हेमा मालिनी या उत्तर प्रदेशातील मथुरा मतदारसंघातील भाजप खासदार आहेत. ‘तुम्हाला संधी मिळाल्यास मुख्यमंत्री व्हायला आवडेल का?’ असा प्रश्न त्यांना राजस्थानमध्ये विचारण्यात आला होता. त्यावर बोलताना हेमा मालिनींनी हे उत्तर दिलं आहे. हेमा मालिनींना उत्तर प्रदेशच्या मुख्यमंत्रीपदाबाबत प्रश्न विचारण्यात आला होता.
‘अभिनय क्षेत्रातील कामामुळेच मला आजही ओळखलं जातं आणि मी खासदार म्हणून निवडून येण्यातही याच प्रसिद्धीचा मोठा वाटा आहे,’ असं हेमा मालिनी यांनी म्हटलं.
हेमा मालिनी यांनी आपल्या राजकारणातील प्रवासाबद्दलही भाष्य केलं. ‘खासदार होण्याआधीही मी पक्षासाठी काम केलं आहे. आता खासदार झाल्यावर मला लोकांसाठी काम करण्याची संधी मिळाली. गेल्या चार वर्षांमध्ये रस्त्यांपासून इतर अनेक बाबतींत विकासाची कामं मी केली आहेत,’ असं त्या म्हणाल्या.