- जगबुडी पूल- 1943
- वाशिष्टी पूल- 1943
- आरवली पूल- 1932
- शास्त्री पूल- 1939
- सोनवी पूल- 1939
- सप्तलिंगी पूल- 1979
- बाव पूल- 1925
- अंजनारी पूल- 1931
- वाकेड पूल- 1931
- राजापूर पूल- 1944
- खारेपाटण पूल- 1946
- पिआली पूल- 1941
- बेळणा पूल- 1961
- जानवली पूल- 1934
- गड पूल- 1934
- कसाल पूल- 1934
- पिठढवळ पूल- 1957
- बांबर्डे पूल- 1938
- भंगसाळ पूल- 1968
- बांदा पूल- 1958
मुंबई- गोवा महामार्गावरील 21 पैकी 15 पूल ब्रिटीशकालीन
एबीपी माझा वेब टीम | 03 Aug 2016 10:46 AM (IST)
मुंबई/रत्नागिरी : रायगडमधल्या सावित्री नदीला आलेल्या पुरामुळे महाड-पोलादपूर दरम्यानचा एक ब्रिटीशकालीन पूल काल रात्री साडेअकराच्या सुमारास वाहून गेला. या दुर्घटनेत पुलावरुन जाणाऱ्या २ एसटी बसेससह ७ ते ८ वाहनंही वाहून गेली. त्यामुळे या दुर्घटनेत २० ते २५ जण बेपत्ता झाल्याची भीती वर्तवली जात आहे. वाहनांमध्ये राजापूर-बोरीवली आणि जयगड-मुंबई या दोन एसटी बसेसचा समावेश आहे. ब्रिटीशांनी बांधलेला हा पूल सुमारे शंभर वर्षांपूर्वीचा जुना होता. हा पूल वापरण्यास असुरक्षीत आहे, असं पत्र दोन वर्षांपूर्वीच ब्रिटीशांनी पाठवल्याचा दावा काँग्रेस खासदार हुसेन दलवाई यांनी केला आहे. दुसरीकडे मुंबई- गोवा महामार्गावरील सर्व पुलांचं ऑडिट करण्याची घोषणा राज्याचे सार्वजनिक बांधकाममंत्री एकनाथ शिंदे यांनी केली आहे. या महामार्गावर एकूण 21 पूल आहेत, त्यापैकी 15 पूल हे ब्रिटिशकालीन आहेत. मुंबई- गोवा महामार्गावरील पूल