Bihar Politics : बिहारमध्ये नितीश-तेजस्वी सरकारची आज 'महा-परीक्षा'! बहुमत सिद्ध करण्याचं आव्हान

Bihar Politics : बिहारमध्ये आज आणि उद्या विधीमंडळाचे अधिवेशन होणार आहे. आज नव्या सरकारला बहुमत सिद्ध करावं लागणार आहे. 

Bihar Politics : बिहारमध्ये (Bihar) नितीश कुमार (Chief Minister Nitish Kumar) यांनी राजकीय भूकंप घडवत भाजपला धक्का दिला. त्यानंतर राष्ट्रीय जनता दलासबोत सत्ता स्थापन केली. नितीश कुमार यांनी मुख्यमंत्रीपदाची तर तेजस्वी यादव यांनी उपमुख्यमंत्रीपदाची शपथ घेतली. त्यानंतर आता या महागठबंधनच्या (Grand Alliance Government) सरकारसमोर सभागृहात बहुमत (Floor Test)  सिद्ध करण्याचं आव्हान आहे. आज आणि उद्या विधीमंडळाचे अधिवेशन होणार आहे. आज नवीन सरकारला बहुमत सिद्ध करावं लागणार आहे. 

नवे सरकार आज आपले बहुमत सिद्ध करणार
बिहारमध्ये एनडीएपासून (NDA) वेगळे होत मुख्यमंत्री नितीश कुमार यांच्या नेतृत्वाखाली स्थापन झालेले नवे महाआघाडी सरकार आज विधानसभेत आपले बहुमत सिद्ध करणार आहे. आज बिहार विधानसभेचे एक दिवसीय विशेष अधिवेशन बोलावण्यात आले आहे. या विशेष अधिवेशनादरम्यान आज सभागृहात जेडीयू-आरजेडी युतीला बहुमत सिद्ध करावे लागणार आहे. सध्या विधानसभेचे अध्यक्ष विजय सिन्हा यांनी आपले पद सोडण्यास नकार दिला आहे. अशा स्थितीत बिहार विधानसभेच्या विशेष अधिवेशनात प्रचंड गदारोळ होण्याची शक्यता आहे. मात्र, बिहार विधानसभेच्या अध्यक्षांविरोधात अविश्वास प्रस्ताव आला आहे. अशा परिस्थितीत विधानसभेचे अध्यक्ष विजय सिन्हा यांनी हे नियम आणि तरतुदीच्या विरोधात असल्याचे सांगितले आहे. बिहार विधानसभेचे अध्यक्ष विजय सिन्हा हे भाजपचे आमदार आहेत.

बहुमताचा मान राखून सभापतींनी द्यावा राजीनामा

त्याचवेळी जेडीयूच्या तिकिटावर आमदार झालेले बिहार विधानसभेचे उपसभापती महेश्वर हजारी म्हणतात की, अविश्वास प्रस्ताव सभापतींच्या विरोधात आला आहे, अशा स्थितीत सभागृह चालवण्याचे काम उपसभापतींना करावे लागेल. घर महेश्वर हजारी यांच्या मते, विजय सिन्हा यांनी नैतिकता आणि बहुमताचा मान राखून आपले पद सोडावे.

नितीश कुमारांकडे 164 आमदार 
बिहारच्या 243 जागांच्या विधानसभेत सरकार स्थापन करण्यासाठी 122 आमदारांची गरज आहे. अशा स्थितीत नितीश कुमार यांच्या नेतृत्वाखाली महागठबंधनाकडे सध्या 164 आमदार आहेत. जो फ्लोअर टेस्टमध्ये आपले बहुमत सहज सिद्ध करू शकतात. दुसरीकडे, अविश्वास प्रस्तावानंतर विजय सिन्हा यांना सभापतीपदी राहण्यासाठी बहुमताची गरज भासणार असली तरी भाजपकडे केवळ 77 आमदार आहेत.

अवध बिहारी चौधरी विधानसभेचे नवे अध्यक्ष?

सध्या महाआघाडीच्या आमदारांनी 10 ऑगस्ट रोजी विधानसभा अध्यक्ष विजय सिन्हा यांच्याविरोधात अविश्वास प्रस्तावाची नोटीस विधानसभा सचिवांना दिली होती. दरम्यान, आता आरजेडीचे ज्येष्ठ नेते अवध बिहारी चौधरी विधानसभेचे नवे अध्यक्ष असू शकतात, अशी चर्चा सुरू आहे. दुसरीकडे, जेडीयूचे देवेशचंद्र ठाकूर यांना विधान परिषदेचे अध्यक्ष बनवले जाऊ शकते.

इतर महत्वाच्या बातम्या