Petrol Diesel Price Today 15 April 2022 : सरकारी तेल कंपन्यांनी (Oil Companies) पेट्रोल-डिझेल (Petrol-Diesel) च्या आजच्या किमती जारी केल्या आहेत. दरम्यान, शुक्रवारी इंधनाच्या किमतींमध्ये कोणताही बदल करण्यात आलेला नाही. आज देशातील पेट्रोल-डिझेलच्या किमती स्थिर आहेत. दरम्यान, आज नऊ दिवस उलटून गेले असून तेलाच्या किमतींमध्ये कोणतीही वाढ झालेली नाही. यापूर्वी 24 मार्च रोजी इंधनाच्या दरांमध्ये कोणतीही वाढ झालेली नाही. जाणून घेऊया देशातील महानगरांतील पेट्रोल-डिझेलच्या किमती काय?
भारतीय तेल कंपन्यांनी 6 एप्रिलपासून पेट्रोल (Petrol) आणि डिझेल (Diesel) च्या दरांत कोणतीही दरवाढ केलेली नाही. पेट्रोलियम मार्केटिंग कंपनी इंडियन ऑइल कॉर्पोरेशन (IOCL) ने जारी केलेल्या नव्या दरांनुसार, देशाच्या आर्थिक राजधानीचं शहर असणाऱ्या मुंबईत पेट्रोलचे दर सध्या 120.51 रुपये प्रति लिटरवर स्थिर आहेत. तर डिझेल 104.77 रुपये प्रति लिटरवर स्थिर आहेत.
देशाच्या राजधानीतील परिस्थिती काय?
देशाच्या राजधानीचं शहर असणाऱ्या दिल्लीमध्ये (Delhi) पेट्रोल-डिझेलच्या (Petrol-Diesel) किमतींमध्ये आज कोणतीही वाढ झालेली नाही. म्हणजेच, आज दिल्लीत पेट्रोल-डिझेलचे दर स्थिर आहेत. त्यानंतर शुक्रवारीही दिल्लीमध्ये पेट्रोलचे दर 105.41 रुपये प्रति लिटर, तर डिझेलचे दर 96.67 रुपये प्रति लिटरवर पोहोचले आहेत.
दरम्यान, एप्रिल महिन्यात सलग सातव्या दिवशी पेट्रोल-डिझेलच्या किमती स्थिर आहेत. यापूर्वी गेल्या बुधवारी (6 एप्रिल) रोजी पेट्रोल-डिझेल दोन्ही इंधनाच्या दरांमध्ये 80 पैसे प्रति लिटरची वाढ करण्यात आली होती. दरम्यान, 22 मार्चपासून आतापर्यंत पेट्रोल-डिझेलच्या दरांमध्ये 10 रुपये प्रति लिटरची वाढ झाली आहे. तरीही देशातील अनेक शहरांत पेट्रोलच्या किमती 120 रुपये प्रति लिटर पार पोहोचल्या आहेत. तर डिझेलनंही शंभरी ओलांडली आहे.
देशात 22 मार्चनंतर सातत्यानं पेट्रोल-डिझेलच्या दरांच्या वाढीचं सत्र सुरु होतं. गेल्या 22 दिवसांत तेलाच्या किमतींमध्ये जवळपास 10 टक्क्यांहून अधिक वाढ झाली आहे. जर तुम्हीही तुमच्या गाडीची टाकी फुल करण्याचा विचार करत असाल, तर त्यापूर्वी एकदा तुमच्या शहरांतील दर जाणून घ्या.
देशातील महत्त्वाच्या शहरांचे दर काय?
| शहरं | पेट्रोलच्या किमती (प्रति लिटर) | डिझेलच्या किमती (प्रति लिटर) |
| मुंबई | 120.51 | 104.77 |
| दिल्ली | 105.41 | 96.67 |
| चेन्नई | 110.85 | 100.94 |
| कोलकाता | 115.12 | 99.83 |
| हैद्राबाद | 119.49 | 105.49 |
| कोलकाता | 115.12 | 96.83 |
| बंगळुरू | 111.09 | 94.79 |
महाराष्ट्रातील महत्त्वाच्या जिल्ह्यांतील पेट्रोल-डिझेलचे दर
| शहरं | पेट्रोलचे दर (प्रति लिटर) | डिझेलचे दर (प्रति लिटर) |
| मुंबई | 120.51 रुपये | 104.77 रुपये |
| पुणे | 120.60 रुपये | 103.28 रुपये |
| नाशिक | 120.02 रुपये | 102.73 रुपये |
| परभणी | 123.51 रुपये | 106.08 रुपये |
| औरंगाबाद | 120.63 रुपये | 103.32 रुपये |
| कोल्हापूर | 120.64 रुपये | 103.35 रुपये |
| नागपूर | 121.03 रुपये | 103.73 रुपये |
दररोज बदलतात पेट्रोल-डिझेलच्या किमती
आंतरराष्ट्रीय बाजारातील कच्च्या तेलाच्या किमतीच्या आधारे पेट्रोल आणि डिझेलची किंमत दररोज बदलली जाते. तेल विपणन कंपन्या दररोज पेट्रोल आणि डिझेलच्या किमतींचा आढावा घेऊन दर निश्चित करतात. इंडियन ऑइल, भारत पेट्रोलियम आणि हिंदुस्थान पेट्रोलियम तेल कंपन्या दररोज सकाळी वेगवेगळ्या शहरांच्या पेट्रोल आणि डिझेलच्या किमतींची माहिती अपडेट करतात.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या इतर बातम्या :