Taj Mahal : देशाची शान असलेल्या ताजमहालमध्ये बॉम्ब ठेवल्याची प्राथमिक माहिती समोर आली होती. मात्र ही अफवा असल्याचं आग्र्याच्या पोलीस महानिरीक्षकांनी स्पष्ट केलं. बॉम्ब असल्याची माहिती मिळताच पर्यटकांना बाहेर काढण्यात आलं होतं. त्यानंतर ताजमहाल परिसरात जाण्याचे मार्ग बंद करण्यात आले होते. अज्ञात व्यक्तीने फोन करुन ताजमहालमध्ये स्फोटकं ठेवल्याची माहिती दिली होती. त्यानंतर पोलिसांनी तातडीने घटनास्थळी धाव घेतली. मात्र ही निव्वळ अफवा असल्याचं समोर आलं आहे.
मात्र ताजमहालमध्ये स्फोटकं ठेवल्याची माहिती खोटी असल्याची माहिती आग्र्याचे पोलीस महानिरीक्षक ए सतीश गणेश यांनी दिली. फिरोजाबाद येथील एका व्यक्तीने फोन करुन ही खोटी माहिती दिली होती. पोलिसांनी या व्यक्तीला अटक केली आहे. बॉम्बची माहिती मिळताच ताजमहाल परिसरात मोठ्या प्रमाणात सीआयएसएफ आणि स्थानिक पोलिस तैनात करण्यात आले. सूत्रांच्या माहितीनुसार, आता संपूर्ण ताजमहालमध्ये शोध मोहीम राबवली जात आहे. या घटनेनंतर परिसरात खळबळ उडाली आहे.
We'd received info from control room that a man called them up saying that there are discrepancies in military recruitment & he wasn't recruited. A Bomb is kept at Taj Mahal which will explode soon. Security check is being done around Taj Mahal: Shiv Ram Yadav, SP (Protocol) Agra pic.twitter.com/crr8x8sb43
सैन्य भरती रद्द झाल्याने नाराज होता तरुण
आग्राच्या लोहमंडी पोलिस ठाण्यात यूपी पोलिसांना ताजमहालमध्ये बॉम्ब ठेवल्याची माहिती दिली होती. आग्रा येथील प्रोटोकॉल एसपी शिवराम यादव म्हणाले की, ज्याने फोनवरून बॉम्बची माहिती दिली तो तरुण फिरोजाबादचा रहिवासी आहे आणि सैन्य भरती रद्द केल्याबद्दल त्याला राग होता. शिवराम यादव म्हणाले की, फोन कॉलनंतर पोलिसांनी नंबर ट्रेस केला असता त्या युवकाला शोधून ताब्यात घेण्यात आले.