नवी दिल्ली : प्रजासत्ताक दिनाच्या पूर्वसंध्येला 'पद्म' पुरस्कार जाहीर झाल्यानंतर आठवड्याभराने पंतप्रधान नरेंद्र मोदींनी त्यावर भाष्य केलं आहे. दरवेळी जसा सत्तास्थानांचा सन्मान होतो, तसं न करता यावर्षी पहिल्यांदाच सामान्य मानकरींचा पद्म पुरस्कारांनी गौरव करण्यात आल्याचं पंतप्रधान म्हणाले. एनडीएतील घटकपक्षांना संबोधित करताना पंतप्रधान नरेंद्र मोदींनी पद्म पुरस्कारार्थींवर भाष्य केलं. संसदेच्या आत आणि बाहेर आपण एकीने बोलण्याची गरज असल्याचंही त्यांनी अधोरेखित केलं.

'पद्मविभूषण' देशातील शेतकऱ्यांना समर्पित : शरद पवार

राष्ट्रवादीचे अध्यक्ष शरद पवार यांना पद्मविभूषणने सन्मानित करण्यात आलं आहे. भाजपचे ज्येष्ठ नेते मुरली मनोहर जोशी आणि माजी लोकसभाध्यक्ष पीए संगमा (मरणोत्तर) यांचाही पद्मविभूषणने सन्मान करण्यात आला.

पद्म पुरस्कारांचे मानकरी ठरलेले देशातील रिअल हिरो

पद्म पुरस्कारांच्या यादीत भारतीयांसाठी रिअल हिरो असणारी अनेक नावं झळकली आहेत. यामध्ये कर्नाटकचे ब्रिजमॅन गिरीश भारद्वाज, कलारिपयट्टूत प्राविण्य मिळवणाऱ्या एकमेव महिला असलेल्या केरळच्या मीनाक्षी अम्मा, महिलांवर मोफत उपचार करणाऱ्या डॉ. भक्ती यादव, आसामी लोकगीतांचे गायक जितेंद्र हरिपाल यांचा समावेश आहे.

संबंधित बातम्या :

सुषमा स्वराजवर किडनी प्रत्यारोपण करणारे डॉक्टर पद्मचे मानकरी

महाराष्ट्रातून 'पद्मभूषण'चे मानकरी तेहम्तन उद्वाडिया

शरद पवार यांना पद्मविभूषण, कोहली, साक्षी, दीपा मलिकला पद्मश्री