Nanded : नांदेडमध्ये बर्निंग ट्रकचा भर रस्त्यात थरार,चालकाचा मृत्यू

Nanded : नांदेडमध्ये धावत्या ट्रकला आग लागली आहे.

Nanded : नांदेड शहरातील सिडको भागात दुर्दैवी घटना घडली आहे. नांदेडमध्ये धावत्या ट्रकला आग लागली आहे. भर रस्त्यात घडलेल्या या दुर्दैवी घटनेत ट्रक चालकाचा जळून मृत्यू झाला आहे. शनिवारी मध्यरात्री ही घटना घडली आहे. 

नांदेड शहरातील सिडको परिसरातील उस्माननगर रस्त्यावर शाहूनगर पाटीजवळ धावत्या बर्निंग ट्रकचा थरार पहावयास मिळाला आहे. याप्रकरणी नांदेड ग्रामीण पोलीस ठाण्यात गुन्हा दाखल करण्यात आला आहे. अग्नीशमन दलाची गाडी वेळीच आल्याने ही आग आटोक्यात आली. तसेच पुढील होणार अनर्थ टळला. 

पोलिसांनी दिलेल्या माहितीनुसार, नांदेड शहरातील उस्माननगर रोडवर बिजली हनुमान मंदिरा समोर, पावर स्टेशनजवळ ही घटना घडली आहे. नांदेडकडून उस्माननगरकडे जात असलेला ट्रक मध्यरात्री अंदाजे एक वाजताच्या सुमारास तांदुळ भरून (एम.एच.40 बि.जे9604 ) वरील ठिकाणी आला असता अचानक कबीनने पेट घेतला व पाहता पाहता संपूर्ण ट्रक पेटला आणि आगीने रौद्ररूप धारण केले. या घटने दरम्यान ट्रकमधील एका इसमाने प्रसंगावधान दाखवत वेळीच ऊडी मारल्याने त्याचा जीव वाचल्याचे सांगण्यात येत आहे. तर ट्रक चालक नितीन सटवाजी  कांबळे मात्र जण जळून खाक झाला आहे.

आगीत ट्रकचे टायर जळुन खाक झाले व ट्रकचा मोठा स्फोट झाला. घटनास्थळाच्या बाजूला काही अंतरावरच महावितरणचे मोठे सबस्टेशन असून आग आटोक्यात आणल्याने पुढील अनर्थ टळला आहे. घटनास्थळी ग्रामीण पोलीस स्टेशनचे कर्मचारी यांनी तात्काळ अग्निशामक दलाच्या मदतीने आग आटोक्यात आणली आहे. तर ग्रामीण पोलीस स्टेशनचे पोलिस निरीक्षक अशोक घोरबांड यांच्या व नातेवाईकांच्या उपस्थितीत पंचा समक्ष सकाळी ट्रक मधील मृतदेह बाहेर काढून शवविच्छेदनसाठी शासकीय रुग्णालयात पाठवला आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha