India Alliance : झारखंडची (Jharkhand) राजधानी रांचीमध्ये (Ranchi) विरोधी पक्षांच्या इंडिया आघाडीची (India Alliance) 'उलगुलान न्याय रॅली' (Ulgulan Rally) आयोजित करण्यात आली आहे. यामध्ये काँग्रेस अध्यक्ष मल्लिकार्जुन खर्गे, राहुल गांधी, राष्ट्रीय जनता दलाचे अध्यक्ष लालू प्रसाद यादव, नॅशनल कॉन्फरन्सचे अध्यक्ष फारुख अब्दुल्ला, समाजवादी पक्षाचे प्रमुख अखिलेश यादव यांचा समावेश असलेल्या 14 राजकीय पक्षांचे नेते यात सहभागी होणार आहेत. या रॅलीचे नेतृत्व झारखंड मुक्ती मोर्चा (JMM) करत आहे.
रांचीच्या प्रभात तारा मैदानावर होणाऱ्या या मेगा रॅलीत दिल्लीचे मुख्यमंत्री अरविंद केजरीवाल यांच्या पत्नी सुनीता केजरीवालही उपस्थित राहणार आहेत. त्यांच्याशिवाय झारखंडचे माजी मुख्यमंत्री आणि झामुमो नेते हेमंत सोरेन यांच्या पत्नी कल्पना सोरेन याही उपस्थित राहणार आहेत. या रॅलीत केजरीवाल आणि सोरेन यांना अंमलबजावणी संचालनालयाने केलेल्या अटकेचा मुद्दा उपस्थित केला जाणार असल्याचे मानले जात आहे. ईडी सरकारसाठी काम करत असल्याचा आरोप विरोधकांनी यापूर्वीच केला आहे.
झारखंडमध्ये विरोधक 14 जागा लढवणार
लोकसभा निवडणुकीच्या पहिल्या टप्प्याचे मतदान होत असतानाच 'उलगुलान न्याय रॅली'चे आयोजन करण्यात आले आहे. या रॅलीद्वारे झारखंडमधील 14 जागांवर विरोधकही जनतेला आकर्षित करण्याचे काम करणार आहेत. रांची येथे होणाऱ्या या रॅलीआधीच, इंडिया अलायन्सने 31 मार्च रोजी राजधानी दिल्लीतील रामलीला मैदानावर अशाच प्रकारची सभा संबोधित केली आहे. या रॅलींद्वारे विरोधकही सरकारविरोधात एकजूट दाखवण्याचा प्रयत्न करत आहेत.
रॅलीच्या माध्यमातून विरोधकांची योजना काय?
झारखंडचे मुख्यमंत्री चंपाई सोरेन यांनी या रॅलीच्या माध्यमातून आदिवासी आणि आदिवासींवर सरकारकडून होत असलेल्या अत्याचारांचा पर्दाफाश केला जाईल, असे म्हटले आहे. आदिवासींना त्यांच्या जंगलातून आणि जमिनीतून हाकलून देण्याचे षडयंत्र कसे रचले जात आहे, हे जनतेला सांगितले जाईल. विरोधी पक्षांवर केंद्रीय तपास यंत्रणांनी केलेल्या कारवाईचा मुद्दाही उपस्थित केला जाईल, असे ते म्हणाले. मुख्यमंत्री म्हणाले की, आगामी काळात जनता सरकारला उत्तर देणार आहे.
अन्य कोणते नेते सामील होणार?
काँग्रेसचे प्रमुख नेते मल्लिकार्जू खर्गे आणि राहुल यांच्याशिवाय पक्षाचे राज्यस्तरीय नेते यात सहभागी होणार आहेत. या रॅलीत झारखंडचे मुख्यमंत्री चंपाई सोरेन, कल्पना सोरेन, पंजाबचे मुख्यमंत्री भगवंत मान, आम आदमी पक्षाचे राज्यसभा खासदार संजय सिंह, अखिलेश यादव, लालू यादव आदी नेते सहभागी होणार आहेत. या रॅलीत टीएमसीचे डेरेक ओब्रायन, शिवसेनेच्या (यूबीटी) प्रियांका चतुर्वेदी, सीपीआय (एमएल) मधील दिपंकर भट्टाचार्य यांच्यासह अनेक प्रमुख विरोधी नेते दिसणार आहेत.
इतर महत्वाच्या बातम्या