सोलापुरातील अमन चौकात पदयात्रा सुरु असताना हा हल्ला करण्यात आला. कार्यकर्त्यांच्या बाचाबाचीत काही पोलिस कर्मचारीही जखमी झाल्याची माहिती आहे. उपचारासाठी जखमींना जिल्हा शासकीय रुग्णालयात दाखल करण्यात आलं आहे.
एमआयएमच्या रॅलीमध्ये प्रचंड गर्दी होती. तसंच एमआयएमचा उमेदवार आणि राष्ट्रवादीचा उमेदवार यांच्यात एका प्रभागातून अटीतटीची लढत होणार आहे. त्यामुळे एमआयएमच्या रॅलीला मिळालेला प्रतिसाद पाहून राष्ट्रवादीच्या कार्यकर्त्यांनी हल्ला केला, असा आरोप एमआयएमने केला आहे.