मुंबई : तुम्ही जर कोणत्याही शैक्षणिक संस्थेत गेस्ट लेक्चर देत असाल तर ही तुमच्यासाठी अतिशय महत्त्वाची बातमी आहे. आता येणार्‍या काळात तुम्हाला गेस्ट म्हणून गेस्ट लेक्चर्स देऊन मिळणाऱ्या कमाईवर 18 टक्के वस्तू आणि सेवा कर (जीएसटी) भरावा लागेल. पीटीआयच्या वृत्तानुसार, अॅडव्हान्स रुलिंग अथॉरिटी (एएआर) च्या कर्नाटक खंडपीठाने ही व्यवस्था केली आहे. अर्जदार साईराम गोपालकृष्ण यांनी AAR शी संपर्क साधला होता आणि विचारणा केली होती की, अतिथी व्याख्यानातून मिळणारे उत्पन्न करपात्र सेवेत येते का? आणि यानंतर आता हा महत्त्वाचा निर्णय घेण्यात आला आहे
ते सेवांच्या सूट श्रेणी अंतर्गत नाही
बातम्यांनुसार, हा आदेश पारित करताना, AAR ने सांगितले की अशा सेवा इतर व्यावसायिक, तांत्रिक आणि व्यावसायिक सेवांच्या अंतर्गत येतात आणि सेवांच्या सूट श्रेणी अंतर्गत नाहीत. अशा स्थितीत अशा सेवांवर 18 टक्के दराने जीएसटी भरावा लागेल.अथॉरिटीच्या या आदेशाचा अर्थ असा आहे की ज्या सेवा व्यावसायिकांचे उत्पन्न 20 लाख रुपयांपेक्षा जास्त आहे त्यांना गेस्ट लेक्चर्सच्या कमाईवर 18 टक्के GST भरावा लागेल.
'त्यांच्यासाठी' ट्रबल बॉक्स ठरणार
AMRG अँड असोसिएट्सचे वरिष्ठ भागीदार रजत मोहन म्हणाले की, ही व्यवस्था लाखो फ्रीलांसर, शैक्षणिक, संशोधक, प्राध्यापक आणि इतरांसाठी हा अडचणींचा 'बॉक्स' ठरेल. हे लोक ठराविक रक्कम भरल्यावर त्यांचे ज्ञान शेअर करत असतात.
संबंधित बातम्या :
बुलढाण्यातील व्यापाऱ्याने बनावट दस्तावेज तयार करून दोन कोटीचा जीएसटी चुकवला
वाहने स्वस्त होण्याची आशा! जीएसटीचे दर कमी करून सरकार दुचाकी खरेदीदारांना दिलासा देणार?
Infosys Recruitment : मोठी संधी! इन्फोसिसमध्ये होणार 55 हजार जणांची नोकर भरती, सीईओ सलील पारेख यांची माहिती
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha