नवी दिल्ली: काँग्रेसच्या अध्यक्षा सोनिया गांधी यांच्या आई पाऊलो मायनो यांचे 27 ऑगस्ट रोजी निधन झालं आहे. त्या दीर्घ काळापासून आजारी होत्या. त्यांच्या निधनाची बातमी काँग्रेसचे मीडिया प्रमुख जयराम रमेश यांनी एका ट्वीटच्या माध्यमातून दिली आहे.
काँग्रेस नेते जयराम रमेश यांनी यासंबंधी एक ट्वीट केलं आहे. ते म्हणतात की, सोनिया गांधी यांच्या आई पाऊलो मायनो यांचे 27 ऑगस्ट रोजी इटलीत त्यांच्या राहत्या घरी निधन झालं. त्यांच्या दफनविधीचा कार्यक्रम मंगळवारी पार पडला.
या आधी काँग्रेसच्या वतीनं 24 ऑगस्ट रोजी माहिती देताना सांगण्यात आलं होतं की, सोनिया गांधी, राहुल गांधी आणि प्रियंका गांधी हे परदेशी दौऱ्यावर जाणार आहेत. या दरम्यान सोनिया गांधी त्यांच्या आजारी आईंची भेट घेणार असल्याचंही सांगण्यात आलं होतं.