पाच वर्षीय पीडित मुलगी दुपारी 1 वाजता घराबाहेर खेळायला गेली होती. घरी आल्यानंतर ती मुलगी चक्कर येऊन खाली पडली. तिची अवस्था पाहुन तिच्या पालकांनी तिला श्रीरामपुर येथील कामगार रुग्णालयात नेले. परंतु उपचारापुर्वीच तिचा मृत्यु झाल्याचे तेथील डॉक्टरांनी सांगितले. मुलीच्या शरीरावर जखमा असून अधिक वैद्यकीय तपासानंतर मुलीवर शारीरिक अत्याचार झाल्याचे डॉक्टरांनी सांगितले.
अत्याचार करणाऱ्या नराधामाला फाशी द्यावी, अशी मागणी पीडित मुलीच्या वडीलांनी केली आहे. दरम्यान अत्याचार करणाऱ्या नराधामाला अटक करण्याची मागणी मुलीचे नातेवाईक आणि ग्रामस्थांनी केली आहे. आरोपीला अटक होत नाही तोपर्यंत मृतदेह ताब्यात घेणार नाही, असा पावित्रा मुलीच्या नातेवाईकांनी घेतला आहे.