रविवारी दुपारी 12 वाजण्याच्या सुमारात पाकिस्तनाचं हेलिकॉप्टर गुलपूर सेक्टर भारतीय हवाई हद्दीत घुसलं होतं. पाकिस्तानचं हेलिकॉप्टर भारतीय हद्दीत घुसताच भारतीय सुरक्षा यंत्रणा सतर्क झाली आणि हेलिकॉप्टरच्या दिशेने गोळीबार केला.
भारतीय जवानांनी केलेल्या गोळीबारानंतर हेलिकॉप्टरने आपला रस्ता बदलून पुन्हा पाकिस्तानात गेलं. सफेद रंगाचं हे हेलिकॉप्टर काही वेळ सीमा भागात घिरट्या घालत होतं. ज्या भागात पाकिस्तानच्या हेलिकॉप्टरने घुसखोरी केली होती, तो भाग घुसखोरीच्या बाबतीत अत्यंत संवेदनशील मानला जातो.