मुंबई : बकरी ईदसाठी राज्य सरकारनं सोमवारी जाहीर केलेली सुट्टी एक दिवसाने लांबणीवर पडली आहे. त्यामुळे आता सोमवारी ठरलेली रजा मंगळवारी मिळणार आहे.
आज (रविवारी) होणारं चंद्रदर्शन उद्या (सोमवार)वर गेल्यामुळे ईदची सुट्टी परवा देण्यात आली आहे. या अचानकच्या बदलामुळे सलग सुट्ट्यांचा प्लॅन करुन बाहेरगावी गेलेल्या कर्मचाऱ्यांना मात्र कसरत करावी लागणार आहे.
गणपतीच्या सुट्ट्यांना जोडून शनिवार, रविवार आणि सोमवार अशी तीन दिवस सुट्टी आल्यानं अनेकजण बाहेरगावी गेलेले होते. त्यांना आता आपला बेत बदलावा लागणार आहे. विद्यार्थ्यांनाही सोमवारी शाळेत उपस्थित राहावं लागणार आहे. त्याऐवजी मंगळवारी सुट्टी मिळणार आहे.