राज्यात सध्या महापालिका आणि जिल्हा परिषद निवडणुकांचं वातावरण आहे. अर्ज भरण्यासही सुरुवात झाली आहे. कुणी अर्ज भरण्यासाठी हजारोंची गर्दी घेऊन जात आहे, तर कुणी हटके स्टाईल अवलंबताना दिसतो आहे. वर्ध्यातील उमेदवाराने चक्क बैलगाडी सवारी करत अर्ज भरला आहे.
शेतकरी संघर्ष वाहिनी या संघटनेशी जुळून शेतकऱ्यांसाठी काम करणारा हा युवक आहे. नामांकन अर्ज भारण्यासाठी समुद्रपूर तहसील कार्यालय परिसरात पोहचताच, अनेक पक्षांच्या उमेदवारांचं लक्ष स्वतःकडे वेधून घेण्यास भाग पाडलं. स्वप्नील देशमुख अर्ज भरुन परतले, मात्र त्यांच्या अर्ज भरण्याच्या हटके स्टाईलमुळे वर्ध्यात अजूनही चर्चा सुरु आहे.