एनएचएआयच्या अधिसूचनेद्वारे टोल प्लाझा लेनमध्ये स्थापित केलेल्या फास्टॅग मशीनद्वारे योग्यरित्या स्कॅन न झालेल्या वाहनांना टोल-फ्री प्रवास करण्यास परवानगी दिली आहे. दर आणि संकलन दुरुस्ती नियम 2018 जीएसआर 07.05.2018 अधिसूचनेनुसार फास्टटॅग मशीन्स स्कॅन करण्यात अयशस्वी झाल्यास वाहनांना टोल फ्री प्रवास करण्याची परवानगी आहे.
फास्टटॅग असलेल्या टोल नाक्यांवर इलेक्ट्रॉनिक टोल कलेक्शन इन्फ्रास्ट्रक्चरसह ठरवलेल्या फी फंक्शनल एफएएसटीएग किंवा पुरेसे शिल्लक असलेले एखादे वाहन युजर जर एफएएसटीएगद्वारे किंवा अशा कोणत्याही डिव्हाइसद्वारे फी भरण्यास सक्षम नसेल तर वाहनांकडून टोल आकारण्यात येणार नाही. अशा सर्व व्यवहारासाठी झीरो ट्रान्झॅक्शन रीसीट देण्याय येईल, असे या अधिसूचनेत म्हटले आहे.
फास्टटॅग ही प्रीपेड रिचार्ज करण्यायोग्य सेवा आहे जी ड्राइव्हरला रांगेत थांबल्याशिवाय टोलसाठी स्वयंचलित पैसे भरण्याची परवानगी देते. यामुळे केवळ ड्रायव्हरचा वेळच वाचत नाही तर टोलमधून जाणारे प्रत्येक वाहन स्कॅन करुन त्याचा हिशेब मिळण्याची देखील खात्री मिळते.
फास्टटॅग यंत्रणा सर्व टोलनाक्यावर उपलब्ध आहे. भारतीय स्टेट बँक, एचडीएफसी, आयसीआयसीआय, ॲक्सिस, आयडीएफसी आदी बँक शाखेत विक्रीसाठी उपलब्ध आहे. त्याचबरोबर फास्ट टॅग ऑनलाईन पर्चेस पोर्टलवरही उपलब्ध आहे. गुगल प्ले स्टोअरवर 'माय फास्टटॅग' ॲप्लिकेशन उपलब्ध आहे.
Nashik | देवळाली फायर रेंजवर तोफेच्या प्रात्यक्षिकांचा थरार, युद्धभूमीवरील थराराचा अनुभव | ABP Majha
फास्टटॅग एक पातळ इलेक्ट्रॉनिक चिप आहे. ही चिप गाडीच्या पुढच्या काचेवर चिटकवण्यात येणार आहे. चिप निश्चित केलेल्या रक्कमेला खरेदी करता येईल. ही चिप ग्राहकांच्या बँक खात्याला जोडता येते. फास्टटॅग चिकटवलेले वाहन टोल नाक्यावरुन पुढे जाईल त्यावेळेस निश्चित केलेला टोल वाहनधारकाच्या फास्टटॅग खात्यामधून वजा होणार आहे. फास्टटॅग स्कॅन करण्यासाठी टोल नाक्यावर विशेष उपकरणे बसविण्यात आली आहेत. त्याद्वारे फास्टटॅग चिप ओळखली जाईल. चिप स्कॅन झाल्यावर टोल नाक्यावरील बूम आपोआप उघडले जातात.
वाहनचा टोल, पार्किंग फी देण्यासाठी याचा उपयोग केला जाऊ शकतो. एनएचएआयच्या आकडेवारीनुसार सुमारे 1.10 कोटी फास्टटॅग वितरण करण्यात आले आहे. 15 डिसेंबरपासून एनएचएआयने देशभरातील 523 टोल प्लाझावर इलेक्ट्रॉनिक टोल संकलन सुरू केले.