दिल्लीचे आरोग्यमंत्री सत्येंद्र जैन यांनी मॅक्स हॉस्पिटलचं लायसन्स रद्द करण्याची घोषणा केली. सत्येंद्र जैन म्हणाले, "मॅक्स हॉस्पिटलला याआधीही नोटीस जारी करण्यात आल्या आहेत. हॉस्पिटल दोषी असल्याचे आढळले आहे. हॉस्पिटल प्रशासनही दोषी आहे."
मॅक्स हॉस्पिटल हे ढिसाळ कारभारात सराईत असल्याचे दिल्ली सरकारने म्हटले आहे. शिवाय, या हॉस्पिटलमध्ये कोणताही रुग्ण भरती केला जाऊ नये, असेही दिल्ली सरकारने आदेश दिले आहेत.
जोपर्यंत डॉक्टरांना अटक केली जात नाही, तोपर्यंत चिमुकल्याच्या मृतदेहाला हात लावणार नाही, असा पवित्रा चिमुकल्याच्या वडिलांनी घेतला आहे.