कर्मचाऱ्यानंच मारहाण केल्यानं विद्यार्थ्यांच्या सुरक्षेचा प्रश्न उपस्थित झाला आहे. भावेश पाटील असं मारहाण करण्यात आलेल्या दहावीतल्या विद्यार्थ्याचं नाव आहे. तर भावेशला मारहाण करणाऱ्या पऱ्हाड कोचिंग क्लासेसचा कर्मचारी संतोष डोंगरदिवे याला पोलिसांनी अटक केली आहे.
पऱ्हाड यांच्या कोचिंग क्लासेसचं इथेच निवासी हॉस्टेल देखील आहे. तिथे भावेश राहत होता. ८ सप्टेंबरच्या रात्री भावेश आणि संतोष यांच्यात क्षुल्लक कारणावरुन वाद झाला. त्यानंतर संतोषने भावेशला लोखंडी रॉडनं बेदम मारहाण केली. दरम्यान, या मारहाणीचा व्हिडीओ सोशल मीडियातून व्हायरल झाला. त्यानंतर हे संपूर्ण प्रकरण उघडकीस आलं. मात्र, या संपूर्ण प्रकारावर भावेशच्या कुटुंबीयांनी काहीही बोलण्यास नकार दिला.
दरम्यान, ही संपूर्ण मारहाण कॅमेऱ्यात कैद झाली असून याचा व्हिडीओ सध्या बुलडाण्यामध्ये बराच व्हायरल झाला आहे.
VIDEO :