श्रीनगर : जम्मू काश्मीरच्या बांदीपुरामध्ये चार दहशतवाद्यांना कंठस्नान घालण्यात आलं. आज पहाटे 4 वाजता या दहशतवाद्यांनी सीआरपीएफ कॅम्पवर हल्ला चढवला होता. हा हल्ला परतवून लावत चारही दहशतवाद्यांचा खात्मा करण्यात जवानांना यश आलं आहे.


पाकिस्तानकडून होणाऱ्या दहशतवादी कारवाया काही केल्या थांबताना दिसत नाहीत. आज पहाटे 4 वाजण्याच्या सुमारास सीआरपीएफ कॅम्पवर हल्ला केला. प्रत्युत्तरादाखल जवानांनी केलेल्या कारवाईत हल्लेखोर चारही दहशतवाद्यांचा खात्मा करण्यात आला आहे.

दरम्यान हा हल्ला आत्मघाती असल्याचं स्पष्ट करण्यात आलं आहे. आणखी काही दहशतवादी या परिसरात लपल्याची शक्यताही वर्तवली जात आहे. तसंच परिसरात सर्च ऑपरेशनही सुरु आहे.