Petrol-Diesel Price on 18th April : देशांतर्गत बाजारपेठेतील तेल विपणन कंपन्यांनी (Oil marketing companies) आज सलग तेराव्या दिवशी पेट्रोल-डिझेलच्या (Petrol-Diesel prices) दरांत कोणताही बदल करण्यात आलेला नाही. ग्लोबल मार्केटमध्ये कच्च तेल महागलं असून ब्रेंट क्रूड सध्या जवळपास 111.70 डॉलर प्रति बॅरल झालं आहे. देशात 6 एप्रिलपासून पेट्रोल-डिझेलच्या किमतींमध्ये कोणतीही वाढ झालेली नाही.
भारतीय तेल कंपन्यांनी 6 एप्रिलपासून पेट्रोल (Petrol) आणि डिझेल (Diesel) च्या दरांत कोणतीही दरवाढ केलेली नाही. पेट्रोलियम मार्केटिंग कंपनी इंडियन ऑइल कॉर्पोरेशन (IOCL) ने जारी केलेल्या नव्या दरांनुसार, देशाच्या आर्थिक राजधानीचं शहर असणाऱ्या मुंबईत पेट्रोलचे दर सध्या 120.51 रुपये प्रति लिटरवर स्थिर आहेत. तर डिझेल 104.77 रुपये प्रति लिटरवर स्थिर आहेत.
सर्वात शेवटी देशात 6 एप्रिल रोजी देशात पेट्रोल-डिझेलच्या किमती बदलल्या होत्या. 6 एप्रिल रोजी देशाची राजधानी दिल्लीमध्ये पेट्रोल आणि डिझेलच्या किमती 80 पैशांनी वाढल्या होत्या. पण सध्या जागतिक बाजारपेठेत क्रूड ऑईलच्या किमतींमध्ये वाढ झाली आहे. तरिसुद्धा देशातील पेट्रोल-डिझेलच्या किमती स्थिर आहेत. काही दिवसांपूर्वी देशात पाच राज्यांच्या निवडणुकांमुळे बरेच महिने पेट्रोल-डिझेलच्या किमती स्थिर होत्या. परंतु, 22 मार्चपासून 6 एप्रिलपर्यंत देशात पेट्रोल-डिझेलच्या किमती जवळपास 10 रुपये प्रति लिटरनं वाढवण्यात आल्या आहेत.
देशात 22 मार्चनंतर सातत्यानं पेट्रोल-डिझेलच्या दरांच्या वाढीचं सत्र सुरु होतं. गेल्या 22 दिवसांत तेलाच्या किमतींमध्ये जवळपास 10 टक्क्यांहून अधिक वाढ झाली आहे. जर तुम्हीही तुमच्या गाडीची टाकी फुल करण्याचा विचार करत असाल, तर त्यापूर्वी एकदा तुमच्या शहरांतील दर जाणून घ्या.
देशातील महत्त्वाच्या शहरांचे दर काय?
| शहरं | पेट्रोलच्या किमती (प्रति लिटर) | डिझेलच्या किमती (प्रति लिटर) |
| मुंबई | 120.51 | 104.77 |
| दिल्ली | 105.41 | 96.67 |
| चेन्नई | 110.85 | 100.94 |
| कोलकाता | 115.12 | 99.83 |
| हैद्राबाद | 119.49 | 105.49 |
| कोलकाता | 115.12 | 96.83 |
| बंगळुरू | 111.09 | 94.79 |
महाराष्ट्रातील महत्त्वाच्या जिल्ह्यांतील पेट्रोल-डिझेलचे दर
| शहरं | पेट्रोलचे दर (प्रति लिटर) | डिझेलचे दर (प्रति लिटर) |
| मुंबई | 120.51 रुपये | 104.77 रुपये |
| पुणे | 120.60 रुपये | 103.28 रुपये |
| नाशिक | 120.02 रुपये | 102.73 रुपये |
| परभणी | 123.51 रुपये | 106.08 रुपये |
| औरंगाबाद | 120.63 रुपये | 103.32 रुपये |
| कोल्हापूर | 120.64 रुपये | 103.35 रुपये |
| नागपूर | 121.03 रुपये | 103.73 रुपये |
दररोज बदलतात पेट्रोल-डिझेलच्या किमती
आंतरराष्ट्रीय बाजारातील कच्च्या तेलाच्या किमतीच्या आधारे पेट्रोल आणि डिझेलची किंमत दररोज बदलली जाते. तेल विपणन कंपन्या दररोज पेट्रोल आणि डिझेलच्या किमतींचा आढावा घेऊन दर निश्चित करतात. इंडियन ऑइल, भारत पेट्रोलियम आणि हिंदुस्थान पेट्रोलियम तेल कंपन्या दररोज सकाळी वेगवेगळ्या शहरांच्या पेट्रोल आणि डिझेलच्या किमतींची माहिती अपडेट करतात.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).