Seema Haider : पाकिस्तानची सीमा हैदर (Seema Haider) आणि भारताचा सचिन मीना (Sachin Meena) यांची प्रेमकहाणी सध्या चर्चेत आहे. मात्र, सीमा हैदरवर आता पाकिस्तानी गुप्तहेर असल्याचा आरोप होत आहे. दरम्यान, दीड महिना राहून पोलिसांना चकमा देणाऱ्या सीमा हैदरबाबत अनेक महत्त्वाची माहिती उघड झाली आहे.


टाईम्स नाव नवभारतच्या वृत्तानुसार, सचिननेच सीमाला भाड्याने घर मिळवून दिले. या दरम्यान त्याने घरमालकाला सांगितले होते की, त्याने आणि सीमाने कोर्ट मॅरेज केले आहे. तसेच सीमा ही बुलंद शहराची रहिवासी आहे. या दरम्यान मिळालेल्या माहितीनुसार, सीमा हैदर तिच्या चार मुलांसह 2500 रुपयांच्या 12/10 च्या खोलीत राहत होती.


भाड्याच्या खोलीत आपली ओळख लपवत होती सीमा


या संदर्भात घरमालकाने दिलेल्या माहितीनुसार, सीमा हैदर 13 मे ते 1 जुलै या कालावधीत सचिनच्या घराजवळील भाड्याच्या खोलीत राहात होती आणि आपली ओळख लपवत होती. घरमालकाने पुढे असेही सांगितले की, एकदा तिचे आणि सचिनचे भांडण झाले होते. यानंतर सचिनने सीमाला मारहाणही केली होती.


चौकशीत सचिनला मारहाण करण्याचे कारण पोलिसांनी विचारले असता, त्याने दिलेल्या माहितीनुसार, सीमा हैदर ही बिडी ओढायची. याबरोबरच सीमा कोणाशीही जास्त बोलत नसल्याचंही त्याने सांगितलं. तसेच, ईदच्या दिवशीही तिने मांसाहार केला नसल्याचं सचिनने सांगितलं.


मिळालेल्या माहितीनुसार, भाड्याचे घर सोडताना सीमाने सांगितले होते की, तिच्या भावाची तब्येत बिघडली आहे, त्यामुळे ती त्याला भेटायला जात आहे. निघताना तिने तिच्याबरोबर फक्त 2-3 कपडे घेतले होते. त्यानंतर ती परत आलीच नाही. 


यूपी एटीएसकडून सीमा हैदरची चौकशी 


यूपी एटीएसने सीमा हैदर आणि सचिन मीना यांची मंगळवारी (18 जुलै) अनेक तास चौकशी केली. याशिवाय सोमवारी (17 जुलै) दोघांचीही एटीएसने सुमारे 8 तास चौकशी केली. 


महत्त्वाच्या बातम्या :


Dengue Alert : डासांपासून दिल्ली सरकार सतर्क! शाळांमध्ये प्रतिबंधात्मक उपायांची काटेकोर अंमलबजावणी करण्याच्या सूचना, मुलांसाठी 'हे' नियम आवश्यक