शिष्यवृत्ती परीक्षेत पाचव्या इयत्तेतील सोलापूरचा सार्थक तळे आणि कोल्हापूरच्या अनुष्का ननावरे यांनी अव्वल क्रमांक पटकावला आहे. दोघांनी शिष्यवृत्ती परीक्षेत 99.32 टक्के मिळवून राज्यात प्रथम क्रमांक मिळवला आहे. इयत्ता आठवीच्या शिष्यवृत्ती परीक्षेत साताऱ्याच्या राधिका इंगळे हिने 95.13 टक्के गुण मिळवून राज्यात पहिला क्रमांक मिळवला आहे.
यंदाच्या वर्षी पाचवीच्या परीक्षेतील पात्र विद्यार्थ्यांचे प्रमाण 22.4 टक्के आणि आठवीच्या पात्र विद्यार्थ्यांचे प्रमाण 18.49 टक्के आहे. पाचवीच्या परीक्षेतील उत्तीर्णाचे प्रमाण 0.93 टक्क्यांनी घटलं आहे, तर आठवीतील उत्तीर्णांचं प्रमाण 5.92 टक्क्यांनी वाढलं आहे.