचे आणि चैतन्याचं वातावरण आहे.

31/08/2022 07:34:41

Mumbaicha Raja Ganesh Galli 2022 : मुंबईचा राजाची प्राणप्रतिष्ठापना, यंदा काशी विश्वनाथ मंदिराचा देखावा

Mumbaicha Raja Ganesh Galli 2022 : मुंबईचा राजा गणेशगल्ली उत्सव मंडळानं यावर्षी काशी विश्वनाथ मंदिराचा देखावा उभारला आहे. 

31/08/2022 07:34:26

Ganeshotsav 2022 : सिद्धिविनायकाच्या दर्शनासाठी गर्दी

Ganeshotsav 2022 : मुंबईतील प्रसिद्ध सिद्धिविनायक मंदिरात पहाटे पावणे पाचच्या सुमारास काकड आरती पार पडली. सिद्धिविनायकाच्या दर्शनासाठीही भाविकांची मोठी गर्दी पाहायला मिळत आहे. सिद्धिविनायकाच्या गाभाऱ्यात भक्तिमय वातावरणात झाले आहे. दोन वर्षांनंतर कोरोनाच्या निर्बंधामधून मुक्त झाल्यानंतर गणेशभक्तांमध्ये जल्लोषाचं वातावरण दिसत आहे.

31/08/2022 07:32:03

Lalbaugcha Raja 2022 : लालबागच्या राजाच्या दर्शनासाठी रात्रीपासूनच भाविकांची रांग

Lalbaugcha Raja 2022 : लालबागच्या  राजाच्या दर्शनासाठी काल रात्रीपासूनच रांगा लागल्या आहेत. मुंबईतील लालबागच्या राजाच्या ओळख नवसाला पावणारा गणपती अशी आहे. यामुळेच मुंबई आणि मुंबईच्या बाहेरुन देखील लालबागच्या राजाचे दर्शन घेण्यासाठी लोक येत असतात. आणि राजाच्या दर्शनासाठी  लाखो लोक रांगा लावतात. 

31/08/2022 07:29:43

Ganesh Chaturthi : गणेशाच्या प्राणप्रतिष्ठेचा मुहूर्त

Ganesh Chaturthi 2022 : बाप्पाचं आगमन हा अत्यंत आनंदाचा दिवस असतो. आजपासून गणेशोत्सवाला सुरुवात होणार आहे. आज प्रत्येकाच्या घरी गणपती बाप्पा विराजमान होणार आहे. पंचांगाप्रमाणे गणपती प्रतिष्ठापना करण्याचा मुहूर्त पहाटे पावणे पाचपासून मध्यानकाळ संपेपर्यंत म्हणजे दुपारी दोनपर्यंत आहे, असं प्रसिद्ध दाते पंचांगचे प्रमुख मोहन दाते यांनी दिली आहे. "ही स्थापना करताना आपण साधारणतः ब्राह्म मुहूर्तापासून म्हणजे पहाटे पावणे पाचपासून मध्यानकाळ संपेपर्यंत म्हणजे दुपारी दोनपर्यंत आपल्या सोयीने कोणत्याही वेळी करु शकता. त्यासाठी वेगळे विशेष कोणतेही मुहूर्त पाहण्याची गरज नाही. घरातली सकाळची पूजा झाली की, त्यानंतर गणरायची उत्साहात स्थापना करावी. ज्यांच्याकडे जितक्या दिवसचा गणपती आहे त्यांनी त्याप्रमाणे सकाळी पूजा आणि संध्याकाळी आरती करावी," असं मोहन दाते यांनी सांगितलं. 

इतर दिवशीही गजबजलेली मुंबई आजपासून सुरु होणाऱ्या गणेशोत्सवाच्या निमित्ताने रोषणाईने आणखी उजळून निघाली आहे. सार्वजनिक गणेशोत्सवात गणपतींच्या दर्शनासाठी रात्रीपासूनच रांगा सुरु होतील. तर गौरी आणि सात दिवसाच्या गणपतीचं विसर्जन झाल्यानंतर इतर सार्वजनिक गणेशोत्सव मंडाळांतील देखावे पाहण्यासाठी भाविकांची गर्दी आणखी वाढेल. 

31/08/2022 07:29:00

Ganesh Chaturthi 2022 : गणपती बाप्पा मोरया... घराघरांत बाप्पाचं आगमन, भक्तांचा उत्साह शिगेला

Ganesh Chaturthi 2022 : गेली दोन वर्षे कोरोनाच्या महासंकटात गेली. मात्र गणरायाच्या कृपेनं हे विघ्न दूर झालं आहे. आणि यावर्षी धूमधडाक्यात आणि मोठ्या जल्लोषात गणेशोत्सव साजरा होत आहे. चांद्यापासून बांद्यापर्यंत गणरायाच्या आगमनाची लगबग सुरु आहे. वाजत गाजत आणि गुलालाची उधळण करत बाप्पांचं आगमन घरोघरी सुरु झालं आहे. सार्वजनिक गणेश मंडळांमध्येही यावर्षी वेगळा उत्साह आहे. गणेशोत्सवाचा हा जल्लोष आणि भक्तीचे हे रंग पुढचे दहा दिवस आम्ही तुमच्यापर्यंत पोहोचवणार आहोत.