सिद्धूंना उपमुख्यमंत्रिपद दिलं जाईल, अशी चर्चा आहे. मात्र खुद्द मुख्यमंत्री पदाचे उमेदवार आणि पंजाबच्या विजयाचे शिल्पकार कॅप्टन अमरिंदर सिंह यांनीच या विषयावर मौन बाळगलं आहे.
अमरिंदर सिंह आणि सिद्धू दोघेही पटियालामध्येच राहतात, ही देखील सिद्धूंसाठी एक अडचण ठरु शकते, असं सांगितलं जात आहे. शिवाय अमरिंदर सिंहांच्या मंत्रिमंडळात उपमुख्यमंत्रिपद नसेल, अशीही माहिती आहे.
पंजाबमध्ये काँग्रेसने 117 जागांपैकी 77 जागांवर विजय मिळवला आहे. निवडणुकीपूर्वी सिद्धूंनी भाजपला रामराम ठोकत काँग्रेसमध्ये प्रवेश केला होता. यावेळी ते अमृतसह पूर्वमधून आमदार आहेत.