"सर्व टोल प्लाझांसोबत सहज व्यवहार व्हावेत, हे आमचे उद्दिष्ट आहे. सध्या आम्ही आयसीआयसीआय बँकेच्या माध्यमातून टोलपास वितरीत करत आहोत. आतापर्यंत 60 हजार टोल पास टग्स वितरीत करण्यात आले आहेत. त्यामुळे या योजनेसाठी काही बँकांसोबत ईलेक्ट्रॉनिक वॉलेटचीही मदत घेतली जाणार आहे," असं राष्ट्रीय महामार्ग प्राधिकरणाचे अध्यक्ष राघव चंद्रा यांनी सांगितलं.
देशभरातील 356 टोल प्लाझावर ईलेक्ट्रॉनिक टोल कलेक्शनची सुविधा देण्यात आली आहे. तसंच या योजनेत नव्याने सहभागी झालेल्या बँक आणि पेटीएमची प्रायोगिक तत्त्वावर नॅशनल पेमेंट कॉर्पोरेशनच्या मुख्य सर्व्हरवर चाचणी सुरु आहे. त्यामुळे पुढच्या दोन वर्षांत 50 टक्क्यांपर्यंत टोल कलेक्शन ईलेक्ट्रॉनिक माध्यमातून करण्याचं उद्दिष्ट आहे चंद्रा पुढे म्हणाले.
ईलेक्ट्रॉनिक टोल कलेक्शनसाठी आरएफआयडी चीप असलेला टॅग दिला जाणार आहे. या टॅगच्या माध्यमातून वाहनाची ओळख पटणार आहे, तसंच संबंधित वाहनधारकाच्या खात्यातून टोलची रक्कमही वजा होणार आहे.