Holi Festival In 2021: होळीचं नाव येताच आपल्या मनात आपोआप उत्साह संचारतो. चला तर मग याच उत्साहाने 2021 मध्ये होळी कधी आहे? याबद्दल जाणून घेऊया. पंचांगानुसार यंदा होळीचा सण 29 मार्च रोजी साजरा होणार आहे. यावेळी होळीबरोबर विशेष योगही येत आहे, ज्यामुळे या होळीचे महत्त्व वाढते.
होळीचा शुभ योग
पंचांगानुसार, फाल्गुन महिन्याच्या कृष्ण पक्षाच्या प्रतिपदाच्या तारखेला होळीचा सण सोमवारी 29 मार्चला साजरा केला जाईल. या दिवशी, ध्रुव योग निर्माण होत आहे आणि चंद्र कन्या राशीत संक्रमण करेल. इतर ग्रहांबद्दल बोलायचं झालं तर, शनि आणि गुरु मकरमध्ये विराजमान होतील. शुक्र व सूर्य मीन राशीत राहतील. दुसरीकडे, मंगळ व राहू वृषभ, बुध, कुंभ व मोक्षामुळे केतु वृश्चिक राशीत राहील.
होळी हा रंगांचा सण
होळी हा रंगांचा सण आहे. या दिवशी लोक एकमेकांना भेटून रंग लावतात. रंग म्हणजे प्रेम. ऐकमेकांच्या विषयीच्या तक्रारी विसरुन भेटण्याचाही हा सण आहे. हिंदू धर्मानुसार होळीचा सण दोन दिवस साजरा केला जातो. पहिल्या दिवशी होलिकाचे दहन केलं जातं.
होलिका दहनाचा मुहूर्त
यावर्षी 28 मार्चला रविवारी पौर्णिमेच्या तारखेला होलिकाचे दहन करण्याचा मुहूर्त आहे. होलिका दहनचा मुहूर्त 18 वाजून 37 मिनिट ते 20 वाजून 56 मिनिटांपर्यंत असेल. यानंतर सोमवारी 29 मार्चला रंगाची होळी खेळली जाईल.
होलीची पूजा
होळीची पूजा केल्यास आयुष्यात आनंद व समृद्धी येते. तसेच आजारांपासून मुक्त होते. या दिवशी भगवान विष्णूने आपला भक्त प्रल्हादाला होलिकापासून वाचवलं होतं. भगवान विष्णूच्या लीलेने स्वत: होलिका जळून भस्म झाली होती.