On This Day In History : 7 डिसेंबर हा दिवस इतिहासात अनेक महत्वाच्या घटनांनी नोंद आहे. आजच्या दिवशी म्हणजे 7 डिसेंबर 1941 रोजी जपानी बॉम्बर्सनी हवाई येथील अमेरिकन नौदल तळ असलेल्या पर्ल हार्बरवर अचानक हल्ला केला. या हल्ल्यात सहा युद्धनौका, 112 नौका आणि 164 लढाऊ विमाने नष्ट झाली. शिवाय या हल्ल्यात 2400 हून अधिक अमेरिकन सैनिक मारले गेले. याबरोबरच आजच्या दिवशी म्हणजे 7 डिसेंबर 2001 रोजी अफगाणिस्तानातील तालिबानने कंदाहारचा त्यांचा किल्ला सोडला. त्यामुळे 61 दिवसांच्या युद्धाचा शेवट झाला.
1825 : बाष्पशक्तीवर चालणारे एंटरप्राइज हे जहाज भारतात पोहोचले
आजच्या दिवशी म्हणजे 7 डिसेंबर 1825 रोजी बाष्पशक्तीवर चालणारे एंटरप्राइज हे जहाज भारतात पोहोचले. हे जहाज प्रथम कोलकत्यामध्ये आले होते.
1941 : जपानी सैन्याने हवाई येथील अमेरिकन नौदल तळ पर्ल हार्बरवर हल्ला केला
आजच्या दिवशी म्हणजे 7 डिसेंबर 1941 रोजी जपानी बॉम्बर्सनी हवाई येथील अमेरिकन नौदल तळ असलेल्या पर्ल हार्बरवर अचानक हल्ला केला. या हल्ल्यात सहा युद्धनौका, 112 नौका आणि 164 लढाऊ विमाने नष्ट झाली. शिवाय या हल्ल्यात 2400 हून अधिक अमेरिकन सैनिक मारले गेले.
1975 : इंडोनेशियन सैन्याने पूर्व तिमोर ताब्यात घेतले.
पूर्व तिमोर हा दक्षिणपूर्व आशियातील एक देश आहे. पूर्व तिमोर 16 व्या शतकात पोर्तुगालने राज्य केले आणि पोर्तुगालने माघार घेईपर्यंत पोर्तुगीज तिमोर म्हणून ओळखले जात असे. पूर्व तिमोरने 1975 मध्ये आपले स्वातंत्र्य घोषित केले. परंतु, एका वर्षानंतर इंडोनेशियाने आक्रमण करून देशावर कब्जा केला आणि तो आपला 27 वा प्रांत म्हणून घोषित केला.
1988 : आर्मेनियाच्या वायव्य भागात झालेल्या जोरदार भूकंपामुळे अनेक शहरे उद्ध्वस्त झाली
आजच्या दिवशी म्हणजे 7 डिसेंबर 1988 रोजी आर्मेनियामध्ये 6.9 तीव्रतेचा भूकंप झाला. यामध्ये 25 हजार लोकांचा मृत्यू झाला. तर सुमारे एक लाख लोक बेघर झाले होते. स्पिटक आणि ग्युमरी शहरात भूकंपाचे धक्के जाणवले होते. या भूकंपामुळे आर्मेनियामधील अनेक शहरे उद्ध्वस्त झाली होती.
1995 : इन्सॅट 2C या संप्रेषण उपग्रहाचे प्रक्षेपण
7 डिसेंबर 1995 रोजी इन्सॅट 2C या संप्रेषण उपग्रहाचे यशस्वी प्रक्षेपण करण्यात आले.
2001 : अफगाणिस्तानातील तालिबानने कंदाहारचा त्यांचा किल्ला सोडला
7 डिसेंबर 2001 रोजी अफगाणिस्तानातील तालिबानने कंदाहारचा त्यांचा किल्ला सोडला. त्यामुळे 61 दिवसांच्या युद्धाचा शेवट झाला.
2004 : हमीद करझाई यांनी अफगाणिस्तानचे पहिले निर्वाचित राष्ट्राध्यक्ष म्हणून शपथ घेतली.
2001 मध्ये अफगाणिस्तानातील तालिबानने कंदाहारचा त्यांचा किल्ला सोडला. त्यानंतर तीन वर्षांनी म्हणजे 2004 मध्ये हमीद करझाई यांनी अफगाणिस्तानचे पहिले निर्वाचित राष्ट्राध्यक्ष म्हणून शपथ घेतली
2013 : ज्येष्ठ अभिनेते, दिग्दर्शक विनय आपटे यांचे निधन
जेष्ठ नाट्यदिग्दर्शक, निर्माते, अभिनेते आणि मराठी रंगभूमीवरील अष्टपैलू व्यक्तीमत्व विनय आपटे यांचे 7 डिसेंबर 2013 रोजी निधन झाले. 1947 साली दूरदर्शनच्या माध्यामातून त्यांनी अभिनय क्षेत्रात पदार्पण केलं आणि त्यानंतर कधीही मागे वळून पाहण्याची वेळ या कलाकारावर आली नाही. चित्रपट असो वा नाटक प्रत्येक ठिकाणी आपला वेगळा ठसा आणि वेगळी ओळख विनय आपटेंनी निर्माण केली. मराठी चित्रपटसृष्टीतील भारदस्त आवाज आणि तेवढ्याच ताकदीचा कलाकार चित्रपटसृष्टी आणि रंगभूमीने गमावलाय. त्यांच्या अभिनयाची दखल हिंदी चित्रपटसृष्टीला सुद्धा घ्यावी लागली होती. कुठे खलनायक तर कुठे चरित्र अभिनेता या भूमिका त्यांनी तेवढ्याच ताकदीने साकारल्या आणि जीवंत केल्यात. टेलिव्हिजन, चित्रपट आणि रंगभूमीवरचा चतुरस्त्र आणि वेगळ्या जातकुळीचा अभिनेता ओळखले जाणारे विनय आपटे अनेक मराठी कलाकारांचे गुरु होते.
2016 : पाकिस्तान इंटरनॅशनल एरलाईन्सचे विमान कोसळले
7 डिसेंबर 2016 रोजी पाकिस्तान इंटरनॅशनल एरलाईन्सचे पीके 661 हे विमान कोसळले. यात 47 लोकांचा मृत्यू झाला होता.