सुषमा यांना सोमवार सकाळपासून छातीत दुखत होतं. तब्येत अधिक बिघडल्यामुळे संध्याकाळी 5 वाजता त्यांना रुग्णालयात दाखल करण्यात आलं. रात्री 10 वाजता त्यांना कार्डिओ न्युरो सेंटरमध्ये हलवण्यात आलं. आरोग्यमंत्री जे पी नड्डा यांनी रुग्णालयात जाऊन स्वराज यांची विचारपूस केली.
सध्या सुषमा स्वराज यांची प्रकृती स्थिर असल्याची माहिती डॉक्टरांनी दिली आहे, तसेच चिंतेचं कारण नसल्याचंही त्यांनी सांगितलं आहे.
स्वराज यांच्या काही चाचण्या पूर्ण झाल्या असून मंगळवारी अहवालानंतर अधिक माहिती मिळेल, असं एम्सचे प्रवक्ते अमित गुप्ता यांनी सांगितलं.