Petrol Diesel Rate Today 10 August 2022 : एकीकडे संपूर्ण जगावर मंदीचे काळ ढग पसरले आहेत, तर दुसरीकडे अनेक देशांवर आर्थिक संकट कोसळलंय. यामध्ये भारताशेजारील देशांचा समावेश आहे. सध्या आंतरराष्ट्रीय बाजारात कच्च्या तेलाच्या किमतींमध्येही मोठी घट पाहायला मिळत आहे. तरीदेखील देशातील पेट्रोल-डिझेलचे दर मात्र स्थिर आहेत. भारतीय तेल कंपन्यांनी जारी केलेल्या नव्या दरांनुसार, आज देशातील पेट्रोल-डिझेलचे दर (Petrol Diesel Rate) स्थिर आहेत. महाराष्ट्र वगळता देशातील इतर राज्यांत तब्बल 80 दिवसांपासून पेट्रोल (Petrol) -डिझेलचे (Diesel) दर स्थिर आहेत.
आंतरराष्ट्रीय बाजारात कच्च्या तेलाच्या किमतींमध्ये मोठी घट झाल्याचं पाहायला मिळत आहे. आंतरराष्ट्रीय बाजारात कच्चं तेल 95 डॉलर प्रति बॅरलपेक्षा स्वस्त झालं आहे. अशातच भारतातील पेट्रोल-डिझेलच्या दरांवर याचा काहीही परिणाम झालेला नाही. आज दर स्थिर असून कोणतीही वाढ अथवा घट झालेली नाही.
कच्च्या तेलाचे दर काय?
जर आपण आंतरराष्ट्रीय बाजारात कच्च्या तेलाच्या किंमतींवर नजर टाकली तर WTI क्रूडची किंमत प्रति बॅरल 90.41 डॉलर आणि ब्रेंट क्रूडची किंमत प्रति बॅरल 96.31 डॉलरपर्यंत खाली आली आहे.
राज्यात सत्तापालट झाल्यानंतर नवनिर्वाचित शिंदे-फडणवीस सरकारनं 14 जुलै रोजी पेट्रोल आणि डिझेलच्या दरांमध्ये अनुक्रमे 5 रुपये आणि 3 रुपयांची कपात केली होती. तेव्हापासून राज्यातही पेट्रोल डिझेलचे दर स्थिर आहेत. तर केंद्र सरकारनंही 21 मे रोजी पेट्रोल-डिझेलवरील उत्पादन शुल्कात कापत केली होती. तेव्हापासून देशात पेट्रोल 9.50 रुपये आणि डिझेल 7 रुपये प्रति लिटरनं स्वस्त झालं आहे.
इंडियन ऑइल कॉर्पोरेशन (IOCL) च्या अधिकृत वेबसाइट iocl.com नं जारी केलेल्या दरांनुसार, आज देशातील पेट्रोल-डिझेलच्या किमतींमध्ये कोणतीही वाढ अथवा घट केलेली नाही. नव्या पेट्रोल-डिझेलच्या दरांनुसार, आजही देशातील पेट्रोल-डिझेलच्या किमती स्थिर आहेत. देशाची आर्थिक राजधानी असणाऱ्या मुंबईत पेट्रोल 106.31 रुपये प्रति लिटर आणि डिझेल 94.27 रुपये प्रति लिटर दरानं विकलं जात आहे. तर देशातील राजधानीचं शहर असणाऱ्या दिल्लीत पेट्रोल 96.72 रुपये प्रति लिटर आणि डिझेल 89.62 रुपये प्रति लिटर दरानं विकलं जात आहे.
महाराष्ट्रातील इतर शहरांतील पेट्रोल-डिझेलचे दर
| शहर | पेट्रोलच्या किमती | डिझेलच्या किमती |
| मुंबई | 106.25 | 94.22 |
| पुणे | 105 | 92 |
| नागपूर | 106.03 | 92.58 |
| नाशिक | 106.74 | 93.23 |
| हिंगोली | 107.29 | 93.80 |
| परभणी | 108.92 | 95.30 |
| धुळे | 106.05 | 92.58 |
| नांदेड | 108.24 | 94.71 |
| रायगड | 105.96 | 92.47 |
| अकोला | 106.05 | 92.55 |
| वर्धा | 106.56 | 93.10 |
| नंदुरबार | 106.99 | 93.45 |
| वाशिम | 106. 37 | 93.37 |
| चंद्रपूर | 106.14 | 92.70 |
| सांगली | 105.96 | 92.54 |
| जालना | 107.76 | 94.22 |
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).