टीम इंडियानं पहिल्यांदा 50 षटकांत आठ विकेट्स गमावत 288 धावांची मजल मारली होती. श्रेयस अय्यर आणि रिषभ पंतच्या अर्धशतकांच्या जोरावर टीम इंडियानं एक आव्हानात्मक धावसंख्या उभारली होती. दोघांनी चौथ्या विकेटसाठी श्रेयस अय्यर आणि ऋषभ पंत या दोघांनी 144 भागीदारी केली होती. ऋषभ पंत या सामन्यात 69 चेंडूत 71 धावांची खेळी करुन माघारी परतला होती तर श्रेयसने 88 चेंडूत 70 धावा केल्या होत्या. हे दोन्ही फलंदाज माघारी परतल्यानंतर भारताच्या तळातल्या फळीतील फलंदाजांनी संघाला 288 धावांचा टप्पा गाठून दिला होता. वेस्ट इंडिजकडून शेल्डन कॉटरेल, किमो पॉल आणि अल्झारी जोसेफ यांनी प्रत्येकी 2-2 तर कायरन पोलार्ड यांनी एक विकेट घेतली होती.
289 धावांचे लक्ष्य घेऊन मैदानात उतरलेल्या विंडीज संघाला सुरुवातीला सुनील अंब्रोसच्या रुपाने लवकर धक्का बसला. मात्र यानंतर आलेल्या हेटमायरनं सलामीच्या शाय होपसह विडीजला विजयपथाकडे नेले. हेटमायर बाद झाल्यानंतर शाय होपने आपले शतक पूर्ण केले. त्याने निकोलस पूरन (29) च्या साथीने संघाच्या विजयावर शिक्कामोर्तब केले. 48 व्या षटकातच विंडीज फलंदाजांनी संघाच्या विजयावर शिक्कामोर्तब केलं. भारताकडून दीपक चहर आणि मोहम्मद शमीने 1-1 बळी घेतला.