Russia-Ukraine War : युक्रेनमधील (Ukraine War) युद्धात अडकलेल्या 21 वर्षीय भारतीय विद्यार्थ्याचा रशियाच्या गोळीबारात मृत्यू झाला आहे. नवीन एसजी असे या विद्यार्थ्याचे नाव असून तो कर्नाटकचा रहिवासी होता. रशिया-युक्रेन युद्धात हजारो भारतीय विद्यार्थी युक्रेनमध्ये अडकले आहेत. दोन दिवसांपूर्वी नवीन त्याच्या वडिलांशी व्हिडिओ कॉलवर बोलला होता, ज्याचा व्हिडिओ आता समोर आला आहे.
युक्रेनमध्ये अडकलेल्या मुलाला वडिलांनी दिला 'हा' सल्ला
समोर आलेल्या व्हिडिओमध्ये नवीन त्याच्या वडिलांशी बोलताना दिसत आहे. या विद्यार्थ्याचे कुटुंबीयांशी दोन दिवसांपूर्वी व्हिडिओ कॉलवर बोलणे झाले होते, नवीन जेवण आणण्यासाठी बाहेर गेला होता, त्यावेळी झालेल्या हवाई हल्ल्यात त्याचा मृत्यू झाला. याला कर्नाटक आपत्ती व्यवस्थापन विभागाने देखील दुजोरा दिला आहे. वृत्तानुसार, खार्किवच्या सेंट्रल स्क्वेअरवरील प्रशासकीय इमारतीवर रशियाने हल्ला केला. या हल्ल्यात नवीनचा मृत्यू झाल्याचे समजते. संवादादरम्यान नवीनच्या वडिलांनी मुलाला स्वतःची काळजी व एकत्र राहण्यास सांगितले. त्यावेळी त्याला आणण्यासाठी भारतीय दूतावासाकडून प्रयत्न सुरू असल्याचे त्यांनी मुलाला सांगितले होते. नवीनच्या मृत्यूची माहिती परराष्ट्र मंत्रालयाने ट्विट करून दिली.
परराष्ट्र मंत्रालयाची माहिती
परराष्ट्र मंत्रालयाने म्हटले आहे की, “आज सकाळी खार्किवमध्ये झालेल्या गोळीबारात एका भारतीय विद्यार्थ्याचा मृत्यू झाल्याची बातमी आम्ही अत्यंत दुःखाने सांगत आहोत. मंत्रालय त्यांच्या कुटुंबाच्या संपर्कात आहे. आम्ही कुटुंबाप्रती मनापासून संवेदना व्यक्त करतो. नवीन हा युक्रेनमध्ये एमबीबीएसचे शिक्षण घेत होता आणि तो चौथ्या वर्षात शिकत होता. नवीन हा कर्नाटकातील चालगेरी येथील रहिवासी होता. परराष्ट्र मंत्रालयाने विद्यार्थ्याच्या मृत्यूबद्दल शोक व्यक्त केला आहे.
युक्रेनच्या महिलेने नवीनच्या समन्वयकाला सांगितली माहिती
युक्रेनमध्ये रशियन क्षेपणास्त्र हल्ल्यात नवीनचा मृत्यू झाला. नवीनच्या समन्वयक पूजा प्रहराज यांनी एबीपी न्यूजला माहिती दिलीय. तिने सांगितले की, नवीनचा मित्र त्याच्याकडे पैसे घेण्यासाठी आला होता, तेव्हा युक्रेनमधील एका महिलेला नवीनच्या मित्राचा फोन आला. भाषा न समजल्यामुळे नवीनच्या मित्राने पूजाला युक्रेनियन महिलेशी बोलायला लावले. युक्रेनच्या महिलेने माहिती दिली की, रशियन हल्ल्यात भारतीय मुलाचा मृत्यू झाला आहे आणि रुग्णवाहिका त्याचा मृतदेह घेऊन जात आहे. त्याने पूजाला सांगितले की ती नवीनच्या फोनवरच बोलत आहे.
संबंधित बातम्या
Russia Ukraine War: रशियन बॉम्ब हल्ल्यात युक्रेनमध्ये एका भारतीय विद्यार्थ्याचा मृत्यू; परराष्ट्र मंत्रालयाची माहिती
Russia Ukraine War: खाद्यपदार्थ आणण्यासाठी घराबाहेर पडला अन् घात झाला.... रशियन बॉम्बहल्ल्यात भारतीय विद्यार्थ्याचा मृत्यू