पेट्रोलियम मंत्री धर्मेंद्र प्रधान राज्यांच्या मुख्यमंत्र्यांना पत्र लिहून पेट्रोल आणि डिझेलवरील व्हॅट कमी करण्याबाबत विचारणार करणार आहेत. ज्या राज्यांनी 25 ते 49 टक्क्यांपर्यंत व्हॅट आकारलेला आहे, अशा राज्यांना व्हॅट कमी करण्याची विनंती केली जाऊ शकते, असं सूत्रांचं म्हणणं आहे.
केंद्र सरकाकडून सध्या 21.48 रुपये प्रती लिटर एक्साईज ड्युटी आकारली जाते. यामध्ये आता दोन रुपयांची कपात केल्यानंतर हा दर 19.48 रुपयांवर आला आहे. नवे दर आज (4 ऑक्टोबर) सकाळी 6 वाजल्यापासून लागू झाले.
आंतरराष्ट्रीय बाजारात 2014 नंतर कच्च्या तेलाची किंमत सतत घसरली. मात्र सरकारने त्यावरील एक्साईज ड्युटी वाढवल्याने याचा फायदा सर्वसामान्यांना झाला नाही. पेट्रोल अनेक राज्यांमध्ये 80 रुपयांचा दर गाठला आहे. मोठ्या प्रमाणात टीका झाल्यानंतर केंद्र सरकारने 2 रुपये एक्साईज ड्युटी कमी करण्याचा निर्णय घेतला.