Petrol-Diesel Price Today 18 July 2022 in Mumbai : भारतीय तेल कंपन्यांनी पेट्रोल-डिझेलचे (Petrol-Diesel) आजचे दर जाहीर केले आहेत. आजही देशातील पेट्रोल-डिझेलच्या किमतींमध्ये कोणताही बदल करण्यात आलेला नाही. आंतरराष्ट्रीय बाजारात कच्च्या तेलाच्या किमतींमध्ये सातत्यानं चढ-उतार होत असल्याचं पाहायला मिळत आहे. पण तरिही तब्बल दोन महिन्यांपासून अधिक काळ देशातील पेट्रोल-डिझेलचे दर स्थिर आहेत. अशातच महाराष्ट्र सरकारनं पेट्रोल-डिझेलवरील दरांत कपात करत सर्वसामान्यांना दिलासा दिला आहे. राज्य सरकारनं पेट्रोलवर 5 रुपये तर डिझेलवर 3 रुपयांची कपात केली आहे. राज्य सरकारनं केलेल्या दरकपातीनंतर देशाच्या आर्थिक राजधानीचं शहर असणाऱ्या मुंबईतही (Mumbai) पेट्रोल-डिझेलच्या दरांत कपात झाल्याचं पाहायला मिळालं आहे.
मुंबईतील (Mumbai) पेट्रोल-डिझेलचे (Petrol-Diesel) आजचे दर काय?
- पेट्रोलचे दर : 106.31 रुपये प्रति लिटर
- डिझेलचे दर : 94.27 रुपये प्रति लिटर
कच्च्या तेलाचे दर काय?
आंतरराष्ट्रीय बाजारात कच्च्या तेलाच्या किमती 100 डॉलरच्या खाली आल्या आहेत. याव्यतिरिक्त WTI Crude आणि ब्रेंट क्रूड दोघांच्या किमतींमध्ये आज मोठी घसरण पाहायला मिळाली. कच्च्या तेलाच्या किमतींमधील पडझडीटा परिणाम देशांतर्गत बाजारातही पाहायला मिळू शकतो. लवकरच भारतील तेल कंपन्याही पेट्रोल-डिझेलच्या किमतींमध्ये कपात करु शकतात.
आंतरराष्ट्रीय बाजारात डब्ल्यूटीआय क्रूडच्या किमती 0.74 टक्क्यांनी घसरताना दिसत आहेत, त्यानंतर ते 96.87 डॉलर प्रति बॅरलवर आहे. याशिवाय ब्रेंट क्रूडच्या किमतीत 0.35 टक्क्यांची घसरण झाली आहे.
देशातील इतर महानगरांतील दर काय?
महाराष्ट्र वगळता देशातील इतर राज्यांत पेट्रोल-डिझेलचे दर मात्र स्थिर आहेत. देशाच्या राजधानीचं शहर असणाऱ्या दिल्लीत पेट्रोल-डिझेलचे दर स्थिर आहेत. राजधानी असलेल्या दिल्लीत 1 लिटर पेट्रोलची किंमत 96.72 रुपये आणि 1 लिटर डिझेलची किंमत 89.62 रुपये आहे. चेन्नईमध्ये पेट्रोलचे दर 102.63 रुपये तर, डिझेलचा दर 94.24, कोलकातामध्ये पेट्रोलचा दर 106.03 रुपये आणि डिझेलचा दर 92.76 रुपये प्रति लिटर आहे.
महाराष्ट्रातील इतर शहरांतील पेट्रोल-डिझेलचे दर
| शहर | पेट्रोलच्या किमती | डिझेलच्या किमती |
| मुंबई | 106.25 | 94.22 |
| पुणे | 105 | 92 |
| नागपूर | 106.03 | 92.58 |
| नाशिक | 106.74 | 93.23 |
| हिंगोली | 107.29 | 93.80 |
| परभणी | 108.92 | 95.30 |
| धुळे | 106.05 | 92.58 |
| नांदेड | 108.24 | 94.71 |
| रायगड | 105.96 | 92.47 |
| अकोला | 106.05 | 92.55 |
| वर्धा | 106.56 | 93.10 |
| नंदुरबार | 106.99 | 93.45 |
| वाशिम | 106. 37 | 93.37 |
| चंद्रपूर | 106.14 | 92.70 |
| सांगली | 105.96 | 92.54 |
| जालना | 107.76 | 94.22 |
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).