याचवेळी ए. के. अँटोनी आणि इतर नेत्यांनी राहुल गांधींनी पक्षाची कमान हाती घेण्याचा आग्रह धरला. पक्षातील नेते, कार्यकर्त्यांची इच्छा सोनिया गांधींना कळवली जाईल आणि त्यानंतरच अंतिम निर्णय घेण्यात येईल, असंही अँटोनी यांनी सांगितले.
दरम्यान, आजच्या कार्यकारिणीत राहुल गांधींनी मोदी सरकारवर जोरदार हल्ला चढवला. मोदी सरकार सत्तेच्या नशेत आहे. जे त्यांना प्रश्न विचारतात, त्यांची मुस्कटदाबी सुरु आहे, असं म्हणत राहुल गांधींनी एनडीटीव्हीवरच्या बॅनचा मुद्दाही उचलून धरला.
तसेच, वन रँक वन पेन्शनचा मुद्दा आणि धगधगतं काश्मीर या प्रश्नावरही सरकार सपशेल फेल ठरल्याचं राहुल गांधी म्हणाले.