वरवंट्याने डोकं फोडून 22 वर्षीय तरुणीने पतीची हत्या केल्याचा आरोप आहे. अवघ्या आठवड्याभरापूर्वीच त्यांचा विवाह झाला होता. मंगळवारी दोघांमध्ये क्षुल्लक कारणावरुन वाद झाला. त्यानंतर तिने पतीवर वरंवट्याने हल्ला केला. त्यातच तरुणाचा मृत्यू झाला.
सुतारकाम करणारा मयत तरुण हा दिसायला रुबाबदार नसल्याचं आणि तिच्यासाठी अनुरुप नसल्याचं नातेवाईक आणि मित्रांनी तिला सांगितलं होतं. याच समजुतीतून ती काही दिवस नाराज होती, अशी माहिती पोलिसांनी दिली आहे.
पतीच्या हत्येनंतर तरुणी रडत घराबाहेर आली आणि कोणीतरी आपल्या पतीचा जीव घेतल्याचा बनाव तिने रचला. मात्र तपासात पोलिसांनी सत्य शोधून काढलं आणि तिच्यावर हत्येचा गुन्हा दाखल केला. तिची रवानगी सध्या पोलिस कोठडीत करण्यात आली आहे.