Petrol Price Today, Diesel Rate Latest Updates 23th August, 2021 : देशात पेट्रोल-डिझेलच्या किंमतींनी सध्या ऐतिहासिक उंची गाठली आहे. अशातच देशातील अनेक महत्त्वाच्या शहरांत पेट्रोलनं शंभरी गाठली आहे. तर डिझेल शंभरीच्या उंबरठ्यावर आहे. आज तेलकंपन्यांनी पेट्रोल-डिझेलचे नवे दर जारी केले आहेत. इंडियन ऑईलच्या वेबसाईटवरुन देण्यात आलेल्या माहितीनुसार, आज पेट्रोल-डिझेलच्या दरांत कोणतीही वाढ करण्यात आलेली नाही. दरम्यान, रविवारी पेट्रोल आणि डिझेलच्या दरांत घट करण्यात आली होती.
रविवारी डिझेल आणि पेट्रोलच्या किमतींमध्ये 20 पैशांपर्यंत घट करण्यात आली होती. परंतु, सोमवारी मात्र या दरांत कोणताही बदल करण्यात आलेला नाही. यापूर्वी शनिवारीही पेट्रोल-डिझेलच्या किमतींमध्ये कोणताही बदल करण्यात आला नव्हता. पण त्यापूर्वी डिझेलच्या दरांत सलग तीन दिवस घट करण्यात आली होती. महत्त्वाची गोष्ट म्हणजे, रविवारी तब्बल महिन्याभरानंतर पेट्रोलच्या किमतींमध्ये घट करण्यात आली होती. यापूर्वी पेट्रोलच्या किमतींमध्ये 18 जुलै रोजी बदल करण्यात आले होते.
इंधनांच्या आजच्या नव्या दरांनुसार, देशाची आर्थिक राजधानी मुंबईत पेट्रोलची किंमत 107. 66 रुपये प्रति लिटर आहे, तर डिझेलची किंमत 96.64 रुपये प्रति लिटर आहे. तर देशाच्या राजधानीत पेट्रोलची किंमत 101.64 रुपये प्रति लिटर, तर डिझेलची किंमत 89.07 रुपये प्रति लिटर आहे.
देशाच्या प्रमुख शहरांतील पेट्रोल-डिझेलच्या किमती :
| शहरं | पेट्रोलची किंमत | डिझेलची किंमत |
| दिल्ली | 101.64 | 89.07 |
| मुंबई | 107.66 | 96.64 |
| चेन्नई | 99.32 | 93.66 |
| कोलकाता | 101.93 | 92.13 |
| बंगळुरु | 105.13 | 94.49 |
| जयपूर | 108.56 | 98.22 |
| चंदीगड | 97.80 | 88.77 |
| लखनौ | 98.70 | 89.45 |
| हैदराबाद | 105.69 | 97.15 |
जुलै महिन्यातील वाढ
जुलै महिन्यात आतापर्यंत पेट्रोलच्या किमती 9 वेळा आणि डिझेलच्या किमतींमध्ये 5 वेळा वाढ झाली आहे. तसेच जुलै महिन्यात एका दिवशी डिझेलच्या किमतीत काही प्रमाणात घट झाल्याचं पाहायला मिळालं होतं. यापूर्वी मे आणि जून महिन्यात इंधनाच्या किमतींमध्ये 16-16 वेळा वाढ झाली होती. 4 मेनंतर आतापर्यंत राजधानी दिल्लीमध्ये पेट्रोलचे दर 11.44 रुपये प्रति लिटर आणि डिझेलचे दर 09.14 रुपये प्रति लिटर महाग झालं आहे.
पेट्रोल आणि डिझेलचे दर कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर सोप्या पद्धतीने पाहता येतील.
पेट्रोल आणि डिझेलच्या किंमती एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).