भाजपने फसवले असल्याचे गोटे यांचे म्हणणे आहे. त्यामुळे त्यांनी नव्या पक्षाची घोषणा केली आहे. येत्या 9 डिसेंबर रोजी धुळे महापालिकेची निवडणूक होणार आहे. धुळे महापालिकेच्या निवडणुकीवरुन गोटे यांचा भाजप नेते व मंत्री सुभाष भामरे यांच्याशी वाद सुरु आहे. त्यामुळे गोटे यांनी राजीनामा देणार असल्याचे जाहीर केले होते.
त्यानंतर गोटे यांनी मुख्यमंत्री देवेंद्र फडणवीस यांची भेट घेतली होती. या भेटीत मुख्यमंत्र्यांनी गोटे यांची नाराजी दूर करण्याचा प्रयत्न केला. या भेटीनंतर फडणवीस यांनी अनिल गोटे राजीनामा देणार नाहीत, असे सांगितले.
तसेच भारतीय जनता पक्ष धुळे महापालिकेची निवडणूक अनिल गोटे यांच्या नेतृत्वाखाली लढवणार असल्याचे मुख्यमंत्र्यांनी सांगितले. परंतु मुख्यमंत्री फडणवीस अनिल गोटे यांची नाराजी दूर करु शकले नाहीत. त्यामुळे अखेर गोटे यांनी राजीनामा देत नव्या पक्षाची घोषणा केली आहे.