एकट्या शेवगाव तालुक्यात लोकसंख्येपेक्षा चार पट आधार कार्डची नोंद झाल्याने खळबळ उडाली आहे. युआयडीच्या संकेतस्थळावर ही माहिती उपलब्ध आहे.
2011 च्या जनगणनेनुसार शेवगावची लोकसंख्या 2 लाख 45 हजार 674 आहे. मात्र 9 लाख 97 हजार 446 आधार कार्डची नोंदणी झाली आहे. म्हणजेच लोकसंख्येच्या तुलनेत तब्बल 7 लाख 51 हजार 772 जास्त आधार कार्डची नोंद झाली आहे.
केंद्र सरकारानं सर्व योजनांसाठी आधार कार्ड सक्तीचं केलं आहे. त्याचबरोबर ई-पेमेंटसाठी आधार कार्डचं लिंक करण्याचं आवाहन केलं आहे. मात्र लोकसंख्येपेक्षा जास्त नोंदणी झाल्याने आधारच्या सुरक्षेवरच प्रश्नचिन्ह निर्माण झालं आहे.