सुरत : गुजरातमधील सुरतमध्ये बनावट नोटांचं रॅकेट पकडण्यात आले आहे. सुरतमधील डिंडोली परिसरात बनावट नोटा छापण्याचा व्यवसाय सुरु होता. धक्कादायक म्हणजे, 70 ते 80 लाखांचं कर्ज फेडण्यासाठी बनावट नोटा छापल्या जात होत्या. 100 रुपये, 500 रुपये आणि 2 हजार रुपयांच्या नोटांची छपाई डिंडोली परिसरात केली जात होती. एकूण 40 लाख 73 हजार रुपयांच्या बनावट नोटा जप्त करण्यात आल्या असून, 4 आरोपींनाही पकडण्यात आले आहे. किती नोटा जप्त?
  • 500 रुपयाच्या 1 हजार 906 बनावट नोटा
  • 2 हजार रुपयांच्या 2 हजार 679 बनावट नोटा
दरम्यान, पोलिसांनी पकडलेल्या आरोपींच्या घरातूनही बनावट नोटा जप्त करण्यात आल्या. 100, 500 आणि 2 हजार रुपयांच्या एकूण 2 हजार 236 बनावट नोटा घरातून जप्त केल्या.